/ Ko ‘Emau Fa‘unga Fakangāué

Ko ‘Emau Fa‘unga Fakangāué

Ko e Kāinga Ora - Homes and Communities ko ha sino ngāue ia ‘a e pule‘angá na‘e fokotu‘u ‘i he malumalu ‘o e Kāinga Ora - Homes and Communities Act (Lao ki he Kāinga Ora - Homes and Communities) 2019. Ko ha kautanga ngāue ia ‘a e Kalauní na‘e fokotu‘u ‘i he Crown Entities Act (Lao ki he Ngaahi Sino Ngāue ‘a e Pule‘angá) 2004.

Ko ‘Emau Kau Minisitaá

Kau Minisitā To‘o Fatongiá

Hon Christopher Bishop – Minisitā ki he Ngaahi Fale Nofo‘angá
Hon Nicola Willis – Minisitā Pa‘angá

Kau Tokoni Minisitaá

Hon Tama Potaka – Tokoni Minisitā ki he Ngaahi Fale Nofo‘angá (Social Housing)

Ko ‘Emau Poaté

‘Oku ‘i ai ‘a e ngaahi fatongia kehekehe ‘o e Poaté, kau ai ‘a hono fokotu‘u ‘o e hu‘unga ‘o e palani ngāue ‘a e potungāué pea mo e ngaahi faka‘amu fakata‘u ki he faifatongiá (‘i he ngāue fakataha mo e Minisitaá), leva‘i ‘a e ngaahi me‘a ‘e ngali matu‘utāmakí mo fakapapau‘i ‘a e muimui pau ki he ngaahi tu‘utu‘uní, pea mo hono tauhi ‘o e ngaahi vā ngāue ‘oku hoa mo e ngaahi kupu fekau‘aki tefitó.

Ko e kau mēmipa ‘o ‘emau Poaté ko:

	Simon Moutter (Sea) Talēkita Pule Mālōlō ‘o e Spark New Zealand mo e CEO ‘o e Auckland International Airport. Lolotonga hoko ko ha talēkita ‘i he Commonwealth Bank of Australia pea ko ha Sea ‘o e Smart Environmental Group, Les Mills International mo e Designer Wardrobe.
	Jenn Bestwick (Deputy Chair) Taki fakapule‘anga taukei na‘á ne ma‘u ha ngaahi ngafa ‘i he poaté ‘i he Komisiona ki he Ngaahi Ako Tēsialé (Tertiary Education Commission), Antarctica New Zealand, Tourism New Zealand, mo e Southern Response Earthquake Services. Puipuitu‘a ‘i hono fakahoko ‘a e ngaahi palani ‘i he ngaahi sekitoa kehekehe.
	Alan Dent Hoa Ngāue Mālōlō ‘a e Deloitte NZ ‘okú ne ma‘u ha taukei ta‘u ‘e 30 ‘i he me‘a fakapa‘anga fakapisinisí. Mataotao ‘i he ngaahi ngāue fakafale‘i ki he me‘a fakapa‘angá, kau ai ‘a e fale nofo‘anga ki he fa‘ahinga ‘oku mā‘ulalo ‘enau tu‘unga fakapa‘angá mo e ngaahi ngāue lalahí. ‘Iloa ko e tokotaha takimu‘a ‘i he fakamahu‘inga ‘api ‘i Nu‘u Sila.
	John Bridgman Pule Lahi ‘i he ngaahi ngāue lalahí mo e ‘enisiniá ‘okú ne ma‘u ha taukei fakataki ‘i he AECOM. Ngaahi ngafa fakataki ‘i he ngaahi polōseki ngāue lalahi mo e fefononga‘akí. Sea ‘o e City Rail Link Limited pea ko e Talēkita ia ‘o e Waka Kotahi NZ Transport Agency.
	Peter Jeffries Taki ngāue taimi lōloa ‘i he tafa‘aki fale nofo‘anga ‘a e komiunitií. CEO mālōlō ‘o e CORT Community Housing, ‘okú ne tokanga‘i ‘a e ngaahi ‘api laka hake he 390 ma‘á e kakai laka hake ‘i he 540.
	Ceinwen McNeil Mataotao ‘i he ngaahi vā fengāue‘aki ‘a e pule‘angá mo e ngaahi fengāue‘aki ki tu‘á. Talēkita, Central and Local Government Relations Aurecon, mo e Palesiteni ‘o e Association of Consulting and Engineering NZ.
	Fiona Fountaine Mataotao ‘i he tu‘unga pulé ‘okú ne ma‘u ha taukei ‘i he ngaahi kautaha ko e Development Christchurch, Lyttelton Port Company, Treasury’s Capital Investment Panel, KiwiRail, mo e Reserve Bank of New Zealand. Lolotonga hoko ko ha talēkita ‘i he Rural Livestock Ltd.