Ngaahi Totongí
‘Ilo fekau‘aki mo e founga ke ke fakapapau‘i ai ko hono totongi ‘o e nofó ‘e faingofua ia ‘i he lelei taha ‘e ala lavá. ‘Oku mau ‘i heni ke tokoni atu.
‘Oku mau fiema‘u ke ngaohi ki he faingofua taha ‘e ala lavá ho‘o tauhi ho‘o ngaahi totongi nofó mo e ngaahi mo‘ua kehé, ‘I he peesi ko ení te ke ma‘u ai ha ngaahi fakaikiiki ‘aonga ‘e ni‘ihi, ka te ke malava ma‘u pē ‘o fetu‘utaki mai kiate kimautolu kapau ‘oku ‘i ai ha‘o ngaahi fehu‘i.
Totongi malu‘í/pooní (bond)
‘E ‘ikai ke ‘eke atu ‘e he Kāinga Ora ha totongi malu‘i ‘i he taimi te ke hiki mai aí - ‘oku mau fiema‘u ke fakafaingofua‘i ‘a e hiki mai ‘a e kakaí ki ha ‘api māfana, mo mātu‘ú, ko ia na‘a mau ta‘ofi hono fakahoko ení ‘i ‘Epeleli 2019.
Totongi ki he Nofó
Ko hono totongi kei taimi ho‘o totongi nofó ‘e lava ke ke hao ai mei he hoko ‘o fu‘u mafasiá. Ko hono ta‘etotongi ha ngaahi totongi ‘e ni‘ihi ‘e ala hoko ai ‘o hā ngalingali ‘e ‘alu ke toe kovi ange ‘a e ngaahi me‘á, ko ia ai fetu‘utaki mai kiate kimautolu kapau te ke hoha‘a nai fekau‘aki mo ho‘o malava ko ia ke totongi kei taimi iá.
Kapau ‘oku ke ‘ilo ‘e ‘ikai te ke fakahoko ha fo‘i totongi nofo pe ‘oku ‘osi hoko ia, te tau lava ‘o alea‘i ha palani te ne fakafaingofua‘i hono totongi iá pea ‘uhinga ia ‘e ‘ikai ke ke maumau‘i ho‘o aleapau ki he nofo totongí. Telefoni mai ‘i he 0800 801 601 kapau ‘oku fiema‘u ha tokoni.
Totongi nofo ‘oku tokoni mai ki ai ‘a e pule‘angá
Kapau ‘okú ke totongi ha totongi nofo ‘oku tokoni mai ki ai ‘a e pule‘angá, ‘e vakai‘i ia e he Ministry of Social Development (MSD) ‘i he ta‘u kotoa, fakafuofua ki he taimi na‘a ke hiki mai aí.
Hili ‘enau vakai‘i iá, ‘e faitohi atu ‘a e MSD ke talaatu pe ‘oku liliu ho‘o totongi nofó pea ko e hā ‘a e ngaahi liliu ko iá. ‘E ‘oatu leva ‘e he MSD ha foomu ke ke fakafonu fakafuofua ki he māhina ‘e fā kimu‘a ‘i he taimi ‘oku fiema‘u ke lliu ai ho‘o totongi nofó.
Kapau ‘oku ‘ikai ke ke fie tohi kole ki he totongi nofo ‘oku tokoni mai ki ai ‘a e pule‘angá, pe ‘oku laka ho‘o pa‘anga hū maí ‘i he fakangatangatá, ‘e ala ‘uhinga ia ‘oku fiema‘u ke ke totongi ‘a e totongi fale ‘i he māketí ki ho ‘apí.
Manatu‘i ke talamai ‘i he vave tahá kapau ‘oku liliu ho ngaahi tūkungá.
Ki ha fakamatala lahi ange
- Telefoni ki he Ministry of Social Development ‘i he 0800 559 009.
- ‘Oku nau toe ma‘u foki ha fakamatala lahi ange, kau ai ‘a e ngaahi fehu‘i ‘oku fa‘a ‘eké, ‘i he ‘enau uepisaití(external link)
‘Oku ‘i ai ha ngaahi founga kehekehe ‘e ni‘ihi te ke lava ai ‘o totongi ai ‘a ho‘o totongi nofó.
Kapau ‘oku ke vahe penefiti pe ma‘u ha vāhenga mālōlō
Te ke lava ‘o totongi ia ‘aki hono fokotu‘utu‘u ke toho ho‘o ngaahi vahe penefití pe vāhenga mālōloó. Hiki (download) ‘a e foomu Redirection of benefit [PDF, 32 KB].
Kapau ‘oku ke ma‘u ha toe pa‘anga hū mai ‘e taha
Te ke lava ‘o fokotu‘utu‘u ha totongi fakahangatonu. Kapau kuo ke ‘osi ma‘u ha internet banking (pangikē ‘i he ‘initanetí) te ke lava ‘o fakahoko eni ‘i he ‘initanetí pe tukuhifo ‘a e foomu Automatic payment to Kāinga Ora [PDF, 57 KB].
Kapau ‘oku to‘o ‘e ho‘o ngāue‘angá ho‘o totongi nofó mei ho‘o vahé
Hiki ‘a e foomu Authority to make deductions from wages/salary form [PDF, 40 KB]
Kapau ‘oku ke loto ke totongi fakahangatonu
Te ke lava ‘o fokotu‘utu‘u pea totongi fakafou ‘i he bill payment (totongi mo‘uá).
Ko e hā ‘a e bill payment (totongi mo‘ua)?
Ko e Kāinga Ora ko ha Bill Payee (kautaha ke totongi ki ai ha mo‘ua) ia ki he ngaahi pangikē lalahí kotoa. ‘Oku pule‘i ‘a e ngaahi bill payments (totongi mo‘uá) ‘e koe ki ha mahu‘inga ‘oku ke fokotu‘u. ‘Oku ‘uhinga ení ‘oku ke ma‘u ‘a e tu‘unga ngāofengofua ke fakahoko ha totongi ‘i ha ngaahi taimi kehekehe mo e mahu‘inga kehekehe ‘oku ke loto ki ai. Hangē pe ko e totongi ‘aki ‘a e pa‘angá, ‘o ‘ikai fiema‘u ia ke ke ‘alu ki he pangikeé.
‘O kehe ia meí he totongi fakahangatonú, ‘e malava pē ha bill payment (totongi mo‘ua) ‘o fakahoko kapau ‘oku ‘i ai ha‘o pa‘anga fe‘unga ‘i ho‘o ‘akauní, ‘a ia ‘oku ‘ikai ha toe ngalingali ke toe fakafoki mai ha totongi.
‘E lava ‘o fakahoko eni ‘i he ‘initanetí, ‘i he telefoní mo e mobile banking (pangikē ‘i he telefoní).
‘E fēfē ha‘aku fakahoko ha totongi ‘aki ‘a e bill payment?
‘Initaneti pe mobile banking
Lēsisita ki he online banking (pangikē ‘i he ‘initanetí) mo ho‘o pangikeé, ‘i he lahi taha ‘o e ngaahi pangikeé te ke lava ‘o fakahoko eni ‘i he ‘initanetí pe tā telefoní.
Hili pē ho‘o lēsisitá te ke lava ‘o fokotu‘utu‘u ha bill payment fo‘ou ‘i he ‘initanetí pe mei ho‘o telefoni to‘oto‘ó. Fili/lomi ‘a e ‘Kāinga Ora –Homes and Communities‘ mei he lisi ‘o e ngaahi bill payee (kautaha ke totongi ki ai ‘a e mo‘uá) ‘oku ‘atā atú pea fakafonu ‘a e ngaahi konga ki he totongí (payment fields) hangē ko ení:
|
Ngaahi Fakaikiikí |
Kouti |
Fika Fekau‘akí |
|
Totongi ki he Nofó |
Hingoa ‘o e tokotaha nofo totongí |
Fika Fekau‘aki (Reference) ki he Totongí |
Ki ha fakamatala lahi ange ki hono fokotu‘u ‘a e ngaahi totongi mo‘ua ‘i he ‘initanetí fili ho‘o pangikeé ‘i lalo heni:
- ANZ(external link)
- ASB(external link)
- BNZ(external link)
- Kiwibank(external link)
- Westpac(external link)
Fetu‘utaki ki ho‘o pangikeé ke fokotu‘u ha me‘angāue fakapangikē ‘i he telefoní. Ko e lahi taha ‘o e ngaahi pangikeé ‘oku lava pē ke ke fakahoko eni ‘i ho‘o telefoní. ‘E fiema‘u ke ke kole ke nau fakahū ‘a e Kāinga Ora ki ho‘o lisi ‘o e ngaahi Bill Payees (ngaahi kautaha ke totongi ki ai ‘a e mo‘uá) pea fakafonu ‘a e ngaahi konga ki he totongí hangē ko eni ‘i laló:
|
Ngaahi Fakaikiikí |
Kouti |
Fika Fekau‘akí |
|
Totongi ki he Nofó |
Hingoa ‘o e tokotaha nofo totongí |
Fika Fekau‘aki (Reference) ki he Totongí |
Totongi nofo ‘oku tokoni mai ki ai ‘a e pule‘angá
Kapau ‘okú ke totongi ha totongi nofo ‘oku tokoni mai ki ai ‘a e pule‘angá, ‘e vakai‘i ia e he Ministry of Social Development (MSD) ‘i he ta‘u kotoa, fakafuofua ki he taimi na‘a ke hiki mai aí.
Hili ‘enau vakai‘i iá, ‘e faitohi atu ‘a e MSD ke talaatu pe ‘oku liliu ho‘o totongi nofó pea ko e hā ‘a e ngaahi liliu ko iá. ‘E ‘oatu leva ‘e he MSD ha foomu ke ke fakafonu fakafuofua ki he māhina ‘e fā kimu‘a ‘i he taimi ‘oku fiema‘u ke lliu ai ho‘o totongi nofó.
Kapau ‘oku ‘ikai ke ke fie tohi kole ki he totongi nofo ‘oku tokoni mai ki ai ‘a e pule‘angá, pe ‘oku laka ho‘o pa‘anga hū maí ‘i he fakangatangatá, ‘e ala ‘uhinga ia ‘oku fiema‘u ke ke totongi ‘a e totongi fale ‘i he māketí ki ho ‘apí.
Manatu‘i ke talamai ‘i he vave tahá kapau ‘oku liliu ho ngaahi tūkungá.
Liliu ‘o e ngaahi tūkungá
Kapau ‘e liliu ho ngaahi tūkungá lolotonga ho‘o tali ki ha ‘api Kāinga Ora, pe kapau ‘oku ke lolotonga nofo ‘i ha ‘api, ‘e fiema‘u ke ke fakahoko ia ki he Ministry of Social Development (Potungāue ki he Fakalakalaka Fakasōsialé) ‘i he vave tahá ‘aki ‘a e fetu‘utaki ki he Work and Income ‘i he 0800 559 009 pe Senior Services ‘i he 0800 552 002 kapau ‘oku ke lahi hake ‘i he 65.
Lau lahi ange fekau‘aki mo e me‘a ‘oku fiema‘u ke ke faí kapau ‘oku liliu ho ngaahi tūkungá
Ngaahi fehu‘i pe tokoni?
Kapau ‘oku ‘i ai ha‘o ngaahi fehu‘i fetu‘utaki mai kiate kimautolu ‘i he vaha‘a ‘o e 8 pongipongi-6 efiafi Mōnite-Falaite ki he 0800 801 601 pea lomi ‘a e '2 - Totongi nofo, totongi pe ngaahi faka‘eke‘eke ki ha ‘akauni'.
‘I ho‘o tā maí, fakapapau‘i ‘oku ke ma‘u ho fika ngāue ma‘á e kasitomaá.
Kuo fakafo‘ou ‘a e peesí: 11 Fēpueli 2025