Ko homau fatongia ko ha lenilootí

‘I he tu‘unga ko ha lenilooti ki he ngaahi fale nofo‘anga ki he fa‘ahinga ‘oku mā‘ulalo ‘enau tu‘unga fakapa‘angá, ‘oku mau ngāue mālohi ke tokoni‘i ‘emau kau nofo totongí pea ‘oatu kiate kinautolu ha ‘api māfana, mo mātu‘u ‘a ia ‘okú ne fakalato ‘enau ngaahi fiema‘ú. ‘Oku toe ‘uhinga foki ‘eni ko hono fakafehokotaki kinautolu ki he ngaahi tokoni ‘oku nau fiema‘u ke nofo lelei ai, mo ha ngeia, ‘i he ngaahi komiunitī ‘oku fā‘ūtaha.

Ko e me‘a tēpuú, ko homau fatongiá ke ‘oatu ki he ‘emau kau nofo totongí ha ‘api tu‘uma‘u ki he lōloa taha te nau fiema‘ú. ‘I he ‘ene peheé, ‘oku mau ‘amanekina ke nau hoko ko ha ngaahi kaungā‘api mo ha kau nofo totongi lelei.

Fe‘iloaki mo e ni‘ihi ‘o ‘emau kau nofo totongí

Vakai‘i ‘a e ngaahi talanoa ‘o e ni‘ihi ‘emau kau nofo totongi anga lelei ‘oku nau tokoni ki hono ngaohi ‘enau komiunitií ko ha feitu‘u lelei ke nofo ai.

• Ko e ngaahi a‘usia ‘a ‘emau kau nofo totongí

Me‘a ‘oku mau ‘amanekina ke fakahoko ‘e he ‘emau kau nofo totongí

Ko homau fatongiá ke ‘oatu ki he ‘emau kau kasitomaá ha ‘api tu‘uma‘u ki he lōloa taha te nau fiema‘ú. ‘I he ‘ene peheé, ‘oku mau ‘amanekina ke nau hoko ko ha ngaahi kaungā‘api mo ha kau nofo totongi lelei pea ‘oku mau mahino‘i lelei hono ‘uhingá.

• Ko e hoko ko ha kaungā‘api lelei
• Aleapau ki he nofo totongí

Ko ‘emau founga ngāue ki he tō‘onga fakatupu moveuveú.

Kuo mau liliu ‘emau founga ngāue ki hono tokanga‘i ‘a e kau nofo totongí pea fakamālohia ‘emau ngāue ‘oku fakahoko ki he tō‘onga fakatupu moveuveú.

‘Oku mau ‘ilo‘i ko e tokolahi taha ‘emau kau nofo totongí ‘oku nau taliangi mo faka‘apa‘apa‘i honau ngaahi kaungā‘apí. Neongo eni, ‘i he taimi ‘oku hoko ai ha tō‘onga fakatupu moveuveú, ‘e lava ke ke ‘amanekina te mau ngāue‘aki ‘a e lao Residential Tenancies Act ‘i he taimi ‘e fiema‘u aí ke mau ngāue atu ki hono liliu ‘a e tō‘ongá pea fokotu‘u ha ta‘ofi‘anga ki he tō‘onga fakatupu moveuveú.

• Ko ‘emau founga ngāue ki he tō‘onga fakatupu moveuveú.

Fakamatala ki homau ngaahi kaungā‘apí

Kapau ‘oku ‘i ai ha ngaahi ‘api ‘a e Kāinga Ora ‘i ho kaungā‘apí, ‘e ala ‘i ai ‘a e ngaahi taimi ‘e ‘i ai ha‘o ngaahi fehu‘i, pe fiema‘u ke fetu‘utaki mai kiate kimautolu.

• Ko homau ngaahi kaungā‘apí