Ko hono tauhi ho ‘apí ke malú

Te ke lava ‘o tauhi ke malu mo hao ho ‘apí ‘aki hono loka mo fakama‘u ‘a e ngaahi matapaá mo e matapā sio‘atá ‘i he taimi ‘oku ‘ikai ke ngāue‘aki aí. ‘Oku fokotu‘u ‘e he Kāinga Ora ha ngaahi loka malu‘i mei he kaiha‘á (security catches) ‘i he ni‘ihi ‘o e ngaahi matapā sio‘ata ‘i he ‘emau ngaahi ‘apí, pea lava ke ‘oatu ha ngaahi fakakaukau tokoni kapau ‘oku ‘i ai ha‘o palopalema ‘i hono ngāue‘aki kinautolú. Telefoni mai pē kiate kimautolu‘i he 0800 801 601.

Kapau ‘e ‘alu atu ha tokotaha ki ho matapaá ‘o talaatu ‘oku ngāue ma‘á e Kāinga Ora, ‘eke ange ke ke sio ki he ‘enau ‘ilo‘angá (identification). Kapau ‘oku ‘ikai ke ne lava ‘o ‘oatu hano ‘ilo‘anga, kole ange ke talitali ‘i tu‘a pea fetu‘utaki mai kiate kimautolu ‘i he vave tahá ‘i he 0800 801 601.

Kapau ‘oku ke mavahe atu:

• ‘ai ke hā ngali ‘oku nofo‘i ho ‘apí ‘aki hono tuku mo‘ui ‘a e lētioó pe tuku mo‘ui ‘a e ‘uhilá. ‘E lava ‘e he ngaahi me‘a fakamo‘ui ‘uhila ‘oku taimi‘í (power point timers) mei ho‘omou falekoloa me‘angāue fakakoló ‘o fakamo‘ui mo tāmate‘i ‘a e ‘uhilá ‘i ha ngaahi taimi kuo fokotu‘u.
• kole ki ha taha ‘oku ke falala ki ai hangē ko ha kaungā‘api, fāmili pe kaungāme‘a ke nau ‘a‘au ‘a ho‘o puha meilí. Te ke toe lava foki ‘o kole ki he NZ Post ke tauhi ia ma‘á u.
• vakai‘i pe ‘oku ‘i ai ha tokotaha ‘oku ke falala ki ai te ne lava ‘o kosi mo tuku ho‘o vevé ki tu‘a ma‘á u.
• ‘i he konga ‘o ho‘o Aleapau ki he Nofo Totongí, ‘oku fiema‘u ‘e he Kāinga Ora ke nau ‘ilo pe te ke mavahe mei ‘api ‘o laka hake ‘i he ‘aho ‘e 31.

Ko ha fakakaukau lelei ma‘u pē ke hoko ‘o ‘ilo‘i ‘a e kakai ‘i ho ngaahi kaungā‘apí, pe na‘a mo e kau atu ki he Neighbourhood Support Group (Kulupu Fepoupouaki ‘o e Ngaahi Kaungā‘apí) ‘i ho koló. ‘Oku tau malu kotoa ange ‘i he ‘etau ngāue fakatahá.

Ke ‘ilo lahi ange fekau‘aki mo e kau atu pe kamata‘i ha kulupu ‘i ho feitu‘ú, fetu‘utaki ki he Neighbourhood Support New Zealand ‘i he 0800 463 444.

Sio ki lalo ‘i heni ki he me‘a ‘oku lelei ke ‘ilo ki ai ‘i hono tauhi ke malu mo hao ho fāmilí ‘i ‘apí.