Malu mei he velá

Ngaahi me‘a fakatokanga ‘ahú

‘Oku fokotu‘u ‘a e ngaahi me‘a fakatokanga ‘ahú ‘i he kotoa ‘o ‘emau ngaahi ‘apí koe‘uhi ko e tu‘unga malu mo hao ‘emau kau nofo totongí - ‘i he ngaahi feitu‘u ‘oku fai ai ‘a e nofó, ko e holoueí/vaha‘a lokí (hallway), ngaahi falekā ‘oku hoko ki he falé mo e taha ‘i he loki takitaha. ‘Oku malu mo falala‘anga ia ‘i he taimi ‘oku tokanga‘i lelei aí, kae kapau ‘oku ke pehē ‘oku maumau ha me‘a fakatokanga ‘ahu, talamai ke mau ‘ilo ‘i he vave tahá.

‘Oku mau fokotu‘u atu ke tesi/vakai‘i ho ngaahi me‘a fakatokanga kohú tu‘o taha ‘i he māhina mo e taimi ‘oku ke foki ai ki ‘api hili ha‘o mavahe atu. Ke tesí, lomi‘i ‘a e me‘a lomi test/reset ‘i ha sekoni ‘e ua nai. ‘E tatangi ‘a e me‘a fakatokangá. ‘I ho‘o to‘o ho tuhú mei he me‘a lomí ‘e reset (toe kamata fo‘ou) leva ia pea ‘e kamokamo hokohoko.

Fakama‘a ‘a e ngaahi me‘a fakatokanga kohú ‘i he māhina ‘e 6 kotoa ‘aki hono tafi ma‘ama‘a pē ia ‘aki ha polosi tafi ‘o ha vekiume.

Telefoni mai ‘i he 0800 801 601 kapau:

• ‘e tu‘u ‘a e kamokamo ‘a e maama kulokulá
• ‘oku ‘ikai ke lea ha ongo fakatokanga ‘i he taimi ‘oku ke lomi ai ‘a e me‘a lomi test/reset
• ‘e hokohoko atu ‘a e lea ‘a e me‘a fakatokanga kohú ‘aki ha longoa‘a angakehe pe kikī.

Kapau te ke ‘ai ‘o lea ‘a e me‘a fakatokanga kohú ta‘efakatokanga‘i - ko e fakatātaá, ‘aki hono ta‘o ‘o paku ha tousi - fakaava ‘a e ngaahi matapā sio‘atá ke hū atu ‘a e ‘ea ko iá ki tu‘a mei ho ‘apí pea lomi ‘a e me‘a lomi hush kapau ‘oku ‘i ai.

Ngaahi fakakaukau tokoni kehé

Tauhi ‘a e ngaahi nāunau falé, valá mo e ngaahi puipuí ke mita ‘e taha nai mei he ngaahi mīsini fakamāfaná mo e feitu‘u ‘o e afí (fireplace). ‘E lava ke a‘u ‘o ‘aho ‘e 5 ‘a e ngaahi malalá ke mate mo mokomoko ko ia ai fa‘o ia ki ha fa‘o‘anga me‘a ukamea ‘o mama‘o mei ho ‘apí. Tamate‘i ma‘u pē ho ngaahi kafu faka‘uhila ‘i he holisí kimu‘a ke ke mohé.

‘Oku kamata‘i ‘e he feime‘atokoní ‘a e ngaahi vela lahi. Ko e ngaahi founga eni ‘e ni‘ihi ke ta‘ota‘ofi ‘aki iá:

• ‘oua ‘e tuku ha fa‘ahinga me‘a ke tu‘u ‘i he sitoú ‘o ‘ikai ke tokanga‘i
• tāmate‘i ‘a e sitoú kapau ‘e kohu/vela ‘a e loló pe ngakó
• tauhi ‘a e ngaahi puipuí, sioki faka‘uhila pelesitikí mo e taueli holoholó ke mama‘o mei he sitoú
• to‘o ma‘u pē ‘a e ngaahi momó mei he me‘a tunu tousí pea fakama‘a ‘a e ‘ōvaní.

Ko ha vitiō lelei eni ke ‘ilo ki ai ‘oku ne ‘oatu ha fakamatala ‘aonga ki he founga ke ke hao mo malu ai mo ho fāmilí ‘i ‘apí.