Ko ‘emau kau nofo totongí
Kapau ko ha tokotaha nofo totongi Kāinga Ora koe, ko e konga ko ení ma‘á u.
‘Oku mau tokanga fakatou‘osi ki he tu‘unga lelei ‘o ‘emau ngaahi ‘apí mo e tu‘unga lelei ‘o e mo‘ui ‘a e kakai ‘e toko 190,000 ‘oku nau nofo ‘i aí – ‘a ia ko e pēseti nai ‘e 40 ko e fānau mo e to‘utupu.
Ko ho‘o aleapau ki he nofo totongí ko ha pepa fakalao ia. ‘Oku ne talaatu ‘a e me‘a ‘oku totonu ke ke ‘amanekina meiate kimautolú mo e me‘a ‘oku mau ‘amanekina meiate koé.
‘Oku mau tukupā ke hoko ko ha lenilooti lelei. Ko e konga ‘o e me‘á ni ‘oku ‘uhinga ia ke potupotu tatau homau ngaahi fatongia ki he ‘emau kau nofo totongí – ‘a ia ko e fa‘ahinga ‘o kinautolu ‘oku nau hokosia ha ngaahi pole kehekehe – mo hono fakapapau‘i ‘oku ma‘u ‘e he fa‘ahinga kehe ‘i he komiunitií ha nonga ‘oku fakatupu fiefia.
‘Oku mau ‘i heni ke tokoni‘i koe mo ho fāmilí ‘i ho ‘api Kāinga Ora mo ha tokangataha loto-mo‘oni fekau‘aki mo e tu‘unga lelei ‘a e mo‘uí.
Ko e hoko ko ia ko ha kaungā‘api leleí ko ha konga mahu‘inga ia ‘o e nofo ‘i ho komiunitií. ‘Oku mau fakalototo‘a‘i kotoa ‘emau kau nofo totongí ke nau hoko ko ha ngaahi kaungā‘api lelei.
‘Ilo fekau‘aki mo e founga ke ke fakapapau‘i ai ko hono totongi ‘o e nofó ‘e faingofua ia ‘i he lelei taha ‘e ala lavá. ‘Oku mau ‘i heni ke tokoni atu.
Find tips and tools to help with budgeting, saving and preparing for unexpected costs.
Ko hono tauhi ho ‘api Kāinga Ora, mo fakahoko ha ngaahi fakalelei ma‘á e kakai faingata‘a‘ia fakaesinó mo e me‘a ke ‘ilo ki ai ‘i he taimi ‘oku ‘a‘ahi atu ai ha kau ngāue ‘osi ma‘u tikité ki ho ‘apí.
‘I he taimi ‘e ni‘ini ‘e fiema‘u ke monomono/fakalelei‘i ho ‘apí. Vakai ki he ngaahi me‘a te mau lava ‘o fakahoko ma‘aú mo e me‘a ‘e ala malava pē ke ke fakahokó.
‘Oku mau ‘ilo ‘oku lelei ‘a e feohi mo e fanga monumanu pusiakí/lalatá pea ‘oku mau fiema‘u ke a‘usia ‘e he ‘emau kau nofo totongí mo honau ngaahi fāmilí ‘a e ngaahi lelei lahi ‘o hono tauhi ‘o ha monumanu pusiaki.
‘Oku lahi ‘a e ngaahi ‘uhinga te ke ala fiema‘u ai ke hiki ki ha ‘api ‘e taha. ‘Oku mau ‘i heni ke tokoni, ko ia ai fetu‘utaki mai kiate kimautolu kapau ‘oku ke loto ke hiki pea te tau lava ‘o talanoa fekau‘aki mo ho tūkungá, ho‘o ngaahi fiema‘u ki ha falé mo e ngaahi fili ki he fale nofo‘angá ‘oku ke ma‘ú.
‘I hono fakahā mai ‘i he taimi pē ‘oku hoko ai ha liliu ki ho‘o ngaahi fokotu‘utu‘u ki he nofó pe pa‘anga hū maí, ‘e lava ai ‘e he Kāinga Ora mo e Ministry of Social Development (Potungāue ki he Fakalakalaka Fakasōsialé) ‘o fakapapau‘i te ke lava ‘o ma‘u ‘a e tokoni lelei taha ‘oku ‘atā atu kiate koé.
Ke fakalato ‘a e fiema‘u ki ha ngaahi fale ‘a e pule‘angá ‘oku māfana, mo mātu‘ú, ‘oku langa ai ‘e he Kāinga Ora ha ngaahi ‘api fo‘ou ‘e lauiafe. Kae kimu‘a ke mau kamatá, ‘oku fa‘a fiema‘u ke mau fakahiki ‘a e kau nofo totongí ki ha ‘api ‘e taha ke fakafaingamālie‘i ‘a e langa fo‘oú.
Kapau ‘oku ke palani ke taukave ma‘a ha tokotaha nofo totongi Kāinga Ora, te ke fiema‘u ‘enau fakangofuá kimu‘a ke mau talanoa atu kiate koe fekau‘aki mo honau tūkungá.
Vakai‘i ho‘o ‘akauní, ngaahi palanisi totongi nofó, ngaahi kole fakaleleí/monomonó mo e ngaahi me‘a lahi kehe ‘i he ‘initanetí ‘o ngāue‘aki ‘a e MyKāingaOra - ko ‘emau app ki he kau nofo totongí pē, - ‘o hangē pē ko e MyMSD mo e MyIR.
Tohi Fanongonongo 'Close to Home' ma‘á e kau nofo totongí
Ko e 'Close to Home' ko ha tohi fanongonongo ia ma‘á e kau nofo totongí ‘oku poupou ki ai ‘a e Kāinga Ora. Lau ‘i ai fekau‘aki mo e ngaahi komiunitī fakafeitu‘ú, ngaahi fakahinohino ki he feime‘atokoní, ngaahi fakakaukau ke tokoni, fale‘i mo e nofo malu mo hao takatakai ‘i ‘apí.