Fakatafenga vaí mo e ngaahi felotoi ki ha ngofuá (easements)

Fakatafenga vaí

Kapau ‘oku ke fiema‘u ha ngofua ke hū atu ki he ‘emau ngaahi ‘apí ke huka ki ha paipa fakatafe fo‘ou pe lolotonga, ‘e fiema‘u ke ke fai mai ha tohi ‘aki:

• ho hingoá, tu‘asilá mo e fakaikiiki ‘o e fetu‘utakí
• ‘a e tu‘asila ‘o e ‘api nofo‘anga ‘oku kaunga ki aí
• ‘a e tu‘asila ‘o e ‘api ‘o e Kāinga Ora
• ha tatau ‘o e tohi kole ki ha ngofuá
• ha tatau ‘o e pepa fakalao ‘o e ‘apí
• ha tohi ‘okú ne fakahaa‘i ‘a e kolé mo e vaha‘a taimi ki he ngāue ‘oku ‘amanaki ke fakahokó
• ha fakaikiiki pe ko ha fakatafe fakataautaha ia pe fakatafe ma‘á e kakaí pea mo e founga hono fokotu‘ú (fakatoka - thrust pe tuku fakaava - open trench)
• ha tatau ‘o e palani ‘o e konga ‘apí mo ha ngaahi lau‘itā ‘o e ngāué

Fakatokanga‘i kapau leva ‘e tali ho‘o fokotu‘ú ‘e ala ‘i ai ha totongi mo e/pe totongi malu‘i ‘a ia ‘e ala totongi ki he Kāinga Ora. 

Felotoi ki ha ngofuá (‘ikai ki he fakatafenga vaí)

Te ke fiema‘u nai ‘emau fakangofuá ki ha felotoi ki ha ngofua fo‘ou, ke fakahoko ‘aki ha liliu ki he ngaahi felotoi ki ha ngofua lolotongá, pe ke to‘o ha felotoi ki ha ngofua (ko e fakatātaá ko e ngaahi laine telefoní, totonu ke fou atu aí pe laine ‘uhilá).

‘E fiema‘u ke ke fai mai ha tohi ‘aki:

• ho hingoá, tu‘asilá mo e fakaikiiki ‘o e fetu‘utakí
• ‘a e tu‘asila ‘o e ‘api nofo‘anga ‘oku kaunga ki aí
• ‘a e tu‘asila ‘o e ‘api ‘o e Kāinga Ora
• ha tohi ‘okú ne fakahaa‘i fakaikiiki ‘a ho‘o kolé
• ha tatau ‘o e tohi kole ki ha ngofuá
• ha tatau ‘o e pepa fakalao ‘o e ‘apí
• ha tatau ‘o e ngaahi palani ‘o e konga ‘apí
• ha toe fakamatala ‘oku ke fakakaukau ‘e fiema‘u ke mau ‘ilo ki ai

Te u ‘ave ki fē ‘a e ngaahi fakamatala ko ení?

‘I ho‘o tānaki kotoa ‘a e ngaahi fakamatala ‘oku kaunga atú te ke lava ‘o:

• ‘īmeili:  PropertyManagementService@kaingaora.govt.nz 
  pe
• lī atu ia ‘i he meilí ki he:
  Property Management Service Team
  Kāinga Ora - Homes and Communities
  National Office
  PO Box 2628
  Wellington 6140