Ngaahi ngofuá, ngaahi fakatau konga kelekelé mo e ngaahi ngāue ma‘á e kakaí

Ngaahi fakangofua Resource Management Act (Lao ki hono Pule‘i ‘o e Ngaahi Koloá) (RMA)

Kapau ko ha tokotaha ma‘u ‘api fakafo‘ituitui koe ‘oku nofo hoko mai ki he taha ‘o ‘emau ngaahi falé, pea na‘á ke fai ha kole ‘a ia ‘e fiema‘u ki ai ha fakangofua RMA, ‘e fiema‘u ke mau ‘ilo:

• ho hingoá, tu‘asilá mo e fakaikiiki ‘o e fetu‘utakí
• ‘a e tu‘asila ‘o e ‘api nofo‘anga ‘oku kaunga ki aí
• ‘a e tu‘asila ‘o e ‘api ‘o e Kāinga Ora
• ‘a e foomu ‘a e fa‘ahi ‘oku uesiá mei ho‘o Ma‘u Mafai Fakakolo ki he Feitu‘ú
• ngaahi tatau ‘o e tohi kole ki ha ngofua ki he koloá
• ha tatau ‘o e ngaahi palani/mape ‘o e konga ‘apí mo e/pe falé
• ha toe fakamatala ‘oku ke fakakaukau ‘e fiema‘u ke mau ‘ilo ki ai

‘I ho‘o tānaki kotoa ‘a e ngaahi fakamatala ko ení te ke lava ‘o:

• ‘īmeili: propertymanagementservice@kaingaora.govt.nz
  pe
• lī atu ia ‘i he meilí ki he:
  Property Management Team
  Kāinga Ora - Homes and Communities
  National Office
  PO Box 2628
  Wellington 6140

Ngaahi fakatau fakakonga mai ‘o ha konga kelekele

Kapau ‘oku ke fie fakatau ha konga kelekele ‘oku ‘amautolu, ‘īmeili mai ki he propertymanagementservice@kaingaora.govt.nz mo ho hingoá, tu‘asilá mo e ngaahi fakaikiiki ki he fetu‘utakí.

Te mau ‘eke atu ‘a e ngaahi me‘á ni kae lava ke mau fakakaukaua ‘a ho‘o kolé:

• ha mape/palani ‘okú ne fakahaa‘i ‘a e tofi ‘o e ‘apí/palani ‘o e langá, pe ha laine ‘o e fālahi ‘o e konga ‘api ‘oku ‘i ai ha felotoi ki ha ngofuá (easement)
• ko e ‘ēlia ‘oku kau ki aí (sq. m.)
• ko e fakafa‘afa‘ahi (zoning) ‘o e konga kelekelé
• ko e me‘a ‘oku fakataumu‘a ke ngāue‘aki ki ai ‘a e konga kelekele ‘oku teu fakataú
• toe ngaahi tafa‘aki kehe (hangē ko e fa‘unga fakanatulá)

Ko e ngaahi kolé kotoa ‘oku fakakaukaua ia fakatatau ki he ngaahi tu‘unga takitaha.