Ko homau ngaahi kaungā‘apí
Kapau ‘oku ‘i ai ha ngaahi ‘Api nofo‘anga ‘a e Kāinga Ora ‘i ho ngaahi kaungā‘apí, ‘e ‘i ai ‘a e taimi ‘e fiema‘u nai ai ke ke talanoa mai kiate kimautolu.
‘Omai ha‘o lau pe ha lāunga
‘Oku mau ‘amanekina atu ki he kau nofo totongi Kāinga Ora ke nau hoko ko ha kaungā‘api lelei pea ke hoko ‘a e ngaahi komiunitī ‘oku nau nofo aí ko ha feitu‘u fakafiefia ke nofo ai – pea ko e tokolahi taha ‘o kinautolú ‘oku pehē.
Ngaahi ‘Aá
Kapau ko ha tokotaha ma‘u ‘api fakafo‘ituitui koe ‘okú ke nofo ‘i he tafa‘aki ‘o ha ‘api Kāinga Ora pea ‘okú ke fakakaukau ke langa ha ‘ā ‘i he ngatangata‘anga ‘o e ‘apí, ‘e fiema‘u ke ke talanoa mai kiate kimautolu fekau‘aki mo e me‘á ni. ‘E ala lava foki ke tokoni ‘a e Kāinga Ora ki he ngaahi fakamolé.
Ngaahi palopalema ki ha konga kelekele, ‘ulu‘akau mo e maumau meí ha matangi
Kapau ‘oku ‘i ai ha‘o ngaahi palopalema fekau‘aki mo e fakalelei‘i ‘o e kelekelé, fakalelei‘i ‘o e ‘ulu‘akaú, pe palopalema ‘o e maumau mei ha matangi, fetu‘utaki mai kiate kimautolu.
Fakatafenga vaí mo e ngaahi felotoi ki ha ngofuá (easements)
Kapau ‘oku ke fiema‘u ke vakai‘i ‘emau ngaahi ‘apí pe ko ‘emau ngofua ki he ngaahi palopalema ki he fakatafenga vaí pe felotoi ki ha ngofuá, ‘e fiema‘u ke ke ‘omai kiate kimautolu ‘a e fakamatala totonú.
Ngaahi langa ‘oku tapuí mo e ngaahi liliu ‘oku ‘ikai ha ngofua ki aí
Kapau ‘oku ke mahalo‘i ha fa‘unga ta‘efakalao, pe ko ha liliu ki ha ‘api ‘a e Kāinga Ora ‘oku ‘ikai ha fakangofua ki ai ‘oku totonu ke ke fetu‘utaki mai kiate kimautolu.
Kapau ko ha tokotaha ma‘u ‘api fakafo‘ituitui koe pea ‘oku ‘i ai ha‘o ngaahi fehu‘i fekau‘aki mo e ngaahi fakangofua ‘i he Resource Management Act pe ngaahi fakatau kelekele Fakakongá, fetu‘utaki mai kiate kimautolu fakataha mo ha ngaahi fakaikiiki pau.