MyKāingaOra

Kapau ko ha tokotaha nofo totongi koe, ‘oku faka‘atā atu ‘e he MyKāingaOra ho‘o ngaahi fakamatala ki he nofo totongí ‘i he ‘initanetí, ‘i ha fa‘ahinga taimi pē, mei he ongo‘i fiemālie ‘i ho ‘apí mo ‘ikai toe fiema‘u ke ke fetu‘utaki mai kiate kimautolu.

‘E lava pē ke ma‘u atu ia

• mei ha telefoni to‘oto‘o pe komipiuta
• ‘i ha mahu‘inga si‘isi‘i pe ta‘etotongi ‘o fakafou ‘i he ‘emau Sponsored Data kapau ko ha kasitomā koe ‘i he ngaahi netiueka telefoni to‘oto‘o ‘a e Spark, One (na‘e Vodafone kimu‘á), 2Degrees, Skinny pe Warehouse

‘Oku toe ‘atā atu foki ‘a e MyKāingaOra ke vakai ki ai ‘i ha ngaahi lea kehe ‘e fā:

• Te Reo Māori
• 中文
• Gagana Samoa
• Lea Faka-Tonga

Ke fetongi ki ha lea kehe, lomi ‘a e konga ‘Languages‘ ‘i he tuliki to‘omata‘u ki ‘olunga ‘o ho‘o peesi mu‘omu‘á (home screen), pea lomi‘i ho‘o filí.

Te ke lava ‘o lēsisita ‘i he ‘initanetí ‘i he taimí ni

‘E lava ‘a e kau nofo totongi lolotongá ‘o lēsisita ‘i he ‘initanetí ki he MyKāingaOra. Ko e me‘a pē ‘oku ke fiema‘ú ko ho‘o fika ngāue ma‘á e kasitomaá, pea ke fakapapau‘i ‘oku lēsisita ho tu‘asila ‘īmeilí pe fika telefoni to‘oto‘ó mo e Kāinga Ora.

https://my.kaingaora.govt.nz/(external link)

Te ke toe lava foki ‘o fetu‘utaki ki he ‘emau Customer Support Centre (Senitā Tokoni ki he Kasitomaá) ‘i he 0800 801 601 ke tokoni atu ke fokotu‘u ia. 

Ko e hā ‘e lava ke ke faí

Hili ho‘o lēsisita ‘i he MyKāingaOra, te ke ‘atā atu ai ki ha ngaahi founga tokoni lahi. Te ke lava ‘o: 

• Sio ki he palanisi mo e lēkooti ‘o ho‘o ‘akauni totongi nofó
• Vakai ki ho‘o palanisi totongi nofo lolotongá mo e ‘aho vakai‘i (review) hokó
• Kamata‘i ha fokotu‘utu‘u ki he mo‘ua totongi nofó pe fakaleleí/monomonó
• Kamata‘i pea vakai ki he ngaahi ngāue fakalelei/monomono angamahení (‘ikai fiema‘u fakavavevavé)
• Fakakau ha lau‘itā ki ha kole ngāue fakalelei/monomono
• ‘Ilo pe ko hai ‘a ho‘o Tokotaha Tokanga‘i ‘o e Tokoni ki he Ngaahi ‘Api Nofo‘angá (Housing Support Manager) pea sio ki he kotoa ‘o e ngaahi ‘apoinimeni hokohoko maí (hangē ko e ngaahi ‘a‘ahi fakata‘ú)
• Vakai‘i pea fakatonutonu ho fakamatala fakafo‘ituituí (hangē ko e fika telefoni to‘oto‘ó, tu‘asila ‘īmeilí)
• Ma‘u atu ‘a e ngaahi sēvesi ki he tu‘unga lelei ‘a e mo‘uí (Wellbeing services), hangē ko e Healthline (Laine tokoni ki he mo‘ui leleí) (1737), Kau Polisí (Police) 105
• Sio pea hiki ‘a e ni‘ihi ‘o ho‘o ngaahi tohí ‘i he ‘initanetí
• Tānaki/fakatonutonu ‘a e fakaikiiki ‘o e ‘akauni pangikeé
• Tānaki/to‘o ho ngaahi kupu fekau‘aki kuo fakangofuá
• Ma‘u ‘a e ngaahi fakamatala fekau‘aki mo e nofo‘aki mo‘ui lelei ‘i ho ‘apí, mo e ngaahi fakakaukau tokoni ke fakalelei‘i ‘aki ‘a e ngaahi palopalema iikí.