Ko e ngāue mo kimautolú
‘Oku mau ngāue mo e ngaahi kulupu lahi ‘i he komiunitií – meia kinautolu ‘oku mau ngāue mo ia ‘i he ngaahi langa fale nofo‘anga fo‘oú ‘o a‘u atu ki he ngaahi kulupu fakakomiunitī ‘oku mau ngāue mo ia ma‘á e lelei ‘a e kau nofo totongí.
Fakatau maí - fakatau mai ‘o e ngaahi koloa mo e ngaahi sēvesi kiate kimautolú
‘Oku kumi ma‘u pē ‘e he Kāinga Ora – Homes and Communities ha kau hū koloa mo fakahoko ngāue ‘oku nau filio‘i fo‘ou, falala‘anga mo ma‘ama‘a.
Ngaahi Nofo‘anga ‘oku Tokoniá
‘Oku fakatahataha‘i ‘i he Ngaahi Nofo‘anga ‘oku Tokoniá ‘a e ngaahi fale nofo‘anga ‘oku fakapa‘anga ‘e he pule‘angá mo e ngaahi sēvesi tokoni ‘oku mātu‘aki fu‘u fiema‘u ki he tu‘unga lelei ‘a e mo‘ui ‘a e kakai mo e kāinga ‘oku nau nofo ‘i he ‘apí.
Ko hono tauhi ‘o e ‘ilo ‘a e komiunitií
‘Oku ‘i ai ha tu‘utu‘uni mahino ‘a e Kāinga Ora ke tuku atu ha ngaahi ‘api lahi ange ke a‘usia ‘a e fiema‘u fakavavevave ‘i hotau ngaahi komiunitií. Ko ‘emau ngāue ‘oku fakakau mai ki ai ‘a e kakaí ‘oku fakataumu‘a ke ‘ilo ‘a e ngaahi komiunitií ki he tu‘unga fakamuimuitaha fekau‘aki mo e ngaahi ‘api ‘oku lolotonga langa ‘i honau feitu‘ú, pea ke tokoni‘i ha ngaahi komiunitī ‘oku tupulaki.
‘Oku fakamafai‘i ‘e he Lao ki he Langa Fakalakalaka ‘i he Feitu‘u ‘i Koló (Urban Development Act) 2020 ‘a e Kāinga Ora ke ne kamata‘i, fokotu‘utu‘u, pea fakahoko ‘a e langa fakalakalaka ‘i he feitu‘u ki koló ‘a ia ‘e tānaki atu ki ha ngaahi komiunitī tu‘uloa, kau kātoa ki ai, mo longomo‘ui.