Ngaahi paaki tohi tefitó
Līpooti Fakata‘ú
‘Oku muimui‘i ‘e he Līpooti Fakata‘ú ‘a e ngaahi ngāue ‘i he ta‘ú pea ‘okú ne fua ‘a e ngaahi lavame‘á ‘o fakatatau ki he ngaahi taumu‘a ngāue ‘i he Fakamatala ‘o e me‘a ke Fakahokó.
Statement of Intent (Fakamatala ‘o e me‘a ke Fakahokó)
Ko e Fakamatala ‘o e me‘a ke Fakahokó (SOI) ‘okú ne fokotu‘u atu ‘a e feitu‘u pau ke mau hu‘u ki ai ‘i he ta‘u ‘e tolu ka hokó. ‘Okú ne fakama‘ala‘ala atu ‘a e founga ‘e fakahoko atu ai ‘e he‘emau ngaahi ngāué ‘a e tānaki ki hono hokosia ‘o ‘emau ngaahi taumu‘a ngāué, pea mo e founga te mau fua ai ‘a e fakalakalaka kuo mau fakahokó.
Statement of Performance Expectations (Fakamatala ‘o e Ngaahi Fiema‘u Fakangāué)
Ko e Fakamatala ‘o e Ngaahi Fiema‘u Fakangāué (SPE) ‘a e Kāinga Ora ‘oku fokotu‘u atu ai ‘a e ngaahi fiema‘u ki he founga fakalele ngāué mo e ngaahi me‘a fakapa‘angá ki he ta‘u fakapa‘angá.
Palani Fakataumu‘a-Pau ‘a e Kāinga Ora (Kāinga Ora Strategy) 2030
Ko e Palani Fakataumu‘a Pau ‘a e Kāinga Ora (Kāinga Ora Strategy) 2030 ko ha pepa fakahinohino ia ke tu‘u fakataha mo e Te Rautaki Māori pea ‘okú ne fakahā mai kiate kimautolu ‘a e founga ke fakahoko‘aki ‘a ‘emau ngaahi faitu‘utu‘uní mo hono faka‘aonga‘i ‘o e ngaahi koloá ke tokoni ki hono fakafuo ‘o e kaha‘u ‘o e nofo‘angá mo e langa fakalakalaka ‘i he feitu‘u ‘i koló ‘i Aotearoa Nu‘u Silá.
Te Rautaki Māori o Kāinga Ora 2021 - 2026
‘Oku fokotu‘u ‘e he Te Rautaki Māori o Kāinga Ora 2021-2026 (Te Rautaki Māori) ha fakava‘e mālohi ki hono fakamatala‘i mo hono fakahoko ‘o e ngaahi faka‘amu ‘a e Kakai Maulí ki he nofo‘angá pea ‘oku makatu‘unga ia ‘i he tefito‘i fakakaukau ‘o e hoa ngāué.