Vakai fakalūkufuá mo e ongoongo fakamuimui tahá

Ko ‘emau kautahá

Ko e Kāinga Ora - Homes and Communities ‘oku nau ma‘u ‘a e ‘api nofo‘anga lahi taha ‘i he fonuá pea ‘oku ‘i ai hono tefito‘i fatongia ‘e ua:

• ke hoko ko e lenilooti ‘oku ‘i he tu‘unga fakamāmani lahi ma‘á e ngaahi fale nofo‘anga ‘a e pule‘angá, mo e
• hoa ngāue mo e komiunitī langa fakalakalaká, Māori, pule‘anga fakakoló mo e fakafonuá, mo e ni‘ihi kehe ‘i he ngaahi polōseki langa fakalakalaka ‘i he feitu‘u ‘i koló ‘i he tu‘unga lahi kotoa pē.

Ki ha fakamatala lahi ange fekau‘aki mo e Kāinga Ora, lau ‘a e Who we are (Ko hai kimautolu).

Fakapa‘angá

Ko hono fakapa‘anga ‘o ‘emau polokalama langá mo hono fakafo‘ou ‘o e ngaahi ‘api motu‘a ange ‘a e pule‘angá ‘e fakahoko ia ‘aki ha nō ‘o fakafou ‘i he New Zealand Debt Management (NZDM). Ko e fakapa‘anga ‘a e Kāinga Ora ki he ngāue ko ‘ení ‘o a‘u ki he ‘aho 11 ‘o Nōvema 2022 kuo ‘osi fakakakato ia fakafou ‘i he māketi fakapa‘anga taautahá (private market financing).

‘Oku ‘ikai ke toe tuku atu ‘e he Kāinga Ora ha ngaahi pōnite (bonds) mo ha ngaahi me‘a fakapa‘anga (bills), ko e me‘a fakapepa mo e fakamatala kehe ‘i he ‘emau uepisaití ko e ngaahi me‘a ia ‘i he kuohilí mo e kau ma‘u pōnite lolotongá.

Lau lahi ange ki he ‘emau leva‘i lelei ‘o e pa‘anga ngāué pea ki he kau ma‘u pōnite lolotongá, kātaki ‘o vakai ki he ‘emau peesi ki he Ngaahi Pōnité.

Ngaahi Palé (Awards)

Fakamālō atu ki he ‘emau kau ‘inivesitoá, kau tu‘u ‘i vaha‘á (intermediaries) mo e ni‘ihi kehe ‘oku nau kau mai ‘i he māketí kuo nau poupou mai talu mei he 2018. Kuo mou kau kotoa mai ki hono tokoni‘i ‘o e kakai ‘o Nu‘u Silá ke nau ma‘u ha ngaahi ‘api tu‘unga lelei mo fe‘unga mo e ivi fakapa‘angá, pea mo nofo ‘i ha ngaaahi komiunitī kaukaua mo mo‘ui lelei.

2022

• Ngaahi Pale CFO (CFO Awards) - Tokoni ‘a e Timi Fakapa‘angá ki he ngaahi ngāue ‘a e ESG

2021

• KangaNews – New Zealand Issuer of the Year (Tokotaha Tuku Atu ‘i Nu‘u Sila ‘o e Ta‘ú)
• KangaNews – New Zealand Sustainability Deal of the Year (Ngāue ki he Tu‘uloa ‘i Nu‘u Sila ‘o e Ta‘ú)

2020

• KangaNews – New Zealand Issuer of the Year (Tokotaha Tuku Atu ‘i Nu‘u Sila ‘o e Ta‘ú)
• KangaNews - New Zealand Innovative Debt Deal of the Year (Founga Ngāue Fo‘ou ‘i Nu‘u Sila ki he Mo‘uá ‘o e Ta‘ú)

2019

• KangaNews – New Zealand Issuer of the Year (Tokotaha Tuku Atu ‘i Nu‘u Sila ‘o e Ta‘ú)
• KangaNews – New Zealand Sustainability Deal of the Year (Ngāue ki he Tu‘uloa ‘i Nu‘u Sila ‘o e Ta‘ú)

2018

• KangaNews – New Zealand Issuer of the Year (Tokotaha Tuku Atu ‘i Nu‘u Sila ‘o e Ta‘ú)
• KangaNews – New Zealand Domestic Rates of the Year (Ngāue ki he Tu‘unga Totongi Nō Fakalotofonua ‘i Nu‘u Sila ‘o e Ta‘ú)