Ngaahi tu‘utu‘uni mo e makatu‘unga ki he fe‘auhi ‘oku fakahoko ‘i he mītia fakasōsialé

Ngaahi lēsisita ki he tu‘uakí/fe‘auhí

1. ‘Oku ‘atā pē ‘eni ia ki he kau kasitomā ‘i he ngaahi ‘api nofo‘anga ‘a e Kāinga Ora – Homes and Communities ‘oku nau motu‘a ange ‘i he ta‘u 18.
2. ‘E ‘ikai tali ‘e he Kāinga Ora – Homes and Communities ha mo‘ua tupu meí ha fakahū tōmui, ngaahi lēsisita na‘e ‘ikai ma‘u mai pe ngaahi lēsisita pe faile ‘oku uesia (corrupt), maumau, mole pe ‘ikai lava ha hū ki ai.
3. ‘I ho‘o kau mai ki he fe‘auhí, ‘okú ke tali ‘i ai ke ha‘iha‘i fakalao ai koe ki he ngaahi tu‘utu‘uní mo e ngaahi makatu‘ungá, kau ai ha ngaahi fiema‘u ki he ‘atā ke kau ki aí. ‘Okú ke toe tali ‘i ai foki ko e ngaahi tu‘utu‘uni kotoa pē ‘a e Kāinga Ora – Homes and Communities ‘oku aofangatuku pea ha‘iha‘i fakalao ia ‘i he ngaahi me‘a kotoa pē ‘oku kaunga ki he fe‘auhí.
4. ‘Oku ma‘u ‘e he Kāinga Ora – Homes and Communities ‘a e totonu ke kaniseli ‘a e fe‘auhí ‘i ha fa‘ahinga taimi pē ‘o ‘ikai toe ‘uluaki ‘oatu ha fanongonongo ki ai.
5. ‘I ho‘o kau mai ki he fe‘auhí ni, ‘okú ke tali ai kuó ke ma‘u ‘a e fakangofua ‘a ha fa‘ahinga kakai ‘oku hā mahino ‘i ho‘o lēsisitá.
6. ‘I he lēsisita ke kau ki aí, ‘oku fakapapau‘i ai ‘e he tokotaha lēsisita takitaha ko ‘ene fakakaukau fo‘ou pē ia ‘a‘ana pea ‘oku ‘ikai pea ‘e ‘ikai maumau‘i ‘e he‘ene fakakaukau kuo fakahū maí ha totonu ‘a ha toe fa‘ahi ‘e taha (third party) ki ha koloa/fakakaukau kuo ne/nau fa‘u.
7. ‘E lava ke tānaki ‘e he Kāinga Ora – Homes and Communities hao fakamatala fakafo‘ituitui (hingoá mo e fakaikiiki ki he fetu‘utakí) ki he taumu‘a ko hono fakalele mo fakahoko atu pē ‘o e fe‘auhí.
8. Ko e fe‘auhí ni ‘oku ‘ikai fakapa‘anga, fakangofua pe fakalele ia ‘e he, pe ‘e fekau‘aki mo e, Facebook.

‘Atā ke kau ki aí

Kuo pau ko koé ko ha:

• Kasitomā lolotonga ‘i he ngaahi ‘api nofo‘anga ‘a e Kāinga Ora – Homes and Communities ‘oku motu‘a ange ‘i he ta‘u 18.

Ko koé ‘oku ‘ikai ngofua:

• Ko ha tokotaha ngāue koe ‘i he Kāinga Ora – Homes and Communities.