Ko ha feitu‘u lelei ke tupulaki ai

‘Oku fakamānako mo fakafiefia ‘emau ngaahi ngāué, pea ‘okú ne ‘oatu ha ngaahi faingamālie makehe ke hoko ai ha ngaahi liliu lelei ki he ngaahi mo‘ui ‘a e kakai Nu‘u Sila ‘oku tu‘u laveangofuá.

‘Oku mau tokangataha ki hono tokoni‘i ‘a e kakaí ke fakatupulekina ‘enau ngaahi taukeí pea langa hake ‘enau ngaahi ngāue ma‘u‘anga mo‘ui ko ia ko e kau palofesinale ‘i he ngāue ki he ngaahi falé, ko ia ai ko ‘etau ngāue fakatahá te tau lava ai ‘o fakahoko ‘a e liliu lahi taha ‘e ala lavá ‘i he ngaahi mo‘ui ‘emau kau nofo totongí.

‘Oku ‘i ai ‘a e tafa‘aki tefito ‘e fā ki he founga ‘oku mau fakatupulekina ai ‘a e tu‘unga lavame‘a ‘emau kakaí:

• Ngaahi Polokalama Fakataukei ki he kau Ngāué (On-Boarding and Induction Programmes) - ‘oku fakafou kotoa ‘emau kau ngāue fo‘oú ‘i ha ngaahi polokalama kakato, ‘a ia ‘oku ne fakahā ai kiate kinautolu ‘a e homau fa‘unga, hisitōlia, mo e ngaahi founga ‘oku mau ngāue aí.
• Ko ‘emau Ngaahi Polokalama Fakalakalaka Palofesinalé (Professional Development Programmes) ‘oku ‘oatu ai ki homau kakaí ‘a e ako ngāue mo e ngaahi koosi ‘i he ngaahi ‘ēlia kehekehe. Hangē ko ‘ení, ko ‘emau (Level 4) New Zealand Certificate in Residential Property Management, kuo fa‘u ia ke ho‘ata ai ‘a e ngaahi pōto‘i mo e ‘ilo ‘oku kaunga ki he ‘emau kau Tenancy Managers, pea kuo fokotu‘u ia ‘i he National Qualifications Framework.
• Ngaahi Polokalama Ako ki he Pule‘i mo e Takí (Management and Leadership Training Programmes) - ‘oku mau fakatokanga‘i ‘a e mahu‘inga hono fakalakalaka‘i ‘emau taleniti mo e kau pule tefitó, pea kuo mau fakamu‘omu‘a ai hono langa ‘a e ngaahi Halanga Fakangāue mo fakahoko ha ngaahi Palani ki he Hokohoko Atú (Succession Planning).
• ‘Oku fakapapau‘i ‘e he ‘emau Health, Safety and Security Programmes ‘oku malava ke ngāue ‘i ha founga malu mo hao ‘emau kau ngāue ‘i he laine mu‘á mo e kau nofo totongí ‘i he ‘emau ngaahi fai‘anga ngāué.