Ko ‘Emau Fa‘unga Fakangāué

‘Oku ‘iloa lahi ‘a Simon Moutter (Chair) meí he taimi na‘á ne hoko ai ko e Talēkita Pule ‘o e Spark New Zealand meí he ta‘u 2012 ki he 2019. Na‘á ne tataki ‘a hono toe fakafo‘ou ‘a e Telecom ki he Spark, ke ho‘ata lelei atu ai ‘a e ‘ātakai feliliuaki vave ‘o e ngaahi ngāue fakakomipiutá ‘a ia ‘oku fakalele ai ‘a e pisinisí ‘i he taimi ní.  Na‘e foki ‘a Simon ki he kautahá ‘i he konga ki loto ‘o e ta‘u 2012, ‘a ia na‘á ne pule‘i ai ‘a e ngaahi konga lahi taha ‘o e kautaha ki mu‘a ko e Telecom NZ ‘i he ‘ene hoko ko e Chief Operating Officer lolotonga ‘a e ta‘u 2003-2008.  ‘I he ngaahi ta‘u ngāue ko iá, na‘á ne tataki ai ‘a e Auckland International Airport ‘i he ‘ene hoko ko e Chief Executive ‘i ha ta‘u ‘e fā ‘o ne liliu ai ‘a e ngaahi hokosia ‘a e kau kasitomaá pea fakahoko ai hano langa‘i ki ha tu‘unga mā‘olunga ‘a e tu‘unga tupulaki ‘a e kautahá.

Na‘e fakapale‘i ia ‘i he ‘ene tataki ‘a e Spark mo e Auckland Airport ‘i hono fakahingoa ia ko e CEO ‘a Nu‘u Sila ‘o e Ta‘ú ‘i he 2017 Deloitte Top 200 Awards.

‘I he ‘ahó ni ‘oku ngāue ai ‘a Simon ko ha Talēkita ‘i he Kautahá mo e Operating Partner (Hoa Ngāue ki he Ngāahi Ngāué).  Ko ha Talēkita ia ‘i he Commonwealth Bank of Australia pea ko ha Sea ia ‘i ha ngaahi kautaha ‘oku pule‘i fakatāutaha ‘e tolu – Smart Environmental Group, Les Mills International and Designer Wardrobe.  ‘Okú ne ngāue fakataha mo e ngaahi Timi ‘o e Kau Pule ‘o e ngaahi kautaha ko ení ke tokoni ki hono fakavave‘i ‘a e tupulaki ‘a e kautahá.

Ko Jenn Bestwick (Deputy Chair), ‘o Queenstown, kuó ne hoko ko e Sea ‘o e Tertiary Education Commission pea na‘á ne hoko ko ha mēmipa poate na‘e fakanofo ‘e he pule‘angá ‘i he Antarctica New Zealand, Ara Christchurch Polytechnic, Southern Response Earthquake Services, mo e Tourism New Zealand. ‘Okú ne ma‘u ha taukei ‘i he ngaahi palani ki he ngaahi founga ngāué pea ‘i he ngaahi lakanga pule mā‘olunga ki he ngaahi founga ngāue ‘i he ngaahi sekitoa ki he mo‘ui leleí, ako mā‘olunga angé, pule‘i ‘o e ngaahi koloa fakaenatulá, saienisí mo e fekumí, mo e takimamatá.

Ko Alan Dent, ‘o Wellington, na‘á ne hoko ko ha Hoa Ngāue ‘i he Deloitte NZ ‘i he ta‘u ‘e 26. Na‘á ne fokotu‘u mo tataki ‘a e ngaahi ngāue ‘a e Deloitte Corporate Finance Wellington meí he ta‘u 1990 ki he 2020 pea na‘á ne hoko ko ha mēmipa ‘o e Poate ‘a e Deloitte NZ Partner meí he ta‘u 2000 ki he 2012. Kuo ‘oatu ‘e Mr Dent ha fale‘i fakakomēsiale mo fakapa‘anga ki he ngaahi sekitoa ki he kakaí mo e sekitoa tāutahá, pea na‘á ne tataki ha ngāue fakalelei ki he ngaahi ngāue‘angá ‘i he ngaahi sekitoa ki he fale nofo‘anga ki he fa‘ahinga ‘oku ma‘ulalo ‘enau tu‘unga fakapa‘angá, mo‘ui leleí, mo e ngaahi sekitoa kehe pē. Kuo ‘iloa ia ko e taha ‘o e kau fakamahu‘inga koloa tu‘u-ki-mua ‘a Nu‘u Silá, ‘a ia kuó ne fakamahu‘inga‘i ha ngaahi ‘inasi fakapa‘anga, ngaahi koloa, mo e ngaahi pisinisi fakafuofua ki he pa‘anga ‘e $200 piliona, kau ai ‘a e ngaahi koloa ‘a e Housing New Zealand mo e ngaahi kolo ki he fa‘ahinga kuo mālōlō mai meí he ngāué mo e ngaahi pisinisi ki he ngaahi ‘api nofo‘anga fakalakalaká.

John Bridgman (na‘e fokotu‘u ki he Poaté ‘o kamata lau meí he ‘aho 1 Sānuali 2022) ‘oku ‘i ai ‘a ‘ene taukei lahi ‘i ha ngaahi lakanga ‘enisinia mo hono pule‘i ‘o hono fakalele ‘o ha ngaahi polōseki ‘i Nu‘u Sila, ‘Aositelēlia, Pasifikí mo ‘Ēsia. Kuo ma‘u ‘e John kimu‘a ha ngaahi lakanga mā‘olunga fakataki mo e fa‘unga pulé, kau ai ‘i he kautaha fakamāmani-lahi ki he ngaahi langa lalahí ko e AECOM (ko ha Talēkita meí he Tafa‘aki Fakaengāué – Langa Lalahi Fakasivilé ‘i ‘Aositelēlia pea mo e Talēkita Pule ki he ngaahi pisinisi ‘i Nu‘u Silá), pehē foki ki he ngaahi lakanga ki he fa‘unga pulé ‘i he ngaahi polōseki ngāue lalahi ‘i Nu‘u Sila, ‘Aositelēlia, ‘Ēsia mo Pilitānia. Ko John ‘a e Sea ‘o e City Rail Link Limited; pea ko e Talēkita ia ‘o e Waka Kotahi – NZ Transport Agency.

Ko Peter Jeffries, ‘o ‘Aokalaní, ‘okú ne ma‘u ha taukei lahi ange ‘i he sekitoa ki he ngaahi fale nofo‘anga ‘a e komiunitií. Na‘á ne hoko ko e pule ‘i he ta‘u 1987 ‘i he CORT (Community of Refuge Trust), ko ha Kautaha Tokonaki Nofo‘anga Ma‘á e Komiunitií ‘i ‘Aokalani. Na‘á ne hoko leva ko e Sea pea ne hoko leva ko e CEO ‘i he ta‘u 2022. ‘Oku ma‘u ‘e he CORT ‘i he taimí ni ‘a e ngaahi ‘api loki taha mo e loki ua laka hake ‘i he 390, ‘o nofo ai ha kakai ‘e toko 540. ‘Oku ma‘u ‘e he CORT ‘a e ngaahi ‘api laka hake ‘i he 310 ‘o e ngaahi ‘api ko iá pea ‘oku nau lolotonga langa ha ngaahi ‘api fo‘ou.

Ko Ceinwen McNeil, ‘o ‘Aokalaní, ko ha palofesinale ia ‘i he ngaahi ngāue ki tu‘á mo e ngaahi founga ngāue ‘a e pule‘angá. ‘I he ta‘u ‘e hongofulu kuo maliu atú, na‘e fakatefito ‘ene ngāué ‘i he tisainí, ‘enisiniá, mo e tafa‘aki fakangāue ki he langá ‘i he ta‘u ‘e hongofulu kuo maliu atú.

‘Oku kau ki hono ngaahi lakanga lolotongá ‘a e Director, Central and Local Government Relations Aurecon, mo e President of the Association of Consulting and Engineering NZ.

Ko Fiona Fountaine, ‘o Christchurch, na‘á ne ‘i he poate ‘a e Kāinga Ora meí Sanuali 2023 ki Fepueli 2024, pea fakafisi ke faka‘ehi‘ehi ai meí ha hoko ha fa‘ahinga fepakipaki ‘i he ngaahi me‘a ‘oku tokangaekina ‘i he ngāue fale‘i kehe ‘i he tafa‘aki ki he ngaahi ngāue lalahi ‘a e pule‘angá. ‘Oku ‘ikai ke hā mai ‘i he taimi ni mei he ‘ene ngāué ha fa‘ahinga fepakipaki, pea ‘okú ne ‘omai ha taukei fakaepule mahu‘inga meí he ta‘u ngāue ko iá pea meí he ‘ene ngaahi lakanga ki mu‘a ‘i he ngaahi poate ‘o e Development Christchurch mo e kautaha Lyttelton Port Company, ‘a ia ‘oku nau ma‘u ha ngaahi ngāue fakalakalaka lalahi fe‘unga ki he toe langalanga fo‘oú ‘o e ngaahi feitu‘u ki koló.

‘Okú ne lolotonga hoko foki ko e talēkita ‘o e Rural Livestock Ltd, pea na‘á ne hoko ko ha Talēkita ki mu‘a ‘o e Reserve Bank of New Zealand mo e KiwiRail Holdings Ltd. Na‘á ne kau ki he Capital Investment Panel ‘a e Falepa‘angá (Treasury), ‘a ia ‘oku nau tali ‘a e ngaahi kole ki ha pa‘anga ngāué mo fale‘i ‘a e kau Minisitaá ki he ‘enau ngaahi ngāue leleí meí ha vakai fakalūkufua ‘o e ngaahi ngāue ‘a e pule‘angá. Ko Ms Mules ko ha tokotaha sea taukei ia ‘i he kōmiti ‘a e ‘ātitá mo e tu‘unga ‘oku ala fakatu‘utāmakí