Whanaketanga ā-tāone
E whakamana ana i ngā hapori tōtika me te momoho mā ngā tikanga hoahoa tāone me te whanaketanga
![HobsonvillePoint AERIAL DJI 0285 cropped](/assets/Developments-and-Programmes/Auckland-developments/Urban-development-group/HobsonvillePoint_AERIAL_DJI_0285-cropped__FillWzU0NSwzNjRd.jpg)
He mea waiwai te whanaketanga ā-tāone ki te āhua o te hanga me te tautoko a Kāinga Ora i ngā hapori momoho. E mahi ngātahi ana mātou me ngā iwi, ngā tari Kāwanatanga, ngā whakahaere me ngā hapori ki te tūhono i te tangata ki ngā mahi, te tūnuku, ngā wāhi mārakerake, ngā whakanōhanga me ngā kāinga e hiahia ana rātou.
![Urban development strategy cover cropped](/assets/Publications/Strategic-documents/Urban-development-strategy-cover-cropped__FillWzU0NSwzNjRd.jpg)
E arotahi ana tā mātou Rautaki Whanaketanga ā-Tāone ki te āhua o tā mātou takahuri pai me te tuku i te whanaketanga ā-tāone angitu huri noa i Aotearoa.
![Banner Medium Density](/assets/Developments-and-Programmes/Auckland-developments/Urban-development-group/Banner-Medium-Density__FillWzU0NSwzNjRd.jpg)
Kua whakaritea e Kāinga Ora neke atu i te 40,000 ngā kāinga hou, mahana, maroke puta noa i te motu i roto i ana kaupapa whanaketanga ā-tāone tino nunui. Kei roto ko ngā kāinga pāpori, mākete me te utu ngāwari ka hangaia i roto i te 20 tau e heke nei.
![Northcote](/assets/Developments-and-Programmes/Auckland-developments/Urban-development-group/Northcote__FillWzU0NSwzNjRd.jpg)
E āhukahuka ana mātou i te hira o te waihanga kāinga me ngā hapori he tū pakari i roto i tō tātou āhuarangi hurihuri.
![Ferncliffe Farm Sh29 764 01 Hero 2](/assets/News/November-2021/Ferncliffe-Farm-Sh29-764-01-Hero-2__FillWzU0NSwzNjRd.jpg)
He mea whakatū te Kaupapa Whenua a Kāinga Ora hei tango me te whakawhanake whenua kia nui ake ai ngā whare noho, ā, kia pai ake ai te utu ngāwari i ngā wāhi e hiahiatia ana.
E whakamana ana te Urban Development Act 2020 i a Kāinga Ora ki te tīmata, ki te whakahaere, ki te whakamahi hoki i te whanaketanga ā-tāone e āwhina ana i ngā hapori toitū, he whakauruuru, he momoho hoki.
Kia kanorau, kia momoho ai ngā tāone me ngā tāonenui o Aotearoa hei pokapū, me mātua whakarite kei te rawaka ngā kāinga mahana, maroke, hauora e tata ana ki ngā mahi, te mātauranga, te tūnuku tūmatanui me ngā ratonga ora hira.