/ Ngā tauanga whare noho

Ngā tauanga whare noho

I ia hauwhā o te tau, ka whakaputaina e Kāinga Ora ngā huinga mōhiohio e rua mō ō mātou whare e whakahaeretia ana, mō ngā papanoho wātea hoki.

Hei āwhina ki te whakaea i ngā hiahia mō ngā whare noho tūmatanui, e mahia ana e Kāinga Ora te kaupapa hanga whare nui rawa a te kāwanatanga mō ngā tau maha me ngā whare mano tini i hangaia i ngā tau kua tata nei.

Kua rerekē te hiahia mō ō mātau kāinga mai i te hangatanga o te nuinga o ngā whare noho tūmatanui i mua o te tau 1980. I tēnei rā, kei te hiahiatia kia nui ake ngā kāinga kotahi- me te rua-rūma moe me ngā kāinga rima-rūma moe i ō tātou tāone matua.

Kia rato ai ngā hiahia ka whakawhanaketia e mātou ō mātou wāhi ake onāianei, otirā ko te whakakapi i tētahi kāinga tawhito ake kua kore ōna take arumoni ki ētahi kāinga whai kounga e rua, e toru rānei. Ka hokona mai, ka rīhi hoki e mātou ētahi whare i ngā wāhi e hiahiatia ana.

Ngā tauanga whare noho - Ngā rawa whare e whakahaeretia ana

Ko Kāinga Ora te kairetiwhare nui rawa o te motu. Ka pupuri, ka whakahaere rānei mātou i te neke atu i te 72,000 papanoho.

I roto i ā mātou mahi ka kaha tonu mātou ki te whakarite kia nui tonu ngā momo kāinga e tika ana, i ngā wāhi e tika ana, kia rato ai ngā hiahia.

Kia pai ake te rato o ngā hiahia i ngā wāhi puta noa i te motu, kia pai ake hoki te āhua o ō mātou kāinga kei te whakatikatikahia anō e mātou ā mātou rawa kāinga.

Ngā pūrongo onāianei - 17 Āperira 2024

Ngā rawa e tiaki ana - Tīhema 2023 - Whakarāpopototanga ā-motu

Ngā rawa e tiaki ana - Tīhema 2023 - Mana Kaunihera

Ngā rawa e tiaki ana - Tīhema 2023 - Poari ā-Rohe o Kaunihera

Ngā tauanga whare noho - Ngā Papanoho Wātea

Kua rerekē te āhua o tā mātou pūrongo i ngā kāinga wātea, ko te whāinga kia tika ake te whakaatu i te āhua o ō mātou kāinga, mā te wehe kē i ngā kāinga wātea, ā, he kāinga e wātea ana kia nohotia, me ērā kāore i te pērā (ngā kāinga kua kore e wātea ki te whakamahi).

I mua, ko ētahi o ngā kāinga me ngā wāhi i roto i te hātepe hangatanga, te kaupapa whakahou, hoko/rīhi rānei i kīia i te wātea, me te whakaaro hoki e wātea ana kia nohotia. Ehara tērā i te whakaaturanga tika o tā mātou kōpaki whare wātea.

Ngā pūrongo onāianei - 17 Āperira 2024

Ngā papanoho wātea - Tīhema 2023 - Whakarāpopototanga ā-motu

Ngā rawa wātea - Tīhema 2023 - Mana Kaunihera

Ngā rawa wātea - Tīhema 2023 - Poari ā-Rohe o Tāmaki Makaurau

Ngā kāinga kua tangohia mai

Koinei ngā kāinga kāore i te wātea kia nōhia i te mea:

kua tangohia mai, ka tangohia, kia pai ai te whakawhanake anō i te wāhi,
he nui ngā mahi whakatikatika i ngā kāinga,
he nui ngā mahi whakahou i ngā kāinga, kei te whakamahia rānei hei whare noho mō tētahi wā mō te hunga kei te whakahoutia ō rātau kāinga.

Kei roto hoki ko ngā kāinga kua tata te mutu o te rīhi, me ngā papanoho kei te hokona.

Ngā pūrongo onāianei - 17 Āperira 2024

Ngā kāinga kua tangohia - Tīhema 2023 - Whakarāpopototanga ā-motu

Ngā kāinga kua tangohia - Tīhema 2023 - Mana Kaunihera

Ngā kāinga kua tangohia - Tīhema 2023 - Poari ā-Rohe o Tāmaki Makaurau

Ētahi atu tatauranga whare noho whaitake

Whakaputaina e Te Tūāpapa Kura Kāinga te Papatohu Whare Noho(external link), ko te wāhi kotahi tēnei hei whaiwhai haere i te anga whakamua o ngā wāhanga hira o te kaupapa whare noho a te Kāwanatanga.

Ka whakaputaina hoki e rātou ngā pūrongo hauwhā(external link), he whaiwhai haere ērā i te anga whakamua, me te tuku raraunga mō ngā whare noho tūmatanui me te nui o ngā whare takawaenga takatau, ngā kaupapa kore kāinga, me ētahi atu tautoko whare noho. Ka kitea anōtia e koe ngā pūrongo ā-rohe, me te tirohanga hau kāinga o ēnei mōhiohio.

He tuku kōrero Te Manatū Whakahiato Ora mō te Rēhita Whare Noho(external link), ka wāwāhia mā te whakaarotau kua tātaritia, ngā tatauranga ā-iwi hunga noho, me te rohe (Mana Kaunihera me te poari ā-rohe mō Tāmaki Makaurau).

Ngā pūrongo kua pūrangatia

Ka taea te pānui i ngā pūrongo tawhito ake ki tā mātou wāhanga pūranga mō ngā Raraunga Whare Noho.

Kua whakahoungia te whārangi: 8 Whiringa-ā-rangi 2024