Folasaga a le Kāinga Ora i fuafuaga mo le itumalo

O le avea ai ma pulega a le Malo e atiae taulaga, ua mafai ai ona matou faatino, faagaioia ma faataunuu soo se ituaiga fale i nofoaga e fetaui tonu ai e faaaoga ai soo se metotia e atiae ai, e aofia ai le galulue faatasi ma pulega faalotoifale i le fuafuaina o taulaga.

Matou te lagolagoina taunuuga lelei ua folasia i le National Policy Statement on Urban Development 2020 (NPS-UD) ma le Medium Density Residential Standards (MDRS) mo tagata. Matou te galulue foi ma pulega faalotoifale ma le malo e faamautinoa le faatinoga o le NPS-UD ina ia tino mai ai siosiomaga i totonu o taulaga e matuai fetaui ma aogā lelei.

Fuafuaga Faaleitumalo

O Fuafuaga Faaleitumalo (ma fuafuaga tuufaatasia faaleitumalo i tulaga e tatau ai) e faatulafonoina lea ma e saunia ma faagaioia e pulega faaleitumalo i Niu Sila. O fuafuaga e tatau ona saunia ma e faamalosia i lalo o le Resource Management Act (RMA) ma e avea ma tulafono e faatonutonuina nofoaga, o le auala, meafai ma atinae e mafai ona faatino.

A saunia e pulega faaleitumalo faamaumauga fou, po o se teuteuga, po o fuafuaga faatulafonoina, ona valaaulia lea o tagata o nofoia fale, tagata umia fanua, tangata whenua, fai atinae tetele, matagaluega a le Malo, ma isi paaga autu o aiaina le atinae e tuuina mai manatu tusia i le fuafuaga faataitai e pei ona faatulafonoina i lalo o le RMA.

Aisea matou te tuuina atu ai fuafuaga nei

Matou te tuuina atu fuafuaga e lagolagoina ai faiga tutusa, faiga aogā ma tatau ai mo le NPS-UD ma le MDRS, ina ia faagaioia le atinaega o fale o moomia i nofoaga e maua gofie ai galuega, aoaoga, auaunaga ma nofoaga faitele; faapea foi, ma avanoa e galulue faatasi e tali atu ai i le maualalo o le aofaiga o fale e moomia mo le faatupu o avanoa e maua ai fale e gafatia na totogi i le atunuu atoa.

E lē na o tulaga matou te saunia ai fale mo tagata lautele, ae ua faapena foi ona avea i matou ma faalapotopotoga e umia fanua ma atinae faufale mo fale tetele e nofoia e tagata, atoa ma le faatupu o tulaga lelei ma le aogā auā le atinaega o taulaga.

E tusa ma le avea ai ma faalapotopotoga a le Malo, ua faamatuuina mai ai le faatuatuaga e faaaoga tatau ai lafoga a tagata e faataunuu ai le pule aloaia e fau ai fale mo tagata lautele, fale e maua i fefaatauaiga faamaketi ma fale e gafatia na totogi e fau i nofoaga o mananao tagata e soifua ma ola ai. E avea le auai ai i taumafaiga e tapenapena ai fuafuaga ma lagolago malosi i faiga tutusa e faaaoga ai taiala faavae a le Malo i atinaega o le taulaga ma isi tulafono faatonutonu talafeagai, ua faapena ona matou maua ai se faatuatuaga mausali mo fai atinae faufale a le malo ma fai atinae faufale tumaoti i nofoaga e fau ai ma auala e fau ai fale, ma faaaoga tatau ai le taimi ma tupe alu i matātā faufale.

A o le i fesootai galuega i fuafuaga o faamoemoe atu i ai, po o suiga o faamoemoe atu i ai, mo pulega faalotoifale o le Tulaga 1 ma le 2, faapea foi se filifiliga o pulega faalotoifale mo le Tulaga 3.* O le a faia teuteuga i le itulau lenei i taimi e maua ai faamatalaga faaopoopo e talafeagai ma talosaga e faatatau i suiga o faamoemoe atu i ai na faasalalauina e pulega faalotoifale.

E faagaioia e pulega faalotoifale se faiga e fua i ai faaiuga e tusa ma fuafuaga o faamoemoe atu i ai ma suiga e faamalosia ai le au fai talosaga, e pei o le Kāinga Ora, e saunia ‘isi talosaga,’ faapea foi ma le saunia ma le tuuina atu o faamaoniga mo so o se tolaulauga. E mafai ona aofia ai suiga i tulaga na matou faatalosagaina i talosaga na faia muamua.

E te maua faamaumauga e lagolagoina ai talosaga po o faamatalaga faaopoopo i le faiga o lo o faagasolo ai suiga o faamoemoe atu i ai, i le upegatafailagi a le pulega faalotoifale.

*O lo o lisi atu i le National Policy Statement on Urban Development (NPS-UD)(external link) pulega faalotoifale ua faavasega i le Tulaga 1 ma le 2, ma faamatalaina ai faiga e faamaonia ai le avea o se pulega faalotoifale ma Tulaga 3