KiwiBuild
O le auga tonu o le KiwiBuild le vave faagaioia e le au fai atinae faufale le fau o fale e gafatia na totogi e vave ai ona maua i fefaatauaiga faamaketi mo tagata muai fia faatau se fale.
E galulue faatasi le vaega KiwiBuild ma le au fai atinae faufale e faatele avanoa mo tagata faatoa faatau se fale e gafatia na totogi ma faatelevave ona fau fale fou e faatau atu i fefaatauaiga faamaketi. E lagolagoina ituaiga atinae eseese – mai fale nofofua, faasolo atu i isi ituaiga fale eseese tetele e sili atu ona gafatia i totonu o taulaga o lo o faia ai atinae e toe faafou ai.
Faitau faamatalaga pe faamata e te agavaa
O tulaga nei e tatau ona e agavaa ai pe a e manao e faatau se fale KiwiBuild:
- ua atoa le 18 tausaga o lou matua
- o se Tagatanuu Niu Sila, Tagata Nofomau po o le umia se Visa Nofomau ma e ‘masani na nofo i Niu Sila’
- o se tasi faatoa muai faatau se fale pe sa umia muamua se fale
- maua se tupe maua e lei toesea ai le lafoga mai le 12 masina talu ai e:
- $120,000 pe itiiti ifo mo se tagata faatau toatasi; pe
- $150,000 pe itiiti ifo mo se tagata faatau toatasi ma e toatasi pe toatele atu tagata ola faalagolago ia te ia; pe
- $200,000 pe itiiti ifo mo le toalua pe toatele atu tagata faatau, ma e le faitaulia ai le aofaiga o tagata ola faalagolago.
E tatau foi ona e nofo i le fale KiwiBuild mo se vaitaimi maualalo faatulagaina a o lei faaaoga le fale e nofo mautotogi ai nisi po o le faatau atu:
- mo le umi e le itiiti ifo ma le tasi le tausaga e nofo ai i se fale taalaelae po o se fale na o le tasi le potumoe
- mo le umi e le itiiti ifo ma le tolu tausaga mo se fale e lua pe tele atu potumoe.
Talosaga mo tulaga e agavaa ai mo se fale KiwiBuild
Afai e te manatu e mafai ona e ausia tulaga e te agavaa ai mo se fale KiwiBuild, e tatau ona e talosaga mo se muai faamaoniga. O le laasaga muamua lava lea e tatau ona fai a o lei faatau mai se fale po o le lesitala i se faiga e filifili faalilolilo ai.
E moomia na e tuuina mai faamaumauga nei:
- O se kopi faamaonia o lou pepa fanau Niu Sila, pepa sitiseni, tusifolau ma/po o tulaga o se visa
- O se Summary of Income (Aotelega o Tupe Maua)(external link) mai le Inland Revenue mo le 12 masina talu ai
- O se kopi sainia o le Tautinoga Faatulafonoina KiwiBuild(external link)
E mafai e tagata faigaluega mo ia lava ona tuuina mai se tasi o faamaumauga nei e faamaonia ai tupe maua:
- O se faamatalaga faafoi o lafoga o tupe maua(external link) (IR3)
- O se faamatalaga faafoi o lafoga na saunia e se tausitusi
- O se Aotelega o Tupe Maua(external link) mo le tausaga faalelafoga lata mai
E mafai ona e malamalama lelei i le tuuina mai o sau talosaga i le upegatafailagi KiwiBuild(external link)
O fea nofoaga e maua ai fale KiwiBuild?
E amata lisi fale KiwiBuild i le vaitaimi ua fuafuaina e le fai atinae faufale ua lelei atoatoa ai ona faatau atu fale.
E mafai ona e maua faamatalaga lata mai a le KiwiBuild pe a e lesitala i meli e lafo atu(external link) po o le tagai i le upegatafailagi KiwiBuild(external link).
E fia se tau o fale KiwiBuild?
E faalagolago le tau o se fale KiwiBuild i le telē ma le nofoaga o tu ai. E faaaoga le tau faagata e iloa ai le tau maualuga e mafai ona faatau atu ai se fale KiwiBuild.
O le tau faagata o fale KiwiBuild i le taimi nei:
Nofoaga |
Fale taalaelae po o se fale na o le tasi le potu ($) |
Lua potumoe ($) |
Tolu potumoe ($) |
---|---|---|---|
Itumalo Aukilani |
550,000 |
760,000 |
860,000 |
Taulaga Hamilton |
550,000 |
640,000 |
720,000 |
Taulaga Tauranga |
550,000 |
740,000 |
780,000 |
Taulaga Ueligitone |
580,000 |
760,000 |
850,000 |
Taulaga Kalaiesetete |
550,000 |
640,000 |
720,000 |
Itumalo Queenstown-Lakes |
550,000 |
760,000 |
860,000 |
Niu Sila atoa |
550,000 |
640,000 |
720,000 |
E iai atinae faufale, e maua ai fale tetele a le KiwiBuild e fa pe sili atu potumoe ma e faatau atu i se tau talafeagai. Tagai i fale KiwiBuild(external link).
Mo nisi faamatalaga, imeli pe valaau le vaega KiwiBuild.
- Imeli: info@kiwibuild.govt.nz
- Nofoaga faafesootai: 0508 935 266 (9am - 5pm, Aso Gafua i le Aso Faraile)
Uma na faafou le itulau: 15 May 2023