O faiga e taulimaina ai amioga faavevesi
E tautino atu le avea o i matou ma pulega lelei o fale. O le tasi o vala o lea folafolaga le sa‘o o le tali atu i galuega o faatino mo tagata nofo mautotogi – e iai nisi o maua i tulaga faigata – ma faamautinoa le maua e isi o le ola filemu.
Ua matou saunia se faiga fou ia maua ai faiga tutusa, ma faia ai le mea sa‘o ma le malosi. Ua tele na matou faaaogaina le Residential Tenancies Act (RTA) e suia ai amioga ma taotaomia ai amioga faatupu vevesi. E faamuta mautotogi pe a tatau ai, ma e leai ma se faamoemoe e faaavanoa se isi fale e nofo ai, pe a leai ma se suiga i amioga.
E lē faapea ai ua lē toe fia iloa faapogai o amioga faatupu vevesi ma o le a faia pea galuega e mafai ai ona maua e tagata nofo mautotogi le fesoasoani mai isi pulega i le itu tau agafesootai ma le soifua maloloina. E maua foi le avanoa e tuu atu ai le faitalia e siitia ai i se isi nofoaga ese e foia ai le mea ua tupu.
Ua matou saunia le isi faiga maualuga atu mo tulaga ua afaina ai le saogalemu ona o amioga a se tasi o tagata nofo mautotogi, po o le faataligatuli i lapataiga, ma faifai ai lava amioga faatupu vevesi. A tupu tulaga faapenei, ona avatu lea o se talosaga i le Tenancy Tribunal e faamuta ai le mautotogi.
Ua faia suiga nei ma le faamoemoe e taulimaina ai amioga faatupu vevesi ogaoga. E tele na faafesootai mai tagata o le motu atoa e faailoa mai faaletonu masani i le va o tuaoi, e pei o le leotele o taavale, tuai na moa le vao po o le afea soo o le fale e tagata asiasi. O le a taumafai e faaaoga faiga ua uma na saunia e tali atu ai i faaletonu faapenei.
E tāua le iloa e toatele atu tagata nofo mautotogi o tausisia le mea sa‘o, e iloa tausi le va fealoai ma tuaoi – ma e tumau ai lava mautotogi e pei ona iai.
Fesootaiga ma tagata nofo mautotogi
E leai ma se faaluafesasi o le taunuuga e afaina ai mautotogi mo tagata nofo mautotogi o faia amioga faatupu vevesi, ma e iai le manatu o le a latou faia le mea sa‘o ma suia amioga faapenei. E faamuta mautotogi, mo i latou o faifai ai lava amioga nei.
E tāua le sa‘o o faiga e tali atu ai i se faaseā, e saili faamaoniga e iloa ai se atoaga o le mea na tupu, pe a faailoa mai se faaseā.
E faalagolago isi laasaga i tua atu o sailiga na fai i tulaga o le mea na tupu ma e mafai na aofia ai le faaaoga o metotia o faamatuu mai i lalo o le RTA. O metotia e mafai ai e pule o fale ona faailoa ma le manino le lē tuu avanoa i amioga faapenei ma e tatau na fai se suiga – ma e faaaoga ma le faamoemoe ia iloa e tagata nofo mautotogi a latou matafaioi. A faaaoga le RTA, e iai faiga e tatau i pule o fale na tausisia ma e ui i tulaga e umi na faagaioia ai, e tatau lava ona uia auala sa‘o e faatino ai.
Auivi Pulega Mautotogi
Ua matou saunia se faiga fou e pulea ai mautotogi a le pulega – o le Auivi Pulega Mautotogi. O se faiga e faamalosia atili ai le ogatasi o matafaioi a le pulega, ma matafaioi a tagata nofo mautotogi, ma le aiatatau e maua ai le ola filemu i nofoaga o soifua ma ola ai. E fautuaina faiga e faatino e le pulega mai le Auivi Pulega Mautotogi e tali atu ai i mau faaletonu eseese tau mautotogi, e pei o le tuai na totogi o fale, amioga faatupu vevesi ma le vaaiga o fagafao.
Auivi Pulega Mautotogi POL-358 [PDF, 601 KB]
Taiala Faavae Amioga Faatupu Vevesi
E aloaia faiga fou mo suiga lelei, i le taiala faavae Amioga Faatupu Vevesi, ma avea ma taiala i auala e tali atu ai i amioga faatupu vevesi.
E le gata i taumafaiga ia iloa ai le faapogai o le faifai pea o amioga faatupu vevesi ma fesoasoani ia suia amioga, ua matou saunia le isi faiga maualuga atu mo tulaga ua afaina ai le saogalemu ona o amioga a se tasi o tagata nofo mautotogi, po o le faataligatuli i lapataiga, ma faifai ai lava amioga faatupu vevesi. O tulaga faapenei, e taunuu ai i le faamuta o mautotogi i tulaga e tatau ai, ma e leai ma se faaavanoa o se fale Kāinga Ora e nofo ai.
Taiala Faavae Amioga Faatupu Vevesi POL-355 [PDF, 796 KB]
Faaaogaina o metotia e pulea ai amioga faatupu vevesi
E vave lava na matou saili le atoaga o le mea na tupu e foia ai le faaletonu. E faalagolago le tali atu i tulaga e patino i ai le faaletonu, ma le sa‘o o le taunuuga.
A matou maua se tagata nofo mautotogi ua solia ana matafaioi faatulafonoina i lalo o le Residential Tenancies Act (RTA), ona matou faaaoga lea o metotia nei e faasa‘o ai amioga le fetaui:
|
Action taken |
Description |
September 2024 |
Financial year to date (2024/2025) |
|---|---|---|---|
|
Section 55A notices issued |
We can make it clear to tenants that their behaviour is unacceptable, and their tenancy is at risk by issuing a Section 55A notice. If a tenant receives three Section 55A notices within a 90-day period, then we can apply to the Tenancy Tribunal to end their tenancy. |
78 |
240 |
|
Agreed relocations |
If tenants are willing, Kāinga Ora can work with them to relocate them to a new home. Most tenants take moving to a new home as an opportunity for a fresh start and do not cause further issues. |
22 |
75 |
|
Required relocations (s53B notices) |
Section 53B notices are used to end a tenancy and move the tenant to another Kāinga Ora home. Most tenants take moving to a new home as an opportunity for a fresh start and do not cause further issues. |
0 |
1 |
|
Tenancy terminations by order of Tribunal (s55, s55A, s55AA, s56 notices) |
In severe, threatening or persistent cases we will seek termination at the Tenancy Tribunal and will not provide the tenant with another Kāinga Ora home. This figure includes situations where a tenancy has been terminated after we have issued the tenant with three section 55A notices within 90 days. |
3 |
12 |
Uma na faafou le itulau: 2 December 2024