/ Faatulagana a le Pulega

Faatulagana a le Pulega

O le Kāinga Ora - Homes and Communities o se faalapotopotoga a le malo na faavae i lalo o le Kāinga Ora - Homes and Communities Act 2019. O se tasi o faalapotopotoga a le Crown i lalo o le Crown Entities Act 2004.

Minisita a le Pulega

Minisita e Nafa ma le Pulega

Afioga Christopher Bishop – Minisita o Fale
Afioga Nicola Willis – Minisita o Tupe

Minisita Lagolago

Afioga Tama Potaka – Minisita Lagolago Pulega o Fale (Social Housing)

Komiti Faatonu a le Pulega

E tele matafaioi a le Komiti Faatonu, e aofia ai le saunia o le alafua faataatia a le pulega ma tulaga lelei o le faatinoga o galuega faaletausaga (faatasi ai ma le Minisita), puleaina lamatiaga ma faamautinoa le tausisia o tulafono, ma faatumauina sootaga talafeagai ma paaga autu.

Sui o le Komiti Faatonu:

	E lauiloa Simon Moutter (Taitaifono) mai le vaitaimi na avea ai ma Pule Faatonu a le Spark New Zealand mai le 2012 i le 2019. Na ia taitaia faiga fou e suia ai le Telecom i le Spark, e atagia ai suiga televavave o auaunaga tau tekonolosi faaonaponei e pei ona faafoe ai le tele o galuega. O le ogatotonu 2012 na toe foi ai Simon i le kamupani, mai le tulaga Chief Operating Officer sa vaaia ai le tele o vaega o le Telecom NZ mai le 2003-2008. O le va o tausaga nei, na avea ai ma Pule Sili a le Auckland International Airport mo le fa tausaga ma na ia suia atoa tulaga lelei o auaunaga o faaaoga e tagata ma faataunuu suiga tetele. Na aloaiaina le maoae o lana taitaiga a o galue ai i le Spark ma le Auckland Airport i le faailoga New Zealand CEO of the Year i le 2017 Deloitte Top 200 Awards. O lo o tauaveina nei e Simon tofiga o le Company Director ma le Operating Partner. O ia o le Faatonu o le Commonwealth Bank of Australia ma Taitaifono o kamupani tumaoti – Smart Environmental Group, Les Mills International ma le Designer Wardrobe. E fesootai ma Management Teams o kamupani nei mo le faatuputeleina o le ola lelei o kamupani.
	John Duncan (Sui Taitaifono) ua lava le tomai i fefaatauaiga tau tupe, faaputugatupe ma tulaga tau tupe i le atu laulau. O le Sui Taitaifono Public Trust, Taitaifono Northern Rescue Helicopter Limited, Sui Tausi Mavaega Auckland Cornwall Park, ma sui o le komiti faatonu tuai Housing New Zealand Board ma le Taitaifono HLC.
	O Arihia Bennett (Ngāi Tahu, Ngāti Porou, Ngāpuhi), mai Kaiapoi, sa avea ma Pule Sili o le Te Rūnanga o Ngāi Tahu mo le 12 ma ona tupu tausaga, ma na faamavae i le 2024. Na avea ma social worker i le Child, Youth & Family ma Barnados Aotearoa. Na avea ma faatonu o le Ngāi Tahu Development Corporation mai le 1999 i le 2002, ma o le 2002 i le 2005 na avea ai ma taitaifono. Sa avea foi Ms Bennett ma sui o le Canterbury Earthquake Recovery Commission talu mai le mafuie ia Setema 2010. O ia o se sui faufautua Māori mo le Ombudsman Office, ma sa avea ma sui o le New Zealand-China Council ma le komiti faatonu a le Predator Free 2050 Ltd, Barnardos Aotearoa, ma le Christchurch Women’s Refuge. O le 2021 na tofia ai Ms Bennett e avea ma taitaifono a le Ministerial Advisory Group mo le faatinoga o le Tali Atu a le Malo i le Royal Commission of Inquiry i le osofaiga faaterorisi 2019 i malumalu tapuai Muselemi i Kalaiesetete.
	O Jenn Bestwick, mai Queenstown, sa avea ma Taitaifono o le Tertiary Education Commission ma na tofia e le malo e fai ma sui o le komiti faatonu o le Antarctica New Zealand, Ara Christchurch Polytechnic, Southern Response Earthquake Services, ma le Tourism New Zealand. E malamalama lelei i galuega mo fuafuaga faataatia ma tofiga maualuga i totonu o matātā faalesoifua maloloina, faaiunivesite, punaoa faalenatura, saienisi ma suesuega, ma tagata tafafao mai fafo.
	E 26 tausaga na avea ai Alan Dent, mai Ueligitone, ma Paaga a le Deloitte NZ. Na ia faavaea ma taitaia le Deloitte Corporate Finance Wellington mai le 1990 i le 2020 ma sui o le Deloitte NZ Partner Board mai le 2000 i le 2012. E tele matagaluega a le malo ma faalapotopotoga tumaoti na fautuaina e Mr Dent galuega fai mo tulaga tau fefaatauaiga ma tulaga tau tupe, ma na taitaia suiga tetele na faia i matātā mo fale e nonofo ai tagata e maualalo tupe maua, soifua maloloina, ma isi matātā. Na aloaiaina lona sao o se tasi o tomai sili mo le fuafuaina o tau aogā, ma na ia fuafuaina le $200 piliona o le tau aogā o sea, aseta, ma pisinisi, e aofia ai aseta a le Housing New Zealand ma nofoaga mo tagata ua litaea ma fale tetele o faaaoga e nonofo ai tagata.
	John Bridgman (na tofia e le Komiti Faatonu i le aso 1 Ianuari 2022) ma e telē lona tomai i galuega fai inisinia ma le puleaina o poloketi na faia i Australasia ma Asia. E tele tofi maualuga na faafaigaluegaina ai John, e aofia ai le kamupani faufale tele o le AECOM (sa avea ai ma Industry Director – Civil Infrastructure i Ausetalia ma le tulaga Managing Director mo pisinisi i Niu Sila), tofiga tetele auā le vaaiga ma le puleaina o poloketi mo atinae tetele i Niu Sila, Ausetalia, Asia ma le United Kingdom. O ia foi o le Taitaifono o le City Rail Link Limited; ma le Faatonu Sili a le Waka Kotahi – NZ Transport Agency.
	O Peter Jeffries, mai Aukilani, e mau tomai i mea tau fale mo tagata lautele. O le 1987 na avea ai ma taitai o le CORT (Community of Refuge Trust), o le isi lea Community Housing Provider i Aukilani. Na avea ma Taitaifono ma mulimuli ane ua tofia ma Pule Sili i le 2022. Ua ova atu ma le 390 fale a le CORT e ta‘i tasi ma ta‘i lua potumoe, ma e 540 ma ona tupu tagata o nonofo ai. E silia ma le 310 fale e pulea ma umia e le CORT ma o lo o faagasolo i le taimi nei le fau o fale fou.
	O Ceinwen McNeli, mai Aukilani, o se tasi o tomai faafaigaluegaina mo mataupu va i fafo ma faiga faavae lautele a le malo. O le sefulu tausaga ua mavae atu, na taulai ai le tele o ana galuega i matātā tau mamanu, faainisinia, ma fausaga o fale. I le taimi nei, o ia o le Faatonu o le Central and Local Government Relations Aurecon, ma o le Peresetene o le Association of Consulting and Engineering NZ.
	Sa avea Fiona Mules, mai Kalaiesetete, ma sui o le komiti faatonu Kāinga Ora mai ia Ianuari 2023 seia tau mai ia Fepuari 2024, ma na faamavae ona o tulaga e alagatatau ai ona taofia se manatu po o se feteenaiga o aia mai isi matafaioi faufautua i totonu o galuega tau atinae tetele a le malo. E leai ma se tulaga e feteenai ai aia i galuega o faia nei, ma e talafeagai lona malamalama na maua mai galuega na faia i lea vaitaimi faapea tiute sa tauaveina i komiti faatonu o le Development Christchurch ma le Lyttelton Port Company, na fitoitonu ma atinae tetele i totonu o taulaga. O lo o avea nei ma faatonu o le Rural Livestock Ltd, ma na ia tauaveina le tofiga Faatonu o le Reserve Bank of New Zealand ma le KiwiRail Holdings Ltd. Sa fai ma sui o le Treasury Capital Investment Panel, e iloilo talosaga mo le faatupeina o tupe faavae ma fautua i Minisita e tusa ma tulaga taualoa ua manatu atoa i ai se faigamalo. Ua lava tomai foi Ms Mules i galuega tau taitaifono mo mataupu faasuetusi ma tulaga lamatia