/ / Ngaahi fakamatala ‘oku tukuange tau‘atāina atú

Ngaahi fakamatala ‘oku tukuange tau‘atāina atú

‘Oku tukuange tau‘atāina atu ‘e he Kāinga Ora ‘a e ngaahi pepa Kapineti, fale‘i ki he kau minisitaá mo e ngaahi pepa kehe ke tokoni ki he Pule‘angá. ‘E ‘i ai ha ngaahi pepa ‘e ni‘ihi ‘e fakapuliki atu ai ha ngaahi konga tohi ‘o fakatatau ki he Official Information Act (Lao ki he Fakamatala Fakapule‘angá) 1982 pea mo e Privacy Act (Lao ki he Tauhi Malu ‘o e Fakamatalá) 2020.

Līpooti Fakakuatá

Ko e līpooti Fakakuatá (Quarterly report) ‘oku fakanounou atu ‘i ai ‘a e ngaahi tafa‘aki tefito ‘o e tu‘unga faifatongiá mo e ngāue ‘a e Kāinga Ora pea ‘oku hulu‘i atu ‘i ai ‘a e ngaahi fakalakalaka kuo mau fakahokó ‘o fakataumu‘a hono fakahoko atu ‘o e ngaahi tukupā kuo fokotu‘u ‘i he‘emau Statement of Performance Expectations (Fakamatala ki he Ngaahi Fiema‘u Fakaengāué pe SPE) pea mo e ngaahi tukupā ki he Ngaahi Fale Nofo‘anga ‘a e Pule‘angá ma‘á e kakaí. ‘Oku toe fokotu‘u atu foki ‘i ai mo e ni‘ihi ‘o ‘emau ngaahi lavame‘á, ngaahi polé, ngaahi me‘a ‘e ala matu‘utāmakí, ngaahi makamaile ‘oku ‘amanaki hoko maí pea mo ‘oatu ha vakai fakalūkufua ki homau ‘ātakai ngāue ki tu‘á.

2022

2021

2020

Uesia meí he COVID-19 mo e tu‘unga ‘o e ivi fakapa‘anga ‘o e Kāinga Ora ki he kaha‘ú

‘Oku kei hoko atu ai pē ‘a hono uesia ‘e he COVID-19 mo hono ngaahi nānungá ‘a e sekitoa ki he langá pea mo e langa fale nofo‘angá ‘i he kotoa ‘o e fonuá. Hangē pē ko e sekitoa taautahá, ‘oku ‘ikai ‘ata‘atā ‘a e Kāinga Ora meí he ngaahi tu‘unga mafasia ko ‘ení. Kuo ‘omai ha ngaahi fale‘i fekau‘aki mo e founga ‘o ‘emau matatali ‘a e ngaahi matangi-tō ko ‘ení ‘i ha ngaahi pepa hokohoko (tu‘u mavahevahe) mo ha ngaahi fakamatala fakataukei ki he Minisitā ki he Fale Nofo‘angá.

‘Oku ma‘u atu ha vakai fakalūkufua mo ha ngaahi Fehu‘i & Tali [PDF, 812 KB] felāve‘i mo e ngaahi pepá ni. Koe‘uhí he ‘oku ‘oatu ‘i heni ‘a e puipuitu‘a mahu‘inga, ‘oku fokotu‘u atu ke lau ‘a e nāunau ko ‘ení kimu‘a pea toki vakai‘i ‘a e ngaahi pepa ‘i laló.

Fakamatala Fakataukei ki he Minisitaá

Ngaahi pepa Kapineti

‘Oku ‘ikai ho‘ata atu meí he ngaahi pepá ni ia ‘a e tu‘unga lolotonga ‘o e kakano ‘i lotó. ‘I he taimi ‘oku taau aí, kuo fakapuliki ha ngaahi konga tohi ‘o fakatatau ki he Official Information Act (Lao ki he Fakamatala Fakapule‘angá) 1982 pea mo e Privacy Act (Lao ki he Tauhi Malu ‘o e Fakamatalá) 2020.

‘I he taimi kuo ta‘ofi ai hano tukuange atu ‘o ha fakamatala, na‘e ‘ikai ma‘u ha ‘uhinga mamafa ia ke tukuange atu ai ia ke ‘ilo ki ai ‘a e kakaí ‘o laka hake ‘i he ‘uhinga ki hono ta‘ofi iá. Ko e ngaahi makatu‘unga ‘i he OIA ‘oku kaunga atu ki he ngaahi pepá ni ‘oku lahi kau ki ai ‘a e, kae ‘ikai fakangatangata pē ki heni:

Konga 9(2)(a) ke malu‘i ‘a e fakamatala ‘o e kakai fakaenatulá (natural persons)
Konga 9(2)(f)(iv) ke malu‘i ‘a e tauhi malu ‘o e fale‘i ‘oku ‘oatu ‘e he kau Minisitaá kapau ko e Kalauní, pea mo e kau ngāue fakapule‘angá
Konga 9(2)(g)(i) ke tauhi ‘a hono fakahoko ola lelei ‘o e ngaahi me‘a fakapule‘angá ‘o fakafou ‘i hono fakahaa‘i tau‘atāina mo mo‘oni ‘o e fakakaukaú
Konga 9(2)(h) ke tauhi ‘a e fakapulipuli ‘o e vā ngāue fakapolofesinale ‘i he mala‘e ‘o e laó

Fokotu‘u ki ha polokalama tokonaki fale meí he ngaahi langa ‘oku fakahoko ‘i he feitu‘u kehe meí he feitu‘u ‘oku langa ai ‘a e falé (OSM) supply programme - Tuku atu meí he Minisitaá [PDF, 1.4 MB] mo e Miniti ‘o e Tu‘utu‘uní [PDF, 726 KB]

Kuo fakafo‘ou ‘a e peesí: 18 ʻEpeleli 2024