Tuutuuga ma Aiaiga

1. E faatatau Tuutuuga nei i tupe totogi uma i le Kāinga Ora – Homes and Communities (Kāinga Ora).  E le o aofia ai tulaga nei -

a. Tupe Mautotogi
b. aitalafu mautotogi
c. Faaleaga e le tagata mautotogi
d. Faalēaogāina tupe alu
e. toe totogi atu e le Pulega Faalotoifale / fai konekarate

2. Afai o e totogia nisi o nei mea e lē o aofia ai, vili pe faafesootai le sui Kāinga Ora lena e te lua fesootai e iloa ai po o fea tonu e totogi i ai tupe totogi mo mea nei ae po o ā foi tuutuuga ma aiaiga e faatatau i tupe totogi nei.

3. O tupe totogi nei e faatatau i ai tuutuuga nei (ua na o se faataitaiga) -

a. sa‘o ma talafeagai se vaega tupe o totogi mo le tau e fau ai se pa puipui, pa e tali ai le palapala solo po o isi fausaga e faaaoga faatasi (o mea e fau, toe sui pe toe lipea)
b. sa‘o ma talafeagai se vaega tupe o totogi mo tupe alu e totogi ai faufautua / fai konekarate tau atinae / galuega e aafia ai oe ma au meatotino (ogapaipa fou / auaunaga e tanu i lalo o le eleele)

Tau ma tupe totogi

4. O le tau mo Oloa po o Galuega Faatino o faaali i tau fuafuaina, mataupu tau pisinisi, pepa o tau o oloa po o faamaumauga tai tutusa ua saunia e Kāinga Ora (le "Tau Fuafuaina").

5. E faagata le aso e totogi ai i le aso 20 o le masina talu ona tuuina atu se pepa o tau o oloa. Afai e leai se tupe na totogi i le aso e tatau na totogi ai, ona faaee atu lea e Kāinga Ora o se tului e 2.5% faalemasina i luga o le aofaiga ua tuai na totogi (o tupe faataapeina) mo aso taitasi mai le aso e faagata ai seia uma na totogi, ma e tai masina ma faaliliuina e avea ma tupe faavae i le uluai aso o masina taitasi.

6. O le a noatia foi na e totogia atoa tupe faaalu ma tau o mea (e aofia ai tupe alu mo le faagaioia o tulaga tau tulafono i le va o le loia faufautua ma le tagata o lo o faaaogaina le auaunaga) e fesootai i taumafaiga e toe faaola ai tupe po o taumafaiga e toe faaola tupe ua tuai na totogi.

7. Ua faamalosia ona e totogia le aofaiga atoa o ta‘ua i le pepa o tau o oloa i le aso e faagata ona totogi ai.

8. Ua faamalosia oe e totogi le pepa o tau o oloa e faaaoga ai le faiga o ta‘ua i le pepa o tau o oloa.

Faataunuu

9. Faataunuu le saunia o soo se Oloa ma / po o Galuega Faatino i le vaitaimi faatulagaina o ta‘ua i le Tau Fuafuaina.

Aafiaga ma le Igoa Faamauina

10. Afai o e nafa ma le totogiina o soo se Oloa na tuuina atu e Kāinga Ora, ona pa‘u atu lea ia te oe o aafiaga e tusa ma Oloa na avatu ma e tusa ai foi ma le Tau Fuafuaina ae tumau lava le pule o Oloa i le Kāinga Ora ma e te le pule i ai seia uma na e totogia atoa le tau o Oloa.

11. Afai o e totogia se vaega o soo se Galuega Faatino, ma e tusa ai ma tulaga o faamauina i le Tau Fuafuaina, ona noatia lea o lou totogia o le vaega tupe ua faamatuu atu e te totogia o tusia i le Tau Fuafuaina.

Faamaoniga ma Noataga mo le Faatapulaaina o Tupe Totogi

12. Ua faia se maliega e taofia ai le faaaoga o tuutuuga faaletulafono ma tuutuuga mafaufauina faapea ma faamaoniga i le lautelega atoa e faatagaina ai i lalo o le tulafono. O soo se Oloa ma po o Galuega Faatino na saunia e faamaonia lea i le lautelega atoa o maioio lelei i le maliega tusia na faia e Kāinga Ora, se‘i vagana o se tulaga faamalosia e le tulafono.

13. O vaega ua faatagaina i le tulafono, e gata i ai noataga a le Kāinga Ora ia te oe mai soo se tulaga e saunia ai (po o le lē mafaia ona saunia) Oloa ma po o Galuega Faatino, po o le lelei po o le aogā o le Oloa ma po o le Galuega Faatino ma e le noatia Kāinga Ora mo soo se tupe leiloa i se faiga e lē tuusa‘o, po o tupe leiloa e le i mafaufauina pe faapitoa o soo se ituaiga lava. Faaaogaina o Faamatalaga

14. Ua e malie e:

a. E ono maua e Kāinga Ora faamatalaga e uiga ia te oe mai se isi tagata (e aofia ai molimau faamauina ma soo se kamupani e aoina aitalafu) ma ua e malie i soo se tasi o i latou nei e tuuina atu i le Kāinga Ora faamatalaga na faatalosagaina;
b. E ono faaaoga e Kāinga Ora faamatalaga o taofia e faamaonia ai le faamoemoeina o oe e totogi ni nonogatupe ma tuuina atu faamatalaga lava nei i isi tagata, e aofia ai soo se kamupani e aoina aitalafu, mo le iloiloina o tulaga i aitalafu ma le aoina o aitalafu; ma
c. Nisi lava faamatalaga e aoina mai e le Kāinga Ora e faatatau ia te oe e mafai ona faaaoga e le Kāinga Ora i le faagasologa o ana pisinisi.

Tulafono Faataunuuina ma le Puleaina

15. Afai na sainia e se soopu o fai ma ou sui Tuutuuga nei, o lona uiga lua te noatia faatasi ma le sooupu po o le tagata na sainia i taimi uma tulaga o noatia i lalo o Tuutuuga nei.

16. E te lē agavaa e faaaoga au aiatatau i lalo o soo se konekarate ma le Kāinga Ora se‘i vagana ua i ai se maliega tusia na avatu e le Kāinga Ora. E mafai e le Kāinga Ora ona faaaoga lana aiatatau mo soo se konekarate na tou faia faatasi e aunoa ma sau maliega.

17. Afai e i ai se tuutuuga e le mafai ona faamalosia, ona tapē ese lea o le tuutuuga lea ae tumau pea le faamalosia atoa o isi tuutuuga uma.

18. E faasili le faamuamua i tuutuuga nei faatusa i isi lava tuutuuga ma o tulaga atonu na e ofoina mai se‘i vagana tulaga o faalauaitele i ai o ta‘ua nei.

19. E puleaina e tulafono ua faia i Niu Sila tuutuuga nei ma ua e malie e tuuina atu lau maliega i le puleaga e lē faapitoa i Faamasinoga o faia i Niu Sila.