Specified Development Projects
E faamatuu atu i luga o le Urban Development Act 2020 le pule faitalia e mafai ai e Kāinga Ora ona amata faagasolo, faagaioia, ma faatino atinaega o le taulaga auā le gafataulimaina, tau aofia, ma le manuia o tagata.
E aofia ai ma se faagasologa atoa e vailiili atoatoa ai auā le fuafuaina, faatupeina ma le faataunuuina o poloketi atinae tetele mo le taulaga e matuai lavelave – e faaigoa lea o le Specified Development Projects (SDP).
Poloketi ua iloiloina mo le faia o se suesuega e ono avea ai ma SDP
Tagai i le lisi o poloketi na iloiloina e Kāinga Ora ma filifilia mo suesuega ma taunuuga o iloiloga nei.
| Aso na faia ai le faaiuga ua filifilia mo le suesueina | Poloketi na faatalosagaina | Tulaga SDP | S29 lipoti o fautuaga |
| Setema 2022 | Western Corridor, Tauranga | Filifilia mo le suesueina | Lipoti Western Corridor [PDF, 1.7 MB] |
| Aokuso 2022 | Northern Growth Area, Porirua | Filifilia mo le suesueina | Lipoti Northern Growth Area [PDF, 1.9 MB] |
| Novema 2021 | Atinae Sunfield, Papakura, Auckland | E lei filifilia mo le suesueina | Lipoti atinae Sunfield [PDF, 2.1 MB] |
O le ā le Specified Development Project (SDP)?
O le SDP o se poloketi mo atinaega o le taulaga ma e patino i (se) nofoaga ua faamatalaina, faamatalaina sini autu o le poloketi, ma le pulega e vaaia ua faamatalaina (“vaega autu” e tolu o se SDP).
O faiga nei e mafai ona galulue faatasi ai pulega faalotoifale ma le malo tutotonu ma tagata e ona fanua, mana whenua, fai atinae faufale tumaoti ma tagata e fuafua ma faataunuu faanaunautaiga ua malilie faatasi i ai mo le atinaega o le taulaga.
O le aogā o le SDP o le faamaopoopo ma le tuufaatasia o le mau faiga eseese e moomia mo le atinaega o le taulaga ma mafai ai ona tasi lava se auala maopoopo e uia e maua ai. E faaaoga se fuafuaga tau atinae e faatulaga manino muamua ai mea e pei o fuafuaga, atinae tetele, faaaogaina o fanua ma le faatupega o le faamoemoe. E iloilo ai tulaga o fia faagasolo e pei o mea e aiaina e Māori, aafiaga i le siosiomaga, soifua ma le ola o tagata, agaifanua, ma le avea ai ma measina tāua.
E sili ona fetaui le faiga o faagasolo ai se SDP i poloketi tetele ma le lavelave e le o mafai pe itiiti lava tulaga e faataunuu ai pe tau atiae atoataoa ai e tusa ma tulaga moni o faagasolo ai. E aogā e foia ai mea o faalavelavea ai taumafaiga e masani ona taotaomia ai le tau amata mai o se poloketi, e pei o nofoaga tetele e umia e se au vaega toatele, o le tuaoi o mea e mafai ona faatupe, po o le lavelave o luitau i le tau fuafuaina o galuega.
E faapefea ona faagaioia le faiga e filifili ma suesue ai se SDP?
O lo o faatulaga i le Urban Development Act faiga faatuatuaina ma le malosi e muamua lava ona faamae‘a lelei a o lei mautu se tonu e avea ai ma SDP ma amata faagasolo ai loa le faataunuu o le poloketi.
E mafai ona filifili le suesueina o se poloketi mo le atinaega o le taulaga e ono avea ma SDP e le Kāinga Ora po o le Minisita o le faalapotopotoga (Minisita o Fale o lana lea matafaioi le tausisia o le Tulafono ma le Minisita o Tupe). O soo se vaega po o se faalapotopotoga, e pei o iwi, fai atinae faufale po o pulega faalotoifale, o manatu e iai se poloketi tau atinae e ono avea ma SDP, e maua le avanoa e faatalanoa ai ma le vaega SDP a le Kāinga Ora e iloa tonu pe faamata e aogā le faaaoga o le faiga e faamaonia ai le avea ma SDP mo le poloketi o fuafuaina.
Afai e filifili se poloketi mo le faia o se suesuega pe faamata e talafeagai le avea ma SDP, ona faia lea o tulaga masani o le suesuega i le taimi muamua lava e faatalanoa ai ma Māori ma paaga autu, faasilasila i le mamalu o le atunuu o vaega autu o faamoemoe i ai Kāinga Ora mo poloketi o fuafuaina, ma saunia se lipoti vailiili atoatoa o le poloketi na suesueina.
I le uma ai o suesuega na faagasolo, ona tuuina atu lea e le Kāinga Ora o se fautuaga i le Minisita o le faalapotopotoga pe faamata e tatau ona avea le poloketi ma SDP. E taatia i le Minisita o le faalapotopotoga le faaiuga pe faamata e talia le fautuaga.
E faamatuu atu i luga o le Urban Development Act 2020 le pule faitalia e mafai ai e Kāinga Ora ona amata faagasolo, faagaioia, ma faatino atinaega o le taulaga auā le gafataulimaina, tau aofia, ma le manuia o tagata. E aofia ai ma se faagasologa atoa e vailiili atoatoa ai auā le fuafuaina, faatupeina ma le faataunuuina o poloketi atinae tetele mo le taulaga e matuai lavelave – e faaigoa lea o le Specified Development Projects (SDP).
Nisi faamatalaga
O le Urban Development Act 2020(external link), faatasi ma le Kāinga Ora – Homes and Communities Act 2019(external link), e faalagolago i ai le taatiaga o se auivi mo se suiga tele mai atinaega o le taulaga auā le gafataulimaina, tau aofia, ma le manuia o tagata.
E mafai ona faitau i le tulafono po o le maua o nisi faamatalaga i le upegatafailagi Ministry Of Housing and Urban Development(external link). Afai e te fia maua nisi faamatalaga e faatatau i le Urban Development Act, po o le fia faatalanoa o tulaga e ono filifilia ai se poloketi mo se suesuega e avea ai ma SDP, imeli le vaega sdp.enquiries@kaingaora.govt.nz.
Afai e te fia saili se fautuaga e faatatau i le Urban Development Act, po o le fia faatalanoa o le vaega tonu o le poloketi e ono suesueina, na imeli lea o le vaega sdp.enquiries@kaingaora.govt.nz E faafesootai atu e faatalanoa le tou poloketi, ma mafuaaga e aogā pe lē aogā ai foi le SDP.
O luga foi o faatalanoaga na muai fai, e tatau ai i le Kāinga Ora ona iloilo tulaga e ono aogā ai le suesueina e avea ma SDP, ma e tuuina atu faamatalaga patino e tusa ma le auga tonu o se faatalosaga mo le filifilia ai e avea ma poloketi.
O le uma ai ona faia o se faaiuga e le Kāinga Ora po o Minisita e nafa ma le faalapotopotoga, le faia o se suesuega o le poloketi, ona suesue lea e Kāinga Ora tulaga e gafatia ai ona faatino le poloketi ma faailoa fuafuaga faatalosagaina autu mo le poloketi. E aofia i vaega autu o faatalosagaina sini autu o le poloketi, nofoaga e faatino ai le poloketi ma le pulega e puleaina le poloketi. O le faagasologa lea ua faatulafonoina i le Urban Development Act.
E faalagolago le suesueina o le gafatia ona faatino o se poloketi, i le faailoa e Kāinga Ora o mea e ono avea ma faalavelave atoa ma avanoa lelei e maua mai le poloketi. O itu nei e tatau ona faailoa:
- soo se fanua e ono puipuia mai atinae
- atinae tetele a le atunuu
- soo se fanua o noatia i se fuafuaga e faasao ai, se vaega o le fogatai po o se Tulafono faalotoifale
- soo se fanua faasao o umia e le Crown, fanua sa umia e Māori ma fanua i lalo o le Right of First Refusal
- tuutuuga e patino i le Te Tiriti, faatulagana ua malilie faatasi i ai ma faamaumauga o fuafuaga ua saunia e Māori
- faamatalaga o lamatiaga faalenatura o umia e pulega faalotoifale po o fanua ua faaleagaina i mea ‘ona o tutonu i le nofoaga o faatalosagaina
- tu ma agaifanua a Māori, tāua o se fanua i lona tulaga o se measina
- fuafuaga a pulega faalotoifale mo le faatuputeleina o taulaga ma isi mea o fuafuaina ai fuafuaga
- isi auala e ono maua ai fesoasoani tupe mo atinae tetele
E tatau foi i le Kāinga Ora ona faailoa:
- faiga o lo o faia ai fuafuaga i le taimi nei ma faamaumauga o fuafuaga a Māori e fesootai i le nofoaga o faatalosagaina e faatino ai le poloketi; ma
- soo se lipoti i suiga o le tau e mafai e le mamalu o le atunuu ona faitau ai, ma na saunia e tusa ai ma le Climate Change Response Act 2002 po o tuutuuga e tusa ma feagaiga faavaomalo, e fesootai i le nofoaga o faatalosagaina e faatino ai le poloketi.
O le a faia talatalaga i le va o Kāinga Ora ma Māori ma paaga autu i le vaitaimi e faatino ai le suesuega o se poloketi. O le a talosagaina foi e Kāinga Ora le tuuina atu i le faalapotopotoga o Tauofoga Tulaga o fia Aiaina mai faalapotopotoga Māori mo le fia atinaeina o soo se fanua o tutonu i le nofoaga o faatalosagaina e faatino ai le poloketi.
O le taimi lava ua saunia ai e Kāinga Ora vaega autu o fia faatalosagaina, e tatau loa ona faia se faasilasilaga faalauaitele, ma talosagaina le mamalu o le atunuu e faaali manatu ma iloilo manatu faaalia na maua.
O isi vaega e faaopoopo i gaioiga na ta‘ua muamua, o le toe iloilo e Kāinga Ora o tulaga nei pe a suesueina soo se fuafuaga na faatalosagaina:
- E faapefea ona aogā sini autu o fuafuaga faatalosagaina i le gafataulimaina, tau aofia o tagata ma le uluola o le motu o tagata?
- Faamata e tausisia e le atinaega o le taulaga o fuafuaina i le nofoaga e faatino ai fuafuaga aoao, fuafuaga faaleitumalo ma fuafuaga faalotoifale?
- E iai ni fanua o puipuia o aafia i le nofoaga o le a faatino ai le poloketi (tagai i le fuaiupu 17(2) ma le (4) o le Tulafono) ma afai o lea, (pe afai o lea lava) o le ā le vaega o le poloketi e fesootai i le fanua lea?
- E moomia na siaki e Kāinga Ora tulaga o le fanua o noatia i le aiatatau e muai teena ai ma soo se aafiaga e ono aliae mai le poloketi.
- O ā faatulagana o pulega o fuafuaina mo le poloketi ma o le ā le telē o le poto masani o tagata o vaaia le poloketi?
A mae‘a ma tapunia le faasilasilaga faalauaitele o vaega autu o faatalosagaina mo se poloketi, ona tatau loa lea i le Kāinga Ora ona saunia se lipoti o le suesueina o le poloketi ma e mafai ona aofia ai se fautuaga e faavae ai se poloketi o se SDP pe leai. Afai o fautuaina le avea ma SDP, e tatau i le Kāinga Ora ona tuuina atu i le pulega talafeagai tau tuaoi o se kopi o le lipoti o le suesueina o le poloketi e lei aloaia ma faatolasagaina manatu pe faamata e lagolagoina le fautuaga ma vaega autu.
O le uma ai ona faia o le suesuega, ona tatau lea i le Kāinga Ora ona tuuina atu i Minisita e nafa ma le faalapotopotoga se lipoti o le suesuega na faia o aofia ai ma fautuaga pe faamata e tatau i Minisita ona faavae se poloketi o se SDP (e aofia ai soo se tali mai pulega faaitumalo e talafeagai ai pe afai e tatau ai). A mae‘a lea ona faia lea e Minisita e nafa ma matafaioi nei se faaiuga pe faamata e talia le fautuaga. O lo o i ai faatulagana i le Tulafono e limataitaiina ai faaiuga a se Minisita pe faamata e faavae o se SDP pe leai. E aofia ai le:
- Faamalieina o vaega autu e talafeagai ai
- Iloiloina pe faamata na talafeagai talatalaga na faia, ma le
- Faamalieina i le lagolagoina o le poloketi e pulega faaitumalo e talafeagai ai po o tulaga foi ua tatau ai ona faataunuu ona o se taumafaiga e lelei mo le mamalu o le atunuu.
Afai ua talia e le Minisita o agaia le faiga malo le fautuaga e faavae o se SDP, ona faavae lea i le faatulagana ua faia i le Order in Council ma faasilasila i le New Zealand Gazette.
O le uma ai ona faavae o se SDP, ona tatau loa lea i le Kāinga Ora ona amata faia o se fuafuaga tau atinae faataitai.
O le auga na faavae ai se fuafuaga tau atinae e faamatala auiliili ai vaega nei:
- taatiaga o le atinae
- auala e faataunuu ai le atinae
- auala o faamoemoe e faaaoga ma faatino ai matafaioi ma le pule mo se SDP e aofia ai atinae tetele e fesootai i ai ma le faatupega o le atinae
- o tulaga e ono suia ai fuafuaga o le RMA ma faamatalaga taiala faavae faaleitumalo.
E tatau foi i le Kāinga Ora ona saunia se lipoti iloiloina e lagolagoina le fuafuaga tau atinae faataitai. O isi tulaga e aofia ai, e tatau i le lipoti iloiloina ona vailiili pe faamata o fuafuaga faatalosagaina o ta‘ua i le fuafuaga tau atinae faataitai o fuafuaga sili ona talafeagai e ausia ai sini autu o le poloketi, suesue le aogā ma tupe alu o aafiaga o fuafuaga faatalosagaina o ta'ua i le fuafuaga tau atinae faataitai, saunia se aotelega o fautuaga e faatatau i le fuafuaga tau atinae faataitai na saunia e faalapotopotoga Māori, ma iloilo tulaga e afaina ai le siosiomaga atoa ma faamatalaga auiliili o atinae tetele o faatalosagaina mo se SDP.
E tatau i le Kāinga Ora ona faamalieina tuutuuga e tatau ona muai faatino o faamatalaina i le Tulafono a o lei faia se faasilasilaga lautele o le fuafuaga tau atinae faataitai ma le lipoti iloiloina. O le taimi lava ua faamalieina ai tuutuuga e tatau ona muai faatino, ona faailoa lea i le faasilasilaga lautele le auala o le a mafai ai ona maua atu le fuafuaga tau atinae faataitai ma le lipoti iloiloina, ma le aso e tatau ona faaoo mai ai i le faalapotopotoga fautuaga faaalia i le fuafuaga tau atinae faataitai.
O le tapunia ai o le vaitaimi e faatali ai fautuaga faaalia, ona saunia lea e Kāinga Ora o se lipoti e tuuina atu i le IHP e iloiloina fautuaga faaalia ma saunia fautuaga e tali atu ai i le lipoti.
O mea uma o tusia i le fuafuaga tau atinae faataitai, fautuaga faaalia e faatatau i ai, ma fautuaga na faavae e Kāinga Ora i luga o fautuaga faaalia, e iloiloina lea e le Independent Hearings Panel (IHP) o aofia ai sui e toatolu, e aofia ai ma se tasi o avea nei ma faamasino pe sa tofia ma faamasino Environment Court Judge. E iloilo e le IHP faamatalaga uma nei mo le saunia o fautuaga e tuuina atu i le Minisita e faatatau i le fuafuaga tau atinae faataitai. E iai tulaga ua faamatuu mai e le Tulafono e mafai ai e le IHP ona fetuunai faagasologa o ana iloiloga ina ia tele auala ma faiga o faagasolo e iloiloina ai se poloketi. E maua le avanoa e faatalanoa ai e le IHP manatu o tomai faapitoa ma isi auala e foia ai feteenaiga, faatonu se lipoti o moomia, tuuina atu avanoa e fofogaina ai manatu tetee, ma talosaga faamaoniga ma faamatalaga mai le Kāinga Ora.
E iva masina mai le aso na tauaaoina ai fautuaga faaalia, le umi e tatau ai i le IHP ona faamautu fautuaga e tuuina atu i le Minisita e nafa ma le Tulafono e faamamaluina ai le fuafuaga tau atinae faataitai.
E mafai e le IHP na tuuina atu se fautuaga i le Minisita e nafa ma le pulega e faailoa ai le talia o le fuafuaga tau atinae faataitai atoa, talia suiga e patino i nisi o vaega o le fuafuaga, po o le teena o le fuafuaga atoa.
O soo se fuafuaga tau atinae ua faamaonia e le Minisita e nafa ma le faalapotopotoga e tatau ona faasilasila i le New Zealand Gazette. O le faasilasilaga lea e faailoa ai le aso o le a amata faatino ai le fuafuaga tau atinae. O soo se tagata na faia se talosaga tusia e tali atu ai i le fuafuaga tau atinae faataitai e mafai ona tuuina atu i le Faamasinoga Maualuga se tulaga e fesootai ai i le tulafono mo tulaga na faamaonia ai le fuafuaga tau atinae, ma le talosaga mulimuli e faia i le Faamasinoga o Talosaga.
O le taimi lava ua amata faatino ai le fuafuaga tau atinae, ona mafai lea ona faaaoga e le Kāinga Ora o le pule e faatino ai atinae mo SDP e pei ona faataatia i le Tulafono, ma mafai loa ona faagasolo atinae.
Uma na faafou le itulau: 30 July 2024