Tuuina atu lo‘u fale e lisi e le Kāinga Ora

O le polokalame Home Lease, ua mafai ai ona matou lisi mai le tele o fale e nonofo ai tagata i Niu Sila atoa, mai fale tutasi mo aiga faasolo atu i fale i totonu o se nofoaga tele.

E faatusatusa fale o lisi mai i tagata pito sili ona moomia fale ma ua lesitala i le lisi faatalitali Public Housing o vaaia e le Ministry of Social Development (MSD). E avea Kāinga Ora ma pule o le fale, ma e taulimaina feutagaiga uma ma tagata o nonofo ai.

E ono talafeagai ma fetaui le polokalame Home Lease mo oe, tusa lava pe afai e te umia toatasia se fale po o se fai atinae faufale. Matou te faatupu avanoa e faatumauina ai le maua o tupe maua mo se vaitaimi umi ma le faatuatuaina mai fale mautotogi, ma e mautinoa le maua o tupe totogi faalemasina, tusa lava pe afai ua tuufua le fale i le va o mautotogi. Matou te faataunuuina foi galuega faaleleia i le fale mo le tagata e ona le fale.

Faamalieina o faatulagana

E lē o fale uma e talia i lalo o le polokalame Home Lease. E tatau ona faamalieina faatulagana o fale, e aofia ai tulaga maumaututu e mautinoa ai le maua e tagata o fale e mafanafana, matū, lelei ma saogalemu i le nofo.

O itu nei e iloilo i ai le agavaa o se fale pe afai:

E tutonu le fale i se nofoaga o matuai moomia ai fale mo tagata lautele ma e faaopoopo i luga atu o le aofaiga o fale ua maua
Na fau ina ua mavae le tausaga 2000 (faamoemoega lava lea)
E ausia ai faamoemoega a le Malo mo Healthy Homes Standards
E lē mautotogi ai se isi i le taimi nei, po o faamoemoe e avanoa i se taimi lata mai
Faapena ona faamalieina isi faatulagana ua saunia e Kāinga Ora

Lisi o mea e siaki

Faatumu faamatalaga e vave ma faigofie e te iloa ai pe o faamalieina uluai faatulagana. Afai o lea, ona matou fesootai atu lea i le faiga e faia ai se talosaga.

Manatua: A e tali mai i le IOE i se tasi o fesili i lalo ifo o lona uiga e lē agavaa lou fale mo le polokalame Home Lease, ma e leai se uiga e laasia ai le isi laasaga e talosaga mai ai. Na o le tasi lava le tuusaunoaga pe afai na fau lou fale a o le i aulia le tausaga 2000 – e iai tulaga matou te ono talia ai.

Faatoa faafesootai atu pe afai ua e faamalieina uluai faatulagana.

E tatau ona tali uma fesili.