Polokalame Kāinga Ora Toe Faapipii Mea Fou

Talu mai le faamanuiaina o taumafaiga o le poloketi faataitai na faia i le Hutt Valley, na amata faasolo ai loa ma le Polokalame e Toe Faapipii Mea Fou i le tele o isi nofoaga ina ia maua e tagata nofo mautotogi fale e mafanafana, matū ma lelei. E faafaigaluegaina i ai le $500 miliona ma le faamoemoe e toe faafou ai le 10,000 fale i le atunuu atoa i le isi sefulu tausaga o sosoo ai. O se vaega tele lea o tupe o teufaafaigaluega i fale ua matou saunia ma le tamaoaiga o itumalo.

O ā galuega na faatino?

Soo atoa fale i mea e taofiofi ai le mafanafana, faapipii faamalama sautualua ma faaleleia faiga e taofiofia le tele o le ea e sao i totonu po o fafo o le fale

O le sini autu le toe fai o fale i se tulaga e faamalieina ai tulaga moomia, pe sili atu foi ma tulaga fou faatonuina ma faaopoopo ai le 50 tausaga o le umi e aogā ai le fale.

O galuega faaleleia e atili mafanafana ai fale, atili matū ma lelei atili ai, e aofia ai mea e taofiofi ai le mafanafana i totonu o fale (puipui, faalo ma le fola), faamalama sautualua, faaleleia faiga e taofiofi ai le sao o le malulu i totonu o le fale, ma faiga e faataavili ai le ea i totonu o le fale, ma faiga fou e faamafanafana ai.

E tofu lava le fale ma ituaiga galuega e moomia ona fai ai, ma e ono toe faafou faletaele ma umukuka, toe sui atoa le faataatiaga o le fale e tasi ai se potu tele mo malologa ma le umukuka, ma saofia gofie mo feoaiga i totonu.

O le a toe faapipii mea fou i fale e tusa ma le tolu i le fa masina le umi e fai ai. E aofia ai le vaitaimi e fau ai, ma le taimi e siitia ai tagata nofo mautotogi i se isi apitaga e nonofo le tumau ai.

Faataunuu le maua o fale mafanafana, matū ma lelei

E le gata i le polokalame faufale e faapena foi na faataunuu le tele o fale tetele ma vave ona fau, e avea foi le polokalame e Faapipii ai mea fou ua faia e le Kāinga Ora e faaleleia ai fale tuai pe ā ma le 40,000 fale e moomia le toe faafou i le isi 20 tausaga o sosoo ai.

E fesoasoani mea e faapipii auā e aogā ma gafataulimaina ai mea faapipii na i lo se fale fou, talu ai o le a toe faaaoga mea faufale o i ai nei na i lo le talepe ma toe fau fale fou i fanua e lē maua ai ni faamanuiaga tetele i galuega e toe tau atiae ai.

E i ai foi faamanuiaga i tagata nofo mautotogi, ma paaga faufale. E lagolagoina ai le soifua manuia o tagata nofo mautotogi e auala atu i le maua o fale sili atu ona mafanafana, sili atu ona matū ma sili atu ona lelei mo tagata nofo mautotogi i le nofo. O se avanoa foi mo fai konekarate faalotoifale tetele ma le laiti.

Faapipii faamalama sautualua fou

O ā fale o le a toe faapipii ai mea fou?

E tele vaega eseese matou te vailiiliina pe a matou suesueina le talafeagai o fale mo le faapipii ai o mea fou, e tusa ma taiala faataatia lautele mo se vaipanoa. E aofia ai le faafou o fale i se tulaga e sili ai ona aogā, ma auala e sili ai ona faaaoga le fale ma le fanua e tali atu ai i manaoga o tagata, e aofia ai le iloilo o tulaga e ono talafeagai ai ona toe tau atiae.

O le a matou fesootai ma faailoa i tagata nofo mautotogi tulaga ua talafeagai ai ona faapipii mea fou i le fale o nonofo ai. E taua le malamalama e le o fale uma o le a suesueina pe faamata e faapipii ai mea fou o le a faataunuu ai lea faamoemoe. E talia le faaali mai o manatu o tagata nofo mautotogi pe afai o i ai ni atugaluga po o faafesili i le fale o nonofo ai, ma o le a iloilo tulaga e mafai ona matou fesoasoani atu ai.