Greys Ave (Te Mātāwai)
Atinae a le malo i Te Mātāwai i le Taulaga Tele Aukilani e maua ai se siosiomaga e fesootai lelei ai tagata ma auai malosi ai i mea faitele.
Afio mai Te Mātāwai
O fale ua saunia i le siosiomaga tu taulaga faaonaponei o le fatu lea o se faiganuu mau eseese, felagolagomai ma e fesootai lelei. O se nofoaga e tali leleia ma talisapaia le soifua, ola galue ma le uluola o tagata i totonu o taulaga o Aukilani.
Vaega autu
- 200 fale a le malo
- Auaunaga tausimea Hapori Kaitiaki e leoleoa le vaipanoa 24/7
- Nofoaga tau lagolagosua 24/7 e faigofie ona maua ai auaunaga faalesoifua maloloina mo tagata o nofoia fale
- Na foafoaina i se faiga e maua ai e tagata le ola felagolagomai ma le fetausiai ma nofoaga e faaaoga faatasi mo meafai, tafaoga ma fesootaiga
- E aofia i le fogafale pito i lalo nofoaga mo fefaatauaiga faapisinisi, e aofia ai se tamai supamaketi, ma na filifilia ituaiga pisinisi e lagolagoina tulaga o moomia e tagata o nofoia fale ma tagata o le lotoifale.
Aga Taualoa Waihorotiu
E tu lata Te Mātāwai i Greys Ave i Waihorotiu. Na fuafuaina le fausaga o fale ia atagia ai le faapogai o le ola, punavai ma faiga taualoa. O le malosi lea o siomia ai fale; e faamamāina, faamaloloina ma puipuia tagata uma o soifua, galulue ma asiasi mai.
E atagia i apa valavala le malosi o le suavai, ma e faatumauina ai le agaga tonu na faavae i ai le nofoaga atoa
O se lagolagosua e sili ona maua gofie
E faia i Te Mātāwai se faiga e faatulaga ai fale a le malo i auaunaga tau lagolagosua mo tagata e sili ona moomia. O se siosiomaga e mafai ai e tagata o nofoia lea vaipanoa ona atiae sootaga lelei ma le aogā ma maua gofie auaunaga e lagolagoina le tau atiina ae o tulaga faalesoifua maloloina, soifua manuia ma tulaga patino.
E faamuamua i Te Mātāwai tagata. E faafailele le soifua ma le ola o tagata o nofoia le vaipanoa ma fale ma faamautinoa le tausia lelei o tagata.
Malamalama atili i lagolagosua o faia mo tagata o nofoia fale.
Nofoaga agaifanua eseese
E mau i mea lelei Te Mātāwai e lē na o le nofo ai. E fesootaia tagata o nonofo i le vaipanoa lenei i vaega e moomia auā le faatupu o le ola manuia ma le mautu atoa ma le faafaileleina o tulaga e aogā ma talisapaia ai.
O gaioiga ma avanoa i nofoaga faitele i Te Mātāwai na faavaeina e lagolagoina le lautele ma le mau eseese o tagata e faaaoga ma auai i mea faitele.
Mo nisi faamatalaga
Lesitala mo le fia maua atu o le Tusi o talafou Waitematā.
Saili mo nisi faamatalaga ia matou atinae fale Waitematā.
Fesootaiga
Faafesili tagata lautele
Imeli mai le vaega Te Mātāwai i le tematawai@kaingaora.govt.nz
Faafesili ofisa faasalalau
A i ai se fesili e patino i ofisa faasalalau, faafesootai le media@kaingaora.govt.nz ma faaaofia ai le taimi faagata e tatau na maua atu ai mo le faafaigofieina o lau talosaga.