Tupe Totogi

E iai le manatu maualuga e fesoasoani atu e faafaigofie au taumafaiga e totogi ai lou fale ma isi mea e totogi, ma e te maua i le itulau lenei faamatalaga aogā, ae e le taofia ai lou faafesootai mai pe a iai se fesili.

Tupe faamau

E le tapā e Kāinga Ora  se tupe faamau pe a e siitia e te nofo i se fale – e sili ai le faafaigofie mo tagata le siitia i se fale mafanafana, ma matū, ma na taofia le tulaga lea ia Aperila 2019.

Mautotogi

E tuuitiitia le popole pe a totogi lou fale mautotogi i le taimi na faatulagaina e totogi ai. E faatupu le popole peiseai ua telē se faaletonu pe a misi na totogi le fale, ma e lelei lou fesootai mai pe afai o e popole i se tulaga e ono misi ai se tupe totogi.

A e iloa e ono misi se tupe totogi po o lena ua misi na totogi, ona tatou faia lea o se tonu e faafaigofie ai na toe totogi ma foia ai lou solia o lau maliega mautotogi. Valaau mai i le 0800 801 601 pe afai o moomia se fesoasoani.

Mautotogi e fua i luga o le tupe maua

Afai o e totogi le fale e fua i luga o lau tupe maua, ona iloilo lea e le Ministry of Social Development (MSD) o lau tupe e totogi mo le fale i tausaga uma, ma e fuafua i le aso e atoa i ai le tausaga na e siitia e te nofo ai i le fale.

O le uma ai ona faia o se iloiloga, ona faailoa atu lea o se faaiuga tusia mai le MSD o se suiga i lau mautotogi e totogi. E muamua lava ona lafo atu e le MSD se pepa faatumu pe ā ma le fa masina a o lei suia se aofaiga e totogi o le fale.

Afai e te le manao e talosaga le faiga e fua ai lau mautotogi i lau tupe maua, po o le ova atu o lau tupe maua mai le faatulagana e faagata ai, o lona uiga e te ono totogia lou fale i se tau mo mautotogi o fale mo fefaatauaiga faamaketi.

Manatua e vave faafesootai mai pe afai ua suia tulaga o e maua ai.

Mo nisi faamatalaga

• Faafesootai le Ministry of Social Development i le 0800 559 009.
• E maua isi faamatalaga, e aofia ai ma fesili masani, i le upegatafailagi(external link) a le matagaluega.

Inisiua

Inisiua fanua ma fale

E iai inisiua mo lou fale Kāinga Ora ma e aofia ai, mea ua faaleagaina mai tulaga faalenatura e pei o afā, lologa ma mafuie.

E te le moomia na e totogia se mea na faaleaga mai tulaga faapenei. E tusia i lau Maliega mautotogi [PDF, 788 KB] le inisiua ua faia mo lou fale.

Faaleagaina o lou fale

Afai ua leaga ia te oe se mea o le fale, mo se faataitaiga ua ta‘e se faamalama, e moomia na e vili mai i le 0800 801 601 e faatalanoa se faiga e toe fai ai.

Inisiua meatotino

E moomia na e totogia se inisiua mo au meatotino, e aofia ai lau tv, moega ma lavalava. Talanoa i lau Housing Support Manager e te iloa ai auaunaga e mafai ona fai ai se inisiua.