Vaai lelei lou fale

O tulaga nei e faamautinoa e Kāinga Ora:

• vaai po o mamā ma aulelei le fale a o lei siitia atu e te nofo ai
• lelei le tino o le fale - ua matou saunia se polokalame e faatumauina ai galuega faaleleia i fale uma matou te umia
• lipea mea o moomia vave i se taimi vave e mafai ai
• siaki po o ola lelei faailo asu
• toe lipea mea e vave na uma le aogā ona e faaaoga soo i se taimi vave e mafai ai.

Talosaga mo se galuega faaleleia

Mo mea o moomia vave na lipea ma mea masani o fia lipea po o faafesili mo galuega faaleleia, valaau mai i le 0800 801 601 ma filifili ‘option 4 - repairs and maintenance.’ E mafai foi ona e talosagaina i le MyKāingaOra i soo se taimi mo galuega e le o moomia vave ai se galuega. E mafai na e faitau i tulaga o galuega na faatonuina i le vaega “Current Maintenance.”

E faamatala mea o moomia vave na toe lipea o faafitauli e aafia ai lou soifua maloloina ma le saogalemu. O tulaga e mafai ai, o le a faapena na foia i totonu o le 4 itula.

O ituaiga galuega nei mo se mea e fia lipea e pei o:

• alavai ua poloka, se faaletonu i le falēleta‘ua po o paipa o faaalu ai suavai palapalā
• kesi o mama po o le matuai mama leaga o se paipa
• leai se eletise po o se vai vevela
• faaletonu tau eletise.

Afai e le o moomia vave le fai o se galuega ona faatonu lea o se fai konekarate e alu atu e siaki mea o moomia i totonu o le 10 aso faigaluega.

E iloa se tonu mautu pe a fautuaina e le fai konekarate le faatino i se taimi vave e mafai ai po o se galuega e tatau ia i matou ona faatino i lalo o matou polokalame galuega faaleleia.  O tulaga masani le fai o galuega e toe lipea, e pei o le toe vali po o le toe faafou o le tele o fale i le taimi atoa ua faia ai se galuega nai lo le fai eseese. O le a tatou galulue faatasi e fai se tulaga sili ona lelei.

Faia e a‘u lava galuega lipea

A e manao e te tago e fai galuega faaleleia i lou fale, talanoa muamua mai i le Customer Support Centre i le 0800 801 601 ma filifili le ‘option 4 - repairs and maintenance.’

E le moomia na e faafesootai mai mo galuega laiti e pei o le faamau o fao ma sui moliuila, ae mafai ona fesoasoani atu pe afai e te le o mafaia po o le lē fetaui o meafaigaluega e fai lelei ai.

O le a matou siaki galuega na e faia, e mautinoa ai o ausia tulaga moomia tau saogalemu. Afai e le ausia tulaga moomia ma ua tatau na alu atu se fai konekarate e toe fai, ona sauni lea mo tulaga e te ono totogia ai le galuega.

Faia suiga i se fale mo se manaoga faapitoa

Afai e te nofo mautotogi i se fale Kāinga Ora ma e iai sou manaoga faapitoa po o le moomia o se suiga e faafaigofie ai na e fealuai i totonu o lou fale, ona e faafesootai mai lea e faatalanoa auala e mafai ona fesoasoani atu ai. Faafesootai mai

Tomai faumea faapitoa

E noatia fai konekarate o matou faafaigaluegaina i se Tulafono Laiti o Amioga. E tatau ai ona latou:

• fesootai atu e faatulaga se taimi mo se galuega lipea e fai - se‘i vagana o se galuega ua moomia ona fai loa ma e iai le faamoemoe e maua atu oe i le fale
• tusi lona igoa, tuatusi, numera telefoni, aso, taimi ma le mafuaaga e fia fesootai atu ai pe afai e le o maua atu oe i le fale
• faaali se ata e iloagofie ai a o lei ulufale i lou fale
• o le uma ai o se galuega i aso faigaluega taitasi, e tapena mamā ma teu lelei, ma aveese lapisi
• tausisia tulaga patino e le faalauaiteleina ma e le soona lotea au meatotino
• talafeagai lavalava o fai ma e faaaloalo i taimi uma.

E fesoasoani pe a e:

• i ai i le fale i le taimi na tou malilie i ai po o le vave faafesootai mai ae lei lata i le taimi na faatonuina pe afai e te le o avanoa
• faaavanoa le mea e fia fai ai se galuega faaleleia e le o poloka i meafale po o nisi mea
• vaai tamaiti ma fagafao e le o faalavelave i galuega o fia fai.