Tausi le va fealoai ma tuaoi
O le tausisia o le va fealoai ma tuaoi o se itu taua o se faiganuu o e soifua ma ola ai. E uunaia tagata mautotogi uma e tausi le va fealoai ma tuaoi.
Matou te faia tulaga uma e fesoasoani atu ai ma e faamautu i se fale e maua ai le nofo lelei. E iai le manatu maualuga o le a e tausisia lau pitolaau e tausi ai le nofo lelei ma tuaoi.
Ua matou faia suiga e toe faamalosia ai faiga e pulea ai mautotogi ma tali atu ai i amioga faatupu vevesi. O ituaiga amioga nei e aofia ai amioga faasausili e afaina ai le saogalemu po o le faifai pea o le faatupu vevesi i isi ma le faataligatuli i lapataiga mai le Kāinga Ora.
Ia e nofouta i tulaga e aliae ai amioga faatupu vevesi, o le a matou faaaoga ai le malosi o le Residential Tenancies Act e faamalosia ai le suia o amioga ma taotaomia le aliae o amioga faatupu vevesi. E faamuta mautotogi pe a ua tatau ai, pe a leai ma se suiga i amioga. E leai foi ma se manatu e faaavanoa atu se isi fale e te nofo ai, pe a tupu le tulaga lea.
O le toatele o tagata nofo mautotogi e iloa tausi le va fealoai ma tuaoi. Afai o oe lava lea, e leai se mea e te popole ai e tumau lava lau mautotogi e pei ona iai.
O se tuaoi lelei e:
- magafagafa – faaaloalo i aiatatau ma tulaga patino i se tagata
- faapalepale – malamalama e le o se mea leaga le ese o se isi tagata mai ia te oe
- manatu alofa – iloa se mea sese ma fai se tonu lelei e tali atu ai
- fai ma ona tiute – gaioiga ma meafai a aiga, malo ma fagafao
Matou te talosagaina lou:
- talatala o se faafitauli, ma tuu avanoa i manatu o isi, ma taumafai e malilie i se tonu e fetaui ma tagata uma
- fai ma vaai po o lelei le fale ma le fanua a lou tuaoi pe afai o malaga ma lipotia se mea o masalomia
- pulea le pisapisao mai lou fale (musika, pati, faailo, taifau, taavale ma isi mea) aemaise i le po
- aua le fai fua tamaiti o le tuaoi o tafafao i fafo
- aua le poloka feoaiga i auala taavale i le fale e faaaoga faatasi
- teu mamā lou fanua.
Maimoa mai i tulaga lelei e tausisia ai le nofo lelei ma ou tuaoi.
Tau faavasega se faafitauli
E le mafai ona leai se feeseeseaiga ma tuaoi, e ui i le tele o taimi tou te fetausiai ai le filemu. Taumafai muamua e talanoa i ai, e mafai na foia se faafitauli pe a talatalanoa faalelei.
E iai faafitauli e le na o faaupuga e mafai ona foia ai. Afai o se tulaga lea, fai se faamaumauga tusia, e aofia ai faamatalaga auiliili o le faafitauli, o le aso ma le taimi na tupu ai. E manino lelei ai le mea o tupu. E aogā au faamatalaga tusia pe afai ua tatau ona faia se isi tulaga i ai.
E iai tulaga e moomia ai lou talosagaina o se fesoasoani e foia ai faafitauli:
- Afai ua e manatu e iai se tasi ua lamatia faaletino, aemaise tamaiti, vili loa leoleo i le 111.
- O le 111 o le numera e maua ai Leoleo, Tinei Mu ma le Taavale Falemai.
- O le 105 o le numera mo Leoleo mo faalavelave e le moomia vave ai se fesoasoani.
- E mafai na faafesootai le Noise Control Office o le tou pulega faalotoifale, pe afai o se faafitauli i le pisapisao.
- E mafai na faafesootai le Animal Control Office o le tou pulega faalotoifale, pe afai o se faafitauli i maile.
Afai ua e lipotia se faafitauli i pulega, faamolemole faafesootai mai i le 0800 801 601 e mafai ai ona matou iloa le mea ua tupu.
O le ā se tali atu a Kāinga Ora?
E iai la matou matafaioi ua avea ai ma pule of fale, e faatino mo tagata nofo mautotogi ma le lotoifale o nonofo ai. O lona uiga e lē tuua le faia o se faatatau pe afai ua faalavelavea le maua o le filemu, nofo lelei, tulaga patino po o le saogalemu o tuaoi ona o amioga a se tagata. E tāua le sa‘o o faiga e tali atu ai i se faaseā, e saili muamua faamaoniga e iloa ai se atoaga o le mea na tupu.
E faalagolago se faatatau e fai i tulaga e patino i ai le mea na tupu. E iai tulaga e moomia ai ona matou faasino le faaletonu i auaunaga faapitoa mo tulaga tau agafesootai ma le soifua maloloina mo amioga e faapogai i ai faaletonu. E ono faaaoga foi e le pulega metotia o faamauina i le Residential Tenancies Act, e pei o faasilasilaga e lapatai ai, faamalosia po o le tuu atu i le loto faitalia le siitia i se isi nofoaga, ma o faiga aogā e suia ai amioga. E iai foi faaletonu e tatau ai lava ona matou faafesootaia isi pulega e pei o Leoleo.
E maua nisi faamatalaga i auala o matou pulea ai amioga faatupu vevesi po o le faafesootai mai pe a moomia se fesoasoani i se faaletonu i mea o tutupu i le tou vaipanoa. O le a tatou galulue faatasi ma nisi o aafia e foia le faaletonu.
Uma na faafou le itulau: 4 July 2023