Gaosia o le eletise mai ave o le la i lou fale

E faapefea ona faaaoga mea e gaosia ai le eletise mai ave o le la

• E faapipii mea e gaosia ai le eletise mai ave o le la i apa o le fale ma e maua ai malosiaga tau eletise.
• E sosolo le malosiaga lea i uaea mai apa o le fale i se pusa o faapipii i puipui o lou fale.
• O le pusa lea e gaosia ai le malosi o le eletise e te faaaogaina i totonu o lou fale ma e faaaoga ai soo se mea e moomia le faaalu ai o le eletise (e leai ma se tulaga ese e te faia).
• O malosiaga e le i faaaogaina e toe faafoi i le nofoaga e apoa le eletise.

LAPATAIGA

Aua e te lotea le pusa lea po o uaea o maua atu ai le eletise. E i ai taimi e ola ai ma e mafai ona e sipaka ai.

Aogā

• E tele lau tupe e faasao mai pili eletise auā foi e maua fua le eletise mai ave o le la.
• E faalagoalgo le aofaiga tupe e te faasaoina i le aofaiga o mea e gaosia ai le eletise o faapipii i apa o lou fale ma le aofaiga e te faaaogaina a o susulu le la — e fuafuaina le faitau selau o le seleni e te faasaoina i tausaga taitasi.
• O se faiga e tuuitiitia ai foi le lautelega o aafiaga mai kasa oona e gaosia mai lou fale, auā ua tuuitiitia le faalagolago i mea e faaaoga ai le suauu ma tuuitiitia ai kasa oona e afaina ai le siosiomaga. E maua ai e tagata uma o le paneta se siosiomaga saogalemu ma lelei tele!

Faaaoga lelei malosiaga eletise mai ave o le la

Taumafai e faaaoga le eletise i le ao a o susulu le la. O nisi nei o fautuaga autu:

• Faaaoga le masini tamea, ogaumu ma isi mea e faaalu i le eletise a o ao.
• Manaia ae aua le taele vave i le taeao, se‘i mafanafana lelei le tane vai vevela mai ave o le la.
• Taumafai e tuuitiitia le soona faaola o le mau mea e faaalu ai le eletise i le taimi lava e tasi auā e vave uma ai le eletise o faagaioia e ave o le la. A uma ona e faaaoga eletise e gaosia mai ave o le la, ona faasolo lea i le eletise masani o tuuina atu e lau kamupani eletise.
• Faasolosolo le faaaogaina o le eletise a o susulu le la, e tuuitiitia ai le aofaiga eletise e te totogia.

E maua i le Consumer NZ(external link) nisi o faamatalaga aogā i auala masani e tuuitiitia ai le soona faaaoga o mea e faaalu i le eletise.

Tagai i nisi o fautuaga aogā e faasao ai le eletise(external link).

Faamautinoa pe fia tonu se aofaiga o le eletise e maua mai mea o gaosia i ave o le la

• E faaali i le pusa le aofaiga o le eletise ua maua.
• E te maua i le upegatafailagi a le Fronius Solar po o le app foi, le aofaiga eletise ua maua pe afai e te faaaogaina mea masani e maua ai le eletise mai ave o le la.
• E mafai ona kopi le app i lau komepiuta po o le faatau mai le playstore po o le app store o maua i lau telefoni feaveai.
• Afai na faapipii se faiga Solshare i lou fale na e iloa lea e lē mafai ona e faaaogaina le app talu ai o faaaoga faatasi ma isi le faiga o gaosia ai le eletise i ave o le la. Afai e te moomia nisi faamatalaga i le faiga e faaaoga ai, faamolemole imeli mai i le solartrials@kaingaora.govt.nz

Soona faaaoga o le eletise gaosia mai ave o le la

• Afai e tele atu le eletise e maua na i lo le tele e te faaaogaina, ona toe faafoi lea o le eletise i le nofoaga e apoa ai le eletise.
• E ono mafai e lau kamupani eletise ona tuu se vaega mai faasiliga na maua mai le eletise.
• E sili ai le fai ma siaki lau fuafuaga tau eletise e maua ai faasiliga mo kWh taitasi mo eletise ua toe faafoi i le nofoaga e apoa le eletise – e mafai ona e fesili i lau kamupani eletise i le tulaga lea.

O le a suesueina e Kāinga Ora auala e mafai ai ona faaaoga faasiliga e tuuitiitia ai le pili eletise mo aiga e lē faamoemoe i ave o le la e gaosia ai le eletise.

Afai o se tulaga lea e oo i ai ona lē mafai lea ona e toe maua se vaega o le eletise na totoe. E toe faafoi i le Kāinga Ora faasiliga e tuuitiitia ai tupe alu mo le eletise mo isi tagata o faaaogaina auaunaga.

Mafuaaga e lē fetaui ai eletise muai totogi muamua ma mea e gaosia ai le eletise mai ave o le la

• O fale e maua ai mea e gaosia ai le eletise mai ave o le la na faapipii ai ma mita e maua ma faaaoga ai le eletise a o le i faapipii i se auaunaga e maua ai le eletise. E lē fetaui ituaiga mita nei ma eletise e muai faatau muamua faatoa faaaoga ai.
• Afai ua sui lau fuafuaga i le faiga e muai faatau ai se eletise, ona aveese mai lea o le mita e maua ma faaaoga ai le eletise ma e ono lē mafai ona e faaaogaina mea e gaosi ai le eletise mai ave o le la.
• E mafai ona fesoasoani atu lau Housing Support Manager e saili se kamupani eletise e fetaui ma oe. Tagai i fuafuaga ua matou saunia i le www.powerswitch.org.nz(external link).

O le umi e aogā ai mea e gaosia ai le eletise mai ave o le la

• Pe ā ma le 25 tausaga le umi e aogā ai mea e gaosia ai le eletise mai ave o le la ua faamau lelei i lou fale.
• Matou te vaavaaia tulaga o mea e gaosia ai le eletise mai ave o le la mo le lua tausaga talu ona uma ona faapipii. O se vaitaimi e mafai ai ona matou iloa tulaga o le aogā o lea faiga ma le tuuitiitia ai o tupe alu mo le eletise.