O la matou polokalame saogalemu mo auala taavale i le fale

E taulai la matou polokalame na faamau faailogaina ai i faiga saogalemu mo auala taavale i le fale e tuu eseese ai le mea e tafafao ai tamaiti mai le auala taavale i le fale mo aiga e iai tamaiti i lalo ifo ma le 5 tausaga le matutua.

Galuega o matou faatinoa

E faitau afe asiasiga na matou faia i fale o matou umia ma faatino faiga e saogalemu ai, ma o le a faaauau pea taumafaiga nei – aemaise lava i fale e iai tamaiti i lalo ifo ma le 5 tausaga le matutua.

O se itu sili lea ia i matou le saogalemu o tagata nofo mautotogi ma o latou aiga e tusa ai ma le avea o i matou o se faalapotopotoga e umia se vaega pito tele o fale.

O tulaga nei matou te faapipiiina, ma e faalagolago i le ituaiga fale:

• faapipii pa puipui valavala o ituaiga masani e sio ai se vaitaele aau ma ituaiga pa puipui e otomeki na tapuni e faapipii ai ‘au e le āu i ai se tamaitiiti ma e tuu eseese ai le auala taavale i le fale ma le mea e tafafao ai tamaiti i fale tutasi.
• mo tulaga e moomia ai le faia o patu e faalemu ai le saoasaoa o taavale, faailoga o le saoasaoa faagata ma faata e iloa ai le taavale o agai mai.

E ui i se faamuamua o faia i fale o nonofo ai tamaiti, e le tuua ai le faamoemoe e siaki ai fale uma i Niu Sila atoa ma faia suiga talafeagai e faaleleia atili ai le saogalemu o fale.

E tele mea ua matou faaleleia i fale e 20,000 ma ona tupu i Niu Sila atoa (faamauina ia Iulai 2020).

E aofia i taiala ua matou saunia se faiga e fua i ai se fausaga mo le saogalemu o auala taavale i le fale

O taiala e fua i ai se fausaga e faamautinoa ai le saogalemu o auala taavale i le fale pe a matou faia se galuega fau fale. E aofia i taiala tulaga nei:

• saunia se pa puipui i le mea e tafafao ai tamaiti ma e ese mai le auala taavale i le fale
• saili se vaipanoa mo tafaoga e iloa gofie ma e feoai sa‘o atu ai mai le potu malolo
• fau auala taavale e le punitia ai le iloa atu o tamaiti pe a solomuli se taavale
• o tulaga e mafai ai, ona fai lea o se auala savali e saogalemu na sao atu ai i fale, ma e ese mai auala taavale i le fale.

Maualuga faamaumauga o tagata lavevea

Ua faamauina le avea ai o Niu Sila ma atunuu e maualuga faamaumauga o tamaiti maliliu ma lavevea i luga o auala taavale i le fale i le lagolagi atoa. E tusa ma se faamaumauga na maua mai i le Safekids Aotearoa(external link) – i le vaega e taofia manu‘aga a le Auckland Starship Hospital – e tai lua vaiaso ma taofia i le falemai se tamaitiiti na lavea i se taavale i le auala taavale i le fale ma le toalima tamaiti maliliu i se faatusatusaga masani mo tausaga taitasi mai manu‘a na lavevea ai i le taavale.

O le toatele o tamaiti na lavevea i le auala taavale i le fale o tamaiti, i lalo ifo ma le 2 tausaga le matutua, ma e matuai lavea leaga. O tamaiti na lavevea i taavale na ave e se isi o le aiga.

E pito maualuga ai lava le lipotia o fale Kāinga Ora i tamaiti na lavevea i se taavale i le auala taavale i le fale. O lo o matou galulue faapaaga ma le Safekids Aotearoa e siitia le malamalama i le mataupu lenei.

O le tasi o faaletonu e tatau ona tali atu i ai o le fausaga o fau ai

Na maua i suesuega na faafoe e le Safekids Aotearoa(external link) ma le Child and Youth Mortality Review Committee(external link) mafuaaga autu e 3 o le lavevea o tamaiti i auala taavale i le fale:

• amioga tagata – o le toatele o tagata matutua i Niu Sila e aunoa ma se malamalama i aafiaga
• ituaiga taavale – aemaise ituaiga e leai se mea e iloa atu ai fafo mai totonu o se taavale, pe a ulufale ma ulufafo ma le auala taavale i le fale
• ituaiga fausaga – aemaise i nofoaga e leai se tuaoi o le auala taavale i le fale ma le mea e tafafao ai, auala taavale i le fale faalaumiumi po o auala taavale i le fale e faaaoga faatasi, auala taavale e tele taavale e mafai na paka ai, auala taavale i le fale e ulufafo atu i se fetaulaigāala e le pisi po o nofoaga faitele e faaaoga faatasi ma tamaiti ma e mafai ona tafafao ai tamaiti.

Siitia le malamalama o tagata i le saogalemu o auala taavale i le fale

E faatupu le malamalama i le polokalame Safekids Aotearoa e iloa ai aafiaga o auala taavale i le fale, i le saunia e Housing Support Managers o fautuaga tau saogalemu i auala taavale i le fale e faailoa i tagata nofo mautotogi pe a siitia mai e nofo i fale o matou umia.

E aofia ai foi faamatalaga tau saogalemu i auala taavale i le fale i talafou tusia mo tagata nofo mautotogi ma faapipii fautuaga lapatai ua saunia e le Safekids Aotearoa i faitotoa pito i luma o fale pe a faia asiasiga o fale.

E tausisia le saogalemu o auala taavale i le fale pe a tatou manatua feau autu o faamanatu mai e le Safekids Aotearoa: 

• ia iloa po o fea tonu o iai tamaiti ae e te lei oso i totonu o le taavale
• vaai lelei mo tamaiti o feoai a o lei faaalu le taavale
• autilo i autafa o le taavale po o iloa atu se tamaitiiti – i taimi uma
• tuu eseese le mea e tafafao ai mai le auala taavale i le fale.

O le taiala mo tagata e umia fale mo le saogalemu o auala taavale i le fale

O faamatalaga nei na tuufaatasia e le Safekids Aotearoa, New Zealand Transport Agency, New Zealand Police ma le Roadsafe Nelson Bays, na mafai ai e Kāinga Ora ona saunia:

• Se taiala o faamatalaga faamaonia mo tagata e umia fale mo le saogalemu o auala taavale i le fale [PDF, 191 KB]
• Se pepa faamatala mo tagata e umia fale mo le saogalemu o auala taavale i le fale [PDF, 2.1 MB]

O taiala nei e iloa ai e tagata e umia fale ona maua se malamalamaaga o taiala masani e saogalemu ai auala taavale i le fale i fale o nonofo ai, ma tuuitiitia ai le lavevea o tamaiti i se taavale.