Taetaepalaloa ma le puleaina o meaola faalafuā

O feau nei e faatupu ai le ea susū – gasesega o meaai, tagamea ma le fufulu o ipu – e oo foi na o le mānava. E sasao le taetaepalaloa, pe a tatou lē faia se faiga e taofi ai. O le mafuaaga lena e taua tele ai le talai o faamalama ma faaaoga le ili i totonu o le faletaele ma le umukuka. E le gata i lea, e sili atu ona faigofie na faamafanafana se fale o matū ma maua le ea lelei.

Taofi le Taetaepalaloa

O gaioiga aogā nei e taofi ai le taetaepalaloa:

• talai faamalama ma faitotoa pe a o e iai i le fale
• talai faamalama e faaalu ai le ausa i fafo pe a kuka se meaai po o taimi o taele ai
• tatala iefaamalama i le taeao ma toso i le afiafi pe a goto le la
• aua le aveesea tapuni o ulo pe a kuka se meaai
• solo puipui ma faamalama ua susū
• faatautau tagamea i fafo e faamamago ai
• talai faamalama pe a faamamago lavalava i le masini e faaalu i fafo le ea susū
• faamamago lavalava ma seevae a o lei teu esea
• faamatala kapoti teu lavalava mo sina ea
• faatautau le iepupuni i le pito i totonu o le faletaele/taputaele e le susū ai le fola, ma toaga e ta le iepupuni
• e susū le ea pe a faaaoga le kesi, e lelei ai le faaaoga o se mea faamafanafana e faaalu i le eletise, pe a mafai
• fai se va o le moega ma meafale e le pipii i puipui o le fale ma e le taofia ai fegasoloaiga o le ea
• e le moomia le mau laau e tuu i totonu o le fale.

Solo ese le taetaepalaloa

E sili atu ona faigata na solo ese le taetaepalaloa ua tuu ai lava e sasao, ma o le mea lena e lelei ai le toaga e solo ese i le taimi lava ua aliali ifo ai. E aogā tele le sui o se momono vailaau faamamā i le suavai e solo mamā ai.

Fufulu i se omomi mamā po o se ieie ma faamamā ese e taofi ai le sosolo o le taetaepalaloa. E iai tulaga e afaina ai mai vailaau faamamā, ma e fautuaina le talai o faamalama pe a faamamā le fale, fai totini lima ma faaeteete i pisia ou lavalava pe paia le mata.

O nisi nei o fautuaga e taofi ai le sasao o le taetaepalaloa i lou fale [PDF, 2.2 MB]

Puleaina o meaola faalafuā

E mafai na faafesootai e Kāinga Ora se vaega e nafa ma le puleaina o meaola faalafuā pe afai o moomia, ma e lelei le tapena mo tulaga e te totogia ai lea auaunaga. Vaai i le mataitusi ‘P’ (Pest Control) o le Yellow Pages o lisi ai le vaega e puleaina meaola faalafuā.

Isumu

Toaga e faamamā ma teu faalelei lou fale ia aua le paepae solo ni meaai e lalata atu ai isumu ma isumua ai lou fale.

A sao se isumu i totonu o le fale, tago e pupuni pu o sao atu ai i mea talatala fufulu ulo (Steelo pads).

E maua mailei isumu i le supamaketi, ma maunu oona mai faleoloa togalaau po o faleoloa mea faufale. Faataatia maunu i se mea e le tau i ai tamaiti ma fagafao, ma fai totini lima pa‘u pe a tiai isumu ua mate.

Mogamoga

Tuu lau bay po o aniani saina i kapoti e sesegi ai mogamoga, ma toaga e faamamā fola ma puipui i tua o pusaaisa ma ogaumu, ma faga nofoaga nei i se vai iniseti e umi le aogā.

Loi

O ituaiga loi o maua i Niu Sila e le afaina ai se isi ae tele ai le gasu. Lūlū cloves faapauta po o cloves atoatoa i totonu o kapoti e sesegi ai.

Pe lūlū le pauta tamaiti po o se cream of tartar i mea o fetolofi mai ai. A e maua se faamoega loi, sasaa i ai se vai na faapupuna.

Apogaleveleve siusiu pa‘epa‘e

E fiafia apogaleveleve siusiu pa‘epa‘e i nofoaga mālū ma pogisa e pei o lalo o pogati laau, faaputuga laau, otaota ma puipui. E lalafi i lalo o moega ma lavalava o paepae solo i le fola.

E mafai na tiga, fula, pata ma po‘upo‘ua pe a ū e se apogaleveleve. Tapē i se faga lago.

E maua vailaau faga iniseti i supamaketi ma faleoloa mea faufale.

Tusi faamatala Mamā ma Aulelei

Faitau fautuaga o le tusi faamatala i auala faigofie e faamanaia au lou fale.

Fai se kopi Mamā ma Aulelei [PDF, 266 KB]