Puleaina o le faaleagaina o fale i le methamphetamine

O se faiga faalesoifua maloloina

E pei lava o isi o umia fale, faapena ona fetaiai foi Kāinga Ora ma faaletonu o le methamphetamine (meth) o faaleagaina ai nisi o fale. E le māmā ia i matou le tulaga lea. E le o lilo ia i matou le avea o le meth ma tuinanauga ma e afaina ai le soifua maloloina ma e afaina uma ai tagata o nonofo faatasi, e aofia ai tamaiti.

O le mafuaaga lena, ua matou fuafuaina ai se faiga faalesoifua maloloina e puleaina ai le meth e faasili ai le soifua ma le ola lelei o tagata ma aiga o nofoia fale.

Matou te faatulaga se siaki e fai i le fale, pe afai ua faailoa mai e se tagata nofo mautotogi se atugaluga i le lamatia o le soifua maloloina ma le soifua manuia o tagata o nonofo faatasi, ma ua masalomia le faaleaga o le fale i le methamphetamine. O le a matou faamautinoaina foi tulaga e tausisia ai pea le saogalemu ma le malupuipuia o tagata nofo mautotogi a o faagasolo taumafaiga e siaki ma faamamā ai se fale ua faaleagaina i mea ‘ona.

E matuai faasa le faaaoga o fale a le Kāinga Ora e gaosia pe faatau mai ai le meth, ma e tuuina atu i le Ofisa o Leoleo faamaoniga uma o le gaosia po o le faatau mai ai o le meth.

O le a matou faamautinoa foi le maua e tagata nofo mautotogi o faamatalaga i auala e maua ai le lagolagosua ma le nofoaga e maua atu ai faapena ma auaunaga tau tuinanauga fualaau faasaina.

Siaki mo le meth ma le faamamāina o mea na faaleagaina i mea ‘ona

A matou masalomia le faaleagaina o se fale i le meth, ma ua talafeagai mafuaaga e faamaonia ai, ona faagasolo lea o se faiga e siaki ai, ma faamamā ai pe afai o moomia. 

A faamaonia le faaleagaina i le meth i luga atu ma le 15 µg/100 cm2 mai le faaaogaina o le methamphetamine, ona mautinoa lea ua moomia ona faamamā vaega o le fale ua faaleagaina.

Matou te galulue faatasi ma konekarate faapitoa e faamamā mea na faaleagaina i le meth.

Maualuga faatapulaa o le meth

O le aso 29 Me 2018, na faailoa ai e lē sa avea ma Faufautua Sili Faasaienisi i le Palemia se lipoti faaulutalaina ‘Faaleagaina o fale o nofoia e tagata i le methamphetamine: Aafiaga, tulaga eseese o lamatiaga ma le faamatalaina o tulaga.’

Na ta‘ua i le lipoti “aafiaga o le methamphetamine mai le maualalo 15 µg/100 cm2 (15 micrograms o le methamphetamine i le 100 sikuea senitimita o fola na siaki) ma e itiiti tulaga e ono aliae ai faaletonu.”

Na tuufaatasia e le Housing New Zealand (ua ta‘ua nei o Kāinga Ora – Homes and Communities) iuga mai le lipoti lea, e aofia ai ma le maualuga faatapulaa ua ta'ua, i le faiga e siaki ma faamamā ai fale ua leaga i le methamphetamine.

Faafesootai mai

Afai o lena e te nofo i se fale Kāinga Ora ma o iai se popolega e masalomia ai le ‘ona leaga o le fale i le meth, faamolemole faafesootai le Housing Support Manager po o le valaau mai i le 0800 801 601 e faatalanoa se siaki e fai.