Tausisia tulaga lelei o lou fale
E iai vaitaimi e matuai vevela, malūlū po o le tele naua o le ea susū i totonu o fale – ma o tulaga uma nei e afaina ai le soifua maloloina. O nisi nei o fautuaga e tausisia ai le soifua maloloina i vaitau eseese.
O gaioiga faigofie e pei o le kukaina o meaai, taele ma le faatautau o tagamea i totonu o le fale e mafai ai ona to‘a le susū leaga. O le mea e lelei ai e faigofie auala e aveese ai. Fa auala e tausisia ai le mafanafana ma le matū o lou fale
O le ā se galuega e te faia?
E valu lita le telē o le susū e sautia ai fale i aso taitasi. E tolu auala faigofie e faamatū ma lelei ai le fale i le nofo:
- Solo ese le susū po o le susū i faamalama ma puipui.
- Tatala faamalama i le taeao, ma taimi e taele ai, po o kuka ai meaai.
- Tautau tagamea i fafo e faamamago ai, pe a mafai. Po o totonu o se potu ae tapuni le faitotoa ma tatala faamalama.
E iai mea faamafanafana gofie ma taugofie e te faia e mafanafana lelei ai lou fale:
- Tatala ie faamalama i le ao e faamafanafana ai ma toe toso a o le i pogisa e mafanafana lelei ai.
- Taofi le sao o le savili malulu i totonu o lou fale pe a e tago e pupuni pito i lalo o faitotoa ma faamalama.
- Faamafanafana lou fale e faaaoga ai thermostats ma mea e fua ai le vevela/malulu e ola ai heaters i le taimi ua moomia ai.
A fai sau kuka:
- ia mau lelei tapuni o ulo, ma ia mautinoa e fetaui lelei le telē o le ulo ma le matāafi ma ofi lelei le tapuni o le ulo.
- faaola le faapulou e apoa le ausa pe talai faamalama.
- Aua ne‘i pipii moega ma meafale i puipui o le fale, faava e mafai ai ona fegasoloai le ea. O le taofiofi o le ea e ono aliae ai le susū i le va o mea, ma oo ai lava le susū i ou seevae ma lavalava ae e te lē o iloa.
- Faava teisi faitotoa o kapoti lavalava.
- Taumafai e aua le faataatia sa‘o faamalū i le fola o le fale.
- Faavavā le faiga o faamomoe ai tamaiti.
- Faataitai le faau eseese o ulu pe a faamomoe faatasi tamaiti i le moega e tasi.
- Taumafai ia aua ne‘i toatele tagata e momoe i le potu e tasi.
Tausisia le Tuuitiitia o Tupe Alu mo le Eletise
E faigata tele le tau tuuitiitia o le soona faaalu o tupe i le eletise, aemaise i vaitau malulu. O nisi nei o auala faigofie e tuuitiitia ai le soona faaaoga o le eletise, faasao ai au tupe, ma le siosiomaga.
Manatua e fai tulaga talafeagai e faasao ai le eletise, ae e lē faapea o le a e maalili ai.
Faamatalaga faamaonia i auala e tuuitiitia ai tupe alu mo le eletise [PDF, 54 KB]
E iloa ua mu vevela pe a lē mafai ona lavatia le mafanafana tele o totonu o le fale.
E leai se moe lelei pe a ova tele le vevela. E tau faaletonu ai lou tino, aemaise mo fanau laiti, tagata matutua, ma ē iai manaoga faapitoa ma maua i gasegase o le tino. E sili ona lamatia pe a ova tele le vevela ma umi se vaitaimi o faapena ai lava.
O nai fautuaga e taofi ai le soona vevela tele o totonu o lou fale:
- Talai faamalama i le taeao po a o tau mālū fafo ma toe tapuni i le taimi tonu o le aso e matuai vevela tele ai
- Tapuni ie faamalama i faamalama pito malosi ai le la. Talai teisi faamalama i tua atu o ie mo sina ea mālū.
- Faaola le heat pump ia tau i le 24-25°C, a o le i mafanafana tele lou fale. E faaitiitia ai le eletise e faaaoga na i lo le ki i lalo o le malosi o le heat pump. E mafai na faaola se ili lata i le faitotoa e faataavili le ea malū i isi potu.
- Manatua! E te fiu e ki i lalo le malosi o le heat pump ma toe ki i luga le malosi e tau vave maua ai sina mālū i lou fale ma atili ai le telē o le eletise e totogi.
A puaoa ae lē vevela le aso:
E mafai e le heat pump na faamago le ea susū i totonu o le fale – tapuni faamalama ma faitotoa ma faaola le ki dehumidifying mode e manaia ai le nofonofo i totonu o le fale.
- Sui i lavalava saviligia gofie
- Malolo i se potu malū ma talai faamalama ma faaola le ili, po o le saofai i se mea paolo i fafo pe a tau malū.
- Toaga e inu le vai - aua le soona inu vai e tele ai le caffeine (e pei o le kofe, kola, vaiinu faatupu malosi).
- Taele i le vai malūlū e faamalū ai le tino, pe tuu se solo malūlū i lou tino - aemaise i lou tuāua ma le ulu.
- Aua le faasusū lou pa‘u pe a leaga gofie, uu i se mea e faatea ai po o se pauta.
- Faifai malie le faiga o falō ai maso o le tino.
A oo i se tulaga ua e vevela tele ai ma ua lē mālū lou tino, o lona uiga ua e aafia i le vevela. O le matuā vaivai i le vevela ma le vevelasia o le tino o mafuaaga sili lea o le aafia o le tino i le vevela.
Auga o le matuā vaivai i le vevela e aofia ai:
- Nenefu le vaai
- Niniva
- Tatope le mānava po o le tātā vale o le fatu
- Lelavā
- Tiga le ulu
- Faanivaniva po o le tau matapogia
- Maualalo le toto
- Tiga po o le malō maso
- Faafaufau ma le faasuati
- Faapalupē
E tutusa auga o le taia i le vevela, ae mafai na faaopoopo i ai:
- Lē taitai afugia
- Lē paleni pe a tu pe savali
- Lē mautonu
- Vevela, mūmū vevela, po o le sesega
- Maualalo pe maualuga le toto
- Tete le tino
E mafai ona afaina ai le soifua pe a mu le tino i le vevela - valaau loa le 111 pe afai ua faalogoina le mu vevela o lou tino po o se isi o lou aiga.
Mo se fautuaga i se faaletonu i le tino e le o moomia vave ai se fomai valaau le Healthline i le 0800 611 116.
Uma na faafou le itulau: 24 October 2024