Pa puipui

Tulaga patino fausaga masani

E tatau ona ausia e se pa puipui o fia fai tulaga patino maualalo o se pa puipui.

• Tulaga patino pa puipui [PDF, 163 KB]

Tulaga maualalo o se pa puipui e fai e se tuaoi

O faamatalaga nei e aogā i tagata e umia tumaoti se fanua o fia fau pe faafou se pa puipui e tuaoi ai lona fale ma se fale Kāinga Ora. E le o iai se manatu e faatonu atu le faiga o se ituaiga pa puipui o moomia, peitai e iai tulaga maualalo e moomia mo le faatumauina o le aogā ma le saogalemu.

E sili i le Kāinga Ora ituaiga pa puipui laupapa po o puipui valavala o ituaiga e masani na sio ai se vaitaele aau e le sili ma le 1.2 mita le maualuga, ma e iai isi ituaiga pa puipui e mafai ona iloilo tulaga e fetaui ai ma tupe alu e fai ai.

Pa puipui auala taavale i le fale

E fautuaina le aua le punitia le iloa atu e le avetaavale o itu uma o le pa puipui e lata i le auala savali pe a solomuli le taavale, ina ia mafai ona iloa atu tamaiti e le avetaavale.  

Ia aua ne‘i ova atu ma le 1.2 mita le maualuga po o le faaaoga o ituaiga pa puipui valavala e masani na sio ai se vaitaele aau, e tuuitiitia ai le lamatia o tamaiti mai taavale o solomuli.

Pa puipui laupapa - tulaga masani

Faaaoga le paina o le ituaiga radiata H3.2 i le NZS 3602, malosi NZS 3631, togafitia i le H4 laupapa e tatu‘i i le eleele.

Pa puipui e 1.2 mita le maualuga

• Pou: 100mm x 75 mm, 600mm fua laitiiti maualalo, e faasima ai.
• Pou faalalava: Tai lua pou faalalava e 100mm x 50mm e faalava i luga o pou. Fuafua le faapipii o pou faalalava taitasi e faamau i se fao uamea e 12mm le lautelē ma e faaalu i le ‘afa o le pou e mau ai. Faamau pou faalalava i le mea e gata ai.
• Ia 50mm le va o laupapa puipui uma mai le eleele.

Pa puipui e 1.8 mita le maualuga

• Pou: 100mm x 100 mm, 700mm fua laitiiti maualalo e faasima ai.
• Pou faalalava: Tai tolu pou faalalava e 100mm x 50mm e faalava i luga o pou. Fuafua le faapipii o pou faalalava taitasi e faamau i se fao uamea e 12mm le lautelē ma e faaalu i le ‘afa o le pou e mau ai. Faamau pou faalalava i le mea e gata ai.
• Ia 50mm le va o laupapa puipui uma mai le eleele.  

Pa puipui valavala o ituaiga e masani na sio ai se vaitaele aau - tulaga masani

• E tatau na faavevela uamea uma i le uma ai ona sui. E le faatagaina ituaiga na faaeletise po o ituaiga na faavevela muamua.
• E le tatau ona faaaoga ni mea matuitui i luga ae o puipui.
• Faaaoga fao vilivili uamea.
• Pou na faavevela po o laupapa e fai ai pa puipui laupapa.
• O soo se pola uamea e maamaai le tumutumu e tatau ona faamau i se uamea e faa U le taatiaga e fola ai le pito i luga e le lavea ai se isi.

Pa faapiliki

E tatau ona fau pa faapiliki i se faiga e sosoo atoa ai le faavae ma e tausisia ai le Tulafono Laiti Faufale. E tatau i le faavae ona gafatia na taofia le fesiitai o le pa puipui mo le vaitaimi atoa e aogā ai le pa puipui.

O faamatalaga e moomia na e tuuina mai i le Kāinga Ora

O faamatalaga nei e moomia na e faailoa mai:

• lou igoa ma faamatalaga tau fesootaiga
• lou tuatusi ma le tuatusi o le fale Kāinga Ora
• se ata o faaali ai le laina tuaoi/vaega o le laina tuaoi o e fuafua e sui po o le fau ai o se pa puipui fou
• o le ituaiga pa puipui o e faamoemoe e fau (e aofia ai le umi ma le maualuga, ma mea e faaaoga ma le lautelē o le fanua e faaaoga)
• o le tau e faatupe ai le pa puipui ma tulaga e te manao ai i se fesoasoani a le Kāinga Ora, ma e fia se tupe o e manao ai
• tuuina mai se lua o tau fuafuaina mo le galuega e fau ai se pa puipui ua e manao ai.

Lafo mai i nofoaga o tusia i lalo pe a ua e maua faamatalaga talafeagai:

• imeli: propertymanagementservice@kaingaora.govt.nz
  po o le
• lafo i le:
  Property Management Service Team
  Kāinga Ora – Homes and Communities
  National Office
  PO Box 2628
  Wellington 6140

O le taimi lava ua matou maua ai se faasilasilaga na e tuuina mai ona faagasolo lea o se asiasiga e vaai po o gafea tonu o le a fau ai le pa puipui. E lafo atu se tusi ua talia le galuega i totonu o le 21 aso faigaluega, pe afai ua matou taliaina faamatalaga auiliili na e ta‘ua i lau faasilasilaga. A leai, e faafesootai atu e faatalanoa lau faasilasilaga ma nisi auala e fai ai.