Taiala o galuega fuafuaina
E avea fuafuaga ma taiala e mautinoa ai le ausia o poloketi faufale o tulaga lelei, ma atagia ai faiga taualoa o fuafuaga e fau ai fale.
O taiala nei e limataitaiina ai tagata uma o aafia i galuega faufale i fale a le Kāinga Ora. E maua ai se faataitaiga tutusa o atinaega uma ma faiga taualoa e fuafua i ai le faatinoga o galuega.
E faamatala ai fuafuaga ma le faagasologa o galuega faufale mai le amataga i le faaiuga, e avea ai ma taiala aogā mo soo se tasi o galue po o mafaufau e faatinoa nisi o matou galuega faufale.
Ngā Paerewa Hoahoa Whare: Ituaiga Fausaga Moomia
Ngā Paerewa Hoahoa Whare: Ituaiga fausaga moomia e suia ai faatulagana tuai M-255 Housing Standard mo poloketi uma na amata mai i le aso 1 Ianuari 2023.
O faaalia ai tulaga moomia mo fausaga o fale fou mo tagata lautele e faataunuu, ma saunia mo, Kāinga Ora. O le faaaofia o tulaga moomia nei i le fuafuaga o fausaga ma le fauina o fale e mafai ai ona matou ausia matafaioi ua avea ai ma pulega a le malo ma tulaga o umia ai i se vaitaimi umi aseta, a o faatumauina ai le gafatia e tagata o faaaogaina a matou auaunaga ona nonofo i fale ua matou saunia.
Ngā Paerewa Hoahoa Whare: Ituaiga Fausaga Moomia [PDF, 3.5 MB]
Faamatalaga Tulaga Lelei o Fale - suiga i le maualuga o tulaga moomia (CA-GDL-019a) [PDF, 573 KB]
Fuafuaga faavae mo Fausaga Masani
E faatatau fausaga masani i le saunia o fale ma nofoaga e fetaui ma tagata eseese i tulaga uma e mafai ai. E maua ai faamatalaga i auala o faaaoga ai e Kāinga Ora ma ana paaga fausaga masani e faataunuu ai le faia o fetaulaigāala, atinae ma tuaoi e faaaoga e soo se tagata toe fesootai lelei.
E lua faiga autu e fua i ai fuafuaga faavae mo fausaga masani: o le faaaoga gofie e tagata e iai manaoga faapitoa ma le latalata i fetaulaigāala e iloilo ai le faaaogaina lautele ma faailoa tulaga o fia faaleleia. E aofia ai ma tulaga ua faavasega i ai le lelei o fetaulaigāala S-O-S; Safe, Obvious ma le Step-Free, faapea fesootaiga i tulaga faatonuina mo fausaga ma taiala mo faiga sili o faia i Niu Sila ma atunuu mamao.
Fuafuaga faavae mo Fausaga Masani [PDF, 3.4 MB]
Tāone Ora: Fuafuaga Faataatia mo se Taulaga
O lo o folasia i fuafuaga faataatia mo se taulaga la matou fuafuaga faataatia mo se taulaga o faamoemoe atu i ai mo galuega tau atiae o fale a le Kāinga Ora - e aofia ai fale mo tagata lautele, fale e gafatia na totogi ma fale tumaoti i Aotearoa. E taulai taiala nei i le atinaega o nofoaga tetele ma fale. E iloilo ai tulaga e fetaui ma se tuaoi, ma le faaaogaina o tulaga e fetaui i se nofoaga ma taiala e patino i fale e maua ai fuafuaga ma taunuuga lelei mo se taulaga. E lagolagoina e taiala nei la matou pulega ma matou paaga o faataunuuina galuega, ma le faamoemoe ia tino mai galuega lelei e tusa ma sini autu e tatau ai ona faataunuu tulaga gafataulimaina auā le uluola o tagata, ma faagaioia ai taunuuga lelei mo le soifua manuia o tagata ma fale e lelei i le nofo.
O le faamaumauga lenei e suia ai le fuafuaga faataatia mo se taulaga mo poloketi fou uma na amata mai le aso 16 Mati 2023.
Tāone Ora: Fuafuaga Faataatia mo se Taulaga [PDF, 18 MB]
Ngā Tikanga Ārahi Pae Arotake Hoahoa: Faatulagana o Aiaiga o le Iloiloina o Ituaiga Puipui
O lo o folasia i faatulagana o aiaiga faiga e toe iloilo ai faagasologa o galuega, vaitaimi faatulagaina ma faamaumauga e tatau ona fai mo Faatulagana o Aiaiga o le Iloiloina o Ituaiga Puipui Kāinga Ora - e aofia ai fale mo tagata lautele, fale e gafatia na totogi ma fale tumaoti i Aotearoa. E lagolagoina e le faamaumauga lenei la matou faalapotopotoga ma matou paaga o faataunuuina le saunia o fale ina ia malamalama i le faagasologa e toe iloilo ai fausaga ina ia mautinoa le ausia i atinae uma ua matou saunia tulaga o ituaiga fausaga o faamoemoe atu i ai mo fale.
O le faamaumauga lenei e suia ai le taiala e toe iloilo ai le faagasologa o galuega mo poloketi fou uma na amata mai le aso 16 Mati 2023.
Toitū Te Whenua Toitū Te Kāinga: Suiga mo le Faamatagofieina o se Laufanua o Fale mo Tagata Lautele
E tāua tele suiga mo le faamatagofieina o se laufanua i atinaega a le Kāinga Ora mo galuega uma, ma e afaina sa‘o ai tulaga faalesoifua maloloina ma le soifua manuia o tagata. E faatatau le taiala i Fale mo Tagata Lautele mo polokalame uma o faamoemoe e ausia ai tulaga gafataulimaina auā le uluola o tagata, ma faagaioia ai taunuuga lelei mo le soifua manuia o tagata.
O le faamaumauga lenei e suia ai le Landscape Design Guide for State Housing mo poloketi fou uma na amata mai le aso 24 Mati 2023.
Toitū Te Kāinga: Suiga mo le Faamatagofieina o se Laufanua o Fale mo Tagata Lautele [PDF, 18 MB]
Tulaga Faatonuina Fausaga Mea Faapipii
Faaaoga aloaia Tulaga Faatonuina Fausaga Mea Faapipii mo Poloketi Fou mai le aso 1 Iuni 2024. A faapea e talafeagai ai, ona toe iloilo lea e le Kāinga Ora Delivery Team o poloketi na amata mai a o le i aulia le aso 1 Iuni, e tusa ma taiala fou nei (pe a faapea e leai se aafiaga i le faatupega o le galuega po o taimi fuafuaina o faatinoga o galuega mo paaga).
Tulaga Faatonuina Fausaga Mea Faapipii [PDF, 709 KB]
Faaaogaina o ave o le la solar photovoltaic (PV) ma taiala e fau ai
E saunia i le faamaumauga lenei taiala e fau ai fale a le Kāinga Ora o lo o faaaoga ai solar PV. O le punaoa lava lea e mafai ona faaaoga i Kāinga Ora Renewable Energy Trials ma e le o se vaega o tulaga moomia o galuega e faatino e le Kāinga Ora (M-134/ M-135).
Solar Photovoltaic Building Design Guidelines [PDF, 908 KB]
Pa puipui - Fausaga masani
Afai e tuaoi lou fale i se tasi o matou fale ma ua e manao e fai se pa puipui, e iai tulaga e mafai ai ona matou fesoasoani e faatupe le tau o se pa puipui fou po o se pa puipui o toe fia fai, ma e moomia lou tuuina mai o se faaaliga tusia.
Faamatalaga auiliili masani o pa uaea faalaupapa [PDF, 163 KB]
O pa puipui o faatalosagaina e tatau ona ausia faatulagana maualalo o tulaga maoti mo pa puipui.
Taiala i le Vaevaeina o Fanua
E maua i le Subdivision Plan Guide taiala mo tagata suesue fanua ma fale ma paaga faufale/atinae o fuafuaga i le vaevaeina o fanua ma le fuafuaga Land Transfer e atagia ai tulaga moomia o galuega faatino ma le puleaina o aseta a le Kāinga Ora.
Fai se kopi o le Subdivison Plan Guide [PDF, 2.1 MB]
Homestar
CA-GDL-013 Guideline to Homestar v5 Transition Standard [PDF, 912 KB]
O lo o faamatala auiliili i le taiala lenei le Kāinga Ora Homestar v5 Transition Standard, e aofia ai mafuaaga ua faaaoga ai e le Kāinga Ora le Transition Standard, suiga autu ma aso taua.
Ua saunia le taiala lenei e fautuaina ai paaga aiaina a Kāinga Ora o le faamoemoe maualuga e tatau ai ona fuafuaina ituaiga fausaga ma le patino, e tausisia ai le Kāinga Ora Homestar v5 Transition Standard. E faamatala ai le faiga o faagasolo ai, o le faavasegana o tulaga e mafai ona maua ai se Transition Standard ma faamaoniga o moomia mo le fia faamaonia aloaia o le Design ma le Construction.
Mo nisi faamatalaga faafesootai Homestardesign@kaingaora.govt.nz
Uma na faafou le itulau: 5 September 2024