Fale umia e le tagata nofo mautotogi
Afai o lena e te nofo mautotogi i fale a le Kāinga Ora, e te ono agavaa mo se fesoasoani tupe e faatau ai le fale lena o e nofo ai nei.
Ua faailoa e le malo se avanoa e mafai ai e tagata nofo mautotogi i fale a le malo ona faatau fale o nonofo ai. Atonu o se faamoemoega sili lou umia o se fale, e avea ma ou nofoaga tumau. Ae afai e te le manao e faatau lou fale, aua e te popole, e faaauau lava na e nofo mautotogi ai. E leai se noataga e faamalosia ai lou faatauina o le fale.
E taua le nofo malamalama e le o fale uma o le a mafai ona faatau atu.
Fesoasoani tupe Fale Umia Tagata Mautotogi
O le fesoasoani tupe Fale Umia Tagata Nofo Mautotogi o se meaalofa e tusa lea ma le 10% o le tau e faatau mai ai se fale ua faataatia ese e le Kāinga Ora e faatau atu ma e tau i le $20,000 le maualuga o le fesoasoani tupe. E le faaaoga le fesoasoani tupe mo se Fale Umia Tagata Nofo Mautotogi i nofoaga o pito moomia tele ai fale a le malo. O nofoaga e aofia ai:
- Aukilani
- Aai Ueligitone
- Kalaiesetete
- Hamilton ma
- Tauranga.
Manatua e faaaoga le fesoasoani tupe lea e faatau mai ai fale ua faataatia ese e le Kāinga Ora ma e le mafai ona faaaoga e faatau ai isi meatotino.
Afai o oe o se tagata nofo mautotogi ma e fia fai sau talosaga mo se fesoasoani tupe mo se Fale Umia Tagata Nofo Mautotogi e mafai ona e tali faamatalaga o le pepa talosaga mo se fesoasoani tupe mo se Fale Umia Tagata Nofo Mautotogi [PDF, 378 KB] o se vaega o lau talosaga ua e manao e faatau le fale o lo o e nofo mautotogi ai i le taimi nei.
Scan le pepa talosaga pe a uma lelei ona faatumu faamatalaga ma imeli i le THOGrant@kaingaora.govt.nz.
E mafai foi e tagata faatau ona tuufaatasia le fesoasoani tupe mo se Fale Umia Tagata Nofo Mautotogi ma le Faaunegatupe Muai Fale Faatau, ma/po o le tala i tua o le KiwiSaver mo se muai fale faatau, pe afai e te agavaa e faatau le fale mautotogi lena e te nofo ai.
Afai o oe o se tagata nofo mautotogi ma e te manao e faatau lou fale ona e tagai lea i se:
- kopi o le pepa faamatala Fale Umia Tagata Nofo Mautotogi [PDF, 393 KB]
- valaau mai i le 0508 935 266 po o le
- tali faamatalaga o le pepa faatumu o tusia i lalo:
E tele faiga ua saunia e le Kāinga Ora e fesoasoani ia tau lau o se faamoemoe e umia ai se fale
Faaunegatupe Muai Fale Faatau
E te ono agavaa mo se Faaunegatupe Muai Fale Faatau e maualalo le aofaiga o se tupe e faamau ai, tagai i le itulau Faaunegatupe Muai Fale Faatau pe talanoa i se tasi o faalapotopotoga fai nonogatupe.
Fesoasoani Tupe Muai Fale Faatau ma le tala i tua o le KiwiSaver mo le muai fale faatau
Afai o oe o se sui fai saofaga KiwiSaver e te ono agavaa mo se Fesoasoani Tupe Muai Fale Faatau po o le mafai foi ona tala uma po o se vaega o lau KiwiSaver e tau auala atu i le tala i tua o le KiwiSaver mo se muai fale faatau.
Mo nisi faamatalaga e uiga i oloa ma auaunaga eseese ua matou saunia e fesoasoani i ē faatoa muai faatau lea o se fale, valaau le 0508 935 266, i le va o le 8am ma le 5pm, Aso Gafua i le Aso Faraile po o le imeli kiwisaver.enquiries@kaingaora.govt.nz.
- A faatau mai se fale, e ono moomia ona e gafatia le nonō o se vaega tupe mai se faalapotopotoga fai nonogatupe. O se tulaga lea e moomia ai ona e faailoa:
- talaaga e iloa ai le faamoemoeina e totogi nonogatupe
- e te gafatia ona totogi se faaunegatupe mo le fale
- o lena e iai au tupe teu e faamau ai se faaunegatupe mo le fale.
- E mafai ona matou fautua atu i se tau faatusatusa – ia e malamalama lelei ua na o se taiala ma e moomia le faia pea o se iloiloga o le tau aogā o le fale.
- A uma ona e faailoa faamaoniga o lou gafatia na faatau mai i le tau faatusatusa, ona faatonu lea e Kāinga Ora & totogi se tagata faamauina na te iloiloina le tau aogā o le fale.
- O le a faatau atu lou fale i le tau aogā e tusa ma fefaatauaiga faamaketi o iai nei.
- A uma ona faamaonia le tau e faatau atu ai, matou te fautuaina lou talosagaina o se lipoti o le asiasiga o le fale na fai e le tufuga. Pe ā ma le $400 le tupe alu mo le lipoti a le tufuga. Atonu e iai tulaga e te fia sailia ai se fautuaga a se loia.
Atonu e iai isi tupe alu taua e te nofo manatunatu i ai pe a faatau se fale, e pei o:
- Tupe totogi mo se loia – $1,000 pe sili atu
- Saofaga inisiua e totogi i le faalapotopotoga na nonō mai ai le mokesi
- Lipoti a le tufuga – pe ā ma le $400
- Totogifuapau mo se faaunegatupe na talosagaina
- Faamaumauga Tau Fanua Faatulafonoina (LIM) mai le pulega faalotoifale
E iai tupe alu faifaipea mo le umia o se fale e tatau ona manatunatu i ai:
- Saofaga totogi – e le itiiti ifo ma le $1,000 mo tausaga taitasi
- Inisiua o le fale ma meafale – aofaiga e le itiiti ifo ma le $700 mo tausaga taitasi
- Galuega faaleleia – e aofia ai galuega fai palama, valifale ma isi.
E tatau na leai ma se aitalafu o se mautotogi e lei totogia i le Kāinga Ora i le taimi e faatau ai lou fale. E aofia ai le motu o aitalafu mo mea na faaleagaina ma le fua faatatau o tupe maua e totogi ai le fale.
Uma na faafou le itulau: 14 December 2023