5. Faamautu
Vaai tulaga e tatau ai i le aso tonu e faamautu ai le umia o se fale ma tulaga uma e tatau ona e tapena i ai auā le umia ai o se muai fale.
Ua toe o se aga taunuu! Faasolo au tapenaga mai le faamautu o faamatalaga auiliili uma o le faaunegatupe mo se fale, faapea tulaga uma e tatau ona e faia a o le i umia se muai fale.
Faamalo le tauivi! E leai ni tuutuuga o le tau na e ofoina atu. E le o toe tele nisi laasaga e fai ona avatu loa lea o ki o lou fale.
O tulaga nei e tatau ona e faia a o le i aulia le aso e aloaia ai:
- Faamautu faamatalaga auiliili o le faaunegatupe mo se fale - O le taimi lava e faamaonia ai le aso e aloaia ai, faafesootai le faletupe, faalapotopotoga nonogatupe po o le sui fai fefaatauaiga mokesi e faamautu lau faaunegatupe mo se fale. E faamatala atu le ituaiga faaunegatupe ma le faatulagana ua faia, faamaonia le maualuga o le tului ma faatulaga vaitaimi e totogi ai.
- Faatonu le faia o se inisiua mo lou fale - E masani ai le moomia o le faia o se inisiua mai le aso muamua ua e umia ai le fale ma o se tuutuuga o lau faaunegatupe ma e ono moomia e le faletupe po o le faalapotopotoga nonogatupe le faamauina o lau pepa faamaonia inisiua. E ono talosagaina e lau loia faufautua ma le faletupe po o le faalapotopotoga nonogatupe kopi o pepa faamaonia inisiua a o loma le aso e aloaia ai.
- Asiasiga a o loma le aso e aloaia ai - O lou avanoa lea e siaki ai le fale a o le i aloaia na e umia le fale ma mautinoa e leai ni mea ua leaga o le fale talu mai le aso na e sainia ai le maliega faatauina atu ma faatauina mai. E masani na faatulaga se asiasiga e auala atu i le sui o faatauina atu le fale, ma e masani na faia i le 2 aso a o loma le aso e aloaia ai.
A e vaaia ni faaletonu i le taimi o lau asiasiga, faailoa i le sui o faatauina atu le fale ma faafesootai lau loia faufautua po o le fua fanua i mea e moomia na toe faaleleia a o le i aulia le aso e aloaia ai.
- Faamautu aofaiga o totoe e le i totogia - E faailoa atu e le loia faufautua le aofaiga e tatau ona totogi, ma le tusitupe e totogi ai.
E tatau i lau loia faufautua na faailoa atu mea uma e tatau ona e faia a o loma le aso e aloaia ai, e leai ai ma se faatuai, ae taatia atu isi tulaga uma i le loia na te faia. E faia e le loia tulaga nei:
- faamaonia ua uma na e totogia tupe na totoe
- faailoa atu i le faletupe po o le faalapotopotoga nonogatupe le aofaiga tupe o moomia e aloaia ai le faatauina mai o le fale
- faatulaga le tala i tua o le faaunegatupe ma totogi atu i le tagata na faatauina atu le fale
- siaki na totogi e le tagata na faatauina atu le fale saofaga i le pulega faalotoifale ma e leai ni aitalafu
- fesootai ma le loia faufautua a le tagata na faatauina atu le fale e faamautu le aloaia atu o le umia ai o le fale
- lesitala le fale ma faamauina lou igoa o oe le pule fou e ona le fale.
O tulaga nei e tatau na faasolo lelei i le faatulagana e tatau na faasolo ai, talu ai o le faatuai ona faataunuu e ono toso ai ma le taimi faatoa aulia le aso e aloaia ai. O le taimi lava ua faailoa atu ai e lau loia faufautua ua taulia aloaia le fale, ona faagasolo loa lea na fesiitai au meafale i lou fale fou. Atonu e uma ane fuafuaga ua leva le aso, e manaia le faaavanoa o se isi aso a o le i fuafua le siitia e nofo i lou fale.
Maua atu o le fesoasoani pe a i ai se faaletonu
E leai ma se faaluafesasi o le faagasologa e aloaia ai ma e masani lava na leai ni faaletonu ae a iai lava ni atugaluga i le faagasologa atoa, faafesootai lau loia faufautua mo se fesoasoani. E mafai na tali atu ma avatu se lipoti lata mai o tulaga ua oo i ai.
Malo lava! E le i faigofie laasaga uma na e uia ma e le taumate sa sologa lelei faapena foi na fesouaina. Sema se taimi e patipatia ai au taumafaiga – ua faamanuiaina lou fiiligā.
O lou fale o lou aiga lea - Maeu au taumafaiga! Faifai malie ma faafetaia manuia ua e maua. Tuu i ai lou fai mea lelei e faaaulelei ma faamatagofie lou fale, ma faamasani i le tou vaipanoa. Ua mautu le fale e faavae i ai isi laasaga uma o le soifuaga.
Faamasani i le tou vaipanoa - Na o nai laasaga e te masani lelei ai i tagata ma atili manaia ai le nofoaga e te nofo ai.
Faitau le upegatafailagi a le pulega faalotoifale e te iloa ai mea o tutupu po o le faamasani i le tou tuaoi e te iloa ai aso e sasaa ai kalone lapisi, nofoaga o le faletusi ma itula tatala ai nofoaga faitele po o fesootaiga televavave mo fesootaiga.
Tagai i nisi o itulau tafailagi faaopoopo e fesoasoani i le taimi e te “Faamautu ai.”
- Lisi o mea e siaki – Faamautu [PDF, 154 KB]
- Lisi o mea e siaki - Tapenapena e nofo i lou fale [PDF, 78 KB]
Punaoa tulaga aloaia:
Uma na faafou le itulau: 12 February 2024