1. Amataga
Tapenapena mamao ma fai se fuafuaga mo tupe teu ma tala o le tupe.
Amata mai i tulaga tonu o le a e tauaveina pe a umia se fale. O le avanoa foi lea e faatulaga ai se fuafuaga mo tupe teu ma tala o le tupe.
Mafaufau po o ā ni faamoemoega mamao e te iloa lelei ai foliga o se fale o e moomia.
Tagai i fesili autu nei e tau amata ai:
- E te iloa o fea e te nofo ai i le isi 5 po o le 10 tausaga?
- O e manao i se muai fale e te nofo ai po o se fale e uma le soifuaga o e nofo ai?
- O fea e te fia nofo ai – latalata i le taulaga po o se nofoaga patino?
- O fea e te fia faigaluega ai – e te fia nofo latalata i lau galuega?
- A fai sau fanau po o fuafua e fai ni tamaiti, o a sone e faaulufale ai tamaiti i le aoga e tatau ona e iloa?
- Tou te nonofo faatasi ma nisi o lou aiga? O a manaoga a i latou nei?
- Na o oe o faatauina mai po o faatauina mai faatasi ma lou aiga? Afai o faatauina mai faatasi ma isi, o gafatia e i latou nei tulaga tau tupe tou te faatauina faatasi ai le fale?
- E te fia nofo latalata i le tou marae ma hapū? Faamata o lavea i au fuafuaga le fau o se fale i luga o se fanua umia e iwi?
- E fia se vaega o lau tupe maua e tuu ese e fai ai totogi masani mo le mokesi?
- O i ai ni fuafuaga tetele e tatau ona fuafua i ai tala o le tupe?
Amata atu i le vaega lea, e mafai na faatulaga lau tala o le tupe ma le vaitaimi o fuafua e faaaoga ai.
E taua le faamautu tala o le tupe ma manino lelei le teuina o tupe faasao pe a faatau mai se fale – o se faamoemoega sili ona taugata i le toatele o tagata le faatau mai o se fale.
O le auala sili ma le faamoemoeina le faavasega lelei o au tupe, ma mulimulitai lelei i lau fuafuaga ua saunia e faasao ai tupe.
E maua i le Sorted.org.nz(external link) auaunaga maua fua mo le faavasegana o tala o le tupe, vaevaega ma taiala. E te maua ai foi metotia e fesoasoani e pulea ai aitalafu ma faavasega ai faamoemoega tau tupe – fuafuaga lata mai faasolo atu i fuafuaga mamao.
Faaaoga le faiga e vaevae ai tupe, e maua ai sina faaataata o se faaunegatupe e faatau ai se fale ma tului e totogi.
O le tele o polokalame faainitaneti a faletupe e faaaoga ai telefoni feaveai e maua ai foi auaunaga mo le puleaina ma le faasaoina o tupe. Afai o faaaoga se polokalame faapea i lau telefoni, toe vaai i auaunaga o maua atu ai po o le faafesootai le faletupe mo se fesoasoani.
Fautuaga – mauaina atu o taiala mo tulaga tau tupe
E saunia fua e le MoneyTalks faatalanoaga tapuia e fautua atu ai i tala o le tupe e faia i luga o le telefoni, feau tusitusia, imeli po o tusitusiga tuusa‘o i luga o le initaneti. E mafai na latou fesootai sa‘o lau mataupu i auaunaga faalotoifale tau tupe ma faalapotopotoga patino mo lagolagosua faaopoopo. Tagai i le www.moneytalks.co.nz(external link) mo nisi faamatalaga.
Fautuaga - faatalanoaga faaleaoaoga fai fua mo tagata Māori
O e iloa e maua faatalanoaga faaleaoaoga fai fua mo oe ma lou aiga auā le fia faia o se fuafuaga e tini ai faamoemoega mo se fale? O se polokalame na saunia e le Te Puni Kōkiri ma le Commission for Financial Capability, e autu ma faafoe e tagata Māori, mo Māori le polokalame Sorted Kāinga Ora.* E valu vaiaso e fai ai faatalanoaga faaleaoaoga, faatasi ma le fesoasoani e tapena ai se fuafuaga ma faagasolo auala e faataunuu ai, ma le faamoemoe ia maua e Māori le tomai ma le lagolagosua e ausia ai faamoemoega mo se fale. Mo nisi faamatalaga faatatau i le Sorted Kāinga Ora(external link).
* E leai ma se fesootaiga o le polokalame Sorted Kāinga Ora i le Kāinga Ora – Homes and Communities po o le Sorted.org.nz, e ui i tulaga o tutusa ai igoa o faaigoa ai.
E lelei le aofia i lau fuafuaga mo le faasaoina o tupe, tulaga mo tupe faaalu na o le faatasi na totogi e pei o:
- totogifuapau a le loia po o le fua fanua
- asiasiga ma lipoti o galuega faufale
- lipoti LIM, faila pulega faalotoifale ma meatotino
- tau fuafuaina o le fale ma le fanua
- tupe alu e fesiitai ai
- tupe faaleoleo mo tulaga faafuaseia.
A e nofo loa i lou fale fou, ona e mautinoa lea ua amata totogi tupe faaalu faifai pea e pei o:
- tupe totogi faaunegatupe o le fale
- inisiua o le fale ma meatotino
- saofaga totogi (totogifuapau mo auaunaga a le pulega faalotoifale)
- mea faaaoga tele i le fale e pei o le suavai, eletise ma le initaneti
- galuega faaleleia ma toe faafou
- totogifuapau sosaiete tuufaatasi (pe afai e pipii lou fale i se ogafale tele o pulea faatasi ma isi e ona fale, e pei o se apartment po o se townhouse).
E aoga le maopoopo o tagata tou te fai mea faatasi e te mautinoa ai tulaga uma ma faafaigofie ai laasaga moomia mo le faatauina mai o se fale. E faaopoopo sui tou te fai mea faatasi a o faagasolo tulaga uma, ma e lelei le amata mai i nisi o i latou nei.
Faletupe ma faalapotopotoga nonogatupe - E faasino atu e le faletupe auala eseese e faasao ai tupe. E fautua atu foi i auala e vave ai ona maua se faaunegatupe. E lelei foi le talanoa i isi faalapotopotoga tau nonogatupe e iloa ai isi auala e mafai na latou fesoasoani atu ai.
Fai fefaatauaiga mokesi - E fesoasoani atu se fai fefaatauaiga mokesi ia e maua le faletupe ma faalapotopotoga nonogatupe sili ona fetaui ma tulaga o e maua ai. E fesoasoani ia e iloa se taatiaga atoa o tulaga tau tupe ma e fai ma ou sui e feutagai ma faletupe ma faalapotopotoga nonogatupe. E totogi tagata fai fefaatauaiga mokesi e le faletupe na faamaonia ai lau faaunegatupe mo se fale. E leai se tau e faaee atu, tusa lava pe afai e le i mafai ona faamaonia se faaunegatupe.
Aiga ma uo - E ono maua atu se fesoasoani mai aiga ma uo e tau saili se auala e faatau mai ai se fale e auala atu i fesoasoani tau tupe, fautuaga, ma lagolago le faagasologa e faatau mai ai se fale ma tou patipatia le vaitaimi ua tino mai ai lena faamoemoe.
Iwi - Afai na e lesitala i le iwi po o le hapū e te tau i ai, e ono mafai na fesoasoani atu e faatau sou fale e auala atu i aoaoga, fesoasoani faameaalofa, fesoasoani tau tupe ma tupe faasao. E fautuaina lou fesootai sa‘o i ai mo nisi faamatalaga. Afai e te le o mautinoa lou gafa, tatala le itulau(external link) e maua ai le talaaga o le tou aiga.
Fautuaga – fesoasoani e faaaoga ai lau gagana
Afai e le o lau gagana muamua le Faaperetania, e ono maua atu i le Citizens Advice Bureau auaunaga faaliliu upu e maua fua. E te maua se ofisa lata ane i le CAB.org.nz(external link).
Tagai i nisi o itulau tafailagi faaopoopo e aoga i le “Faagasologa” mai o au taumafaiga.
- Lisi o mea e siaki – Starting Out [PDF, 148 KB]
- Citizens Advice Bureau(external link)
- MoneyTalks(external link)
- Te Kāhui Māngai(external link) – Lisi o iwi ma faalapotopotoga Māori
- Te Puni Kōkiri(external link) – Matagaluega Atinae Māori
Punaoa saunia e le Sorted:
- Sorted.org.nz(external link)
- Metotia tala o tupe(external link)
- Kalena faamoemoega faatulagaina(external link)
- Auala e faasao ai tupe(external link)
- Vaevaega mokesi(external link)
- Vaevaega tupe faasao(external link)
Punaoa saunia e le FMA:
Uma na faafou le itulau: 12 February 2024