Paaga Muai Fale Faatau

O le Paaga Muai Fale Faatau o se polokalame e umia faatasi ai se fale e faafoe e le Kāinga Ora mo tagata e muai fia faatau se fale e gafatia ona totogi tupe totogi, ae lē lava tupe faasao po o se tupe teu e maua ai se muai faamaoniga o se faaunegatupe mo se fale faatau.

Umia atoa o se fale i lalo o le Paaga Muai Fale Faatau

O le faamoemoe maualuga lou umia atoa o lou fale i le taimi lava ua e gafatia ai tulaga tau tupe i totonu o le 15 tausaga talu ona umia le fale faatau. E lagolagoina e le Kāinga Ora au taumafaiga e auala atu i le Polokalame Puleaina o Faamoemoe

Polokalame Puleaina o Faamoemoe

E fesoasoani le Polokalame Puleaina o Faamoemoe ia e tausisi i le faamoemoe ua e manao ai e umia se fale. E aofia ai feiloaiga e fai i lou fale i tausaga taitasi ma le Kāinga Ora Relationship Manager, ma e fesoasoani le sui lea e faasino atu auala e ausia ai le faamoemoe:

• e te umia atoa ai le fale (e tuu atoa i ai lou malosi e ausia lea faamoemoe i totonu o le 15 tausaga)
• vaai lelei le fale ia pei lava o foliga na e muai faatauina mai ai
• o lou nofo ai pea i le fale i le vaitaimi atoa o umia faatasi ai le fale.

E moomia ona e tuuina mai faamatalaga o tulaga tau tupe o iai i le taimi nei ma tulaga fuafuaina mo tagata o tou nonofo faatasi. E mafai ona aofia ai tulaga o iai nei mo:

• tupe maua tagata nonofo faatasi
• tupe faasaoina
• tupe alu po o tupe totogi o se faaunegatupe.

Afai e mavae le 15 tausaga o le umia ai o le fale e te lei faatauina mai sea o umia e Kāinga Ora, ona faaee atu lea o se tau o galuega o faatino e Kāinga Ora e te totogia mo tausaga taitasi e amata mai le tausaga lona 15.

Faatauina mai sea o umia e Kāinga Ora

E mafai ona e filifili e faatau mai sea o umia e le Kāinga Ora i nisi o auala nei:

1. totogi le vaega tupe atoa o totoe; pe
2. vaevae tupe totogi i le aofaiga maualalo taitasi na faatauina mai ai (faataitaiga $1,000).

E mafai ona faaaoga i ai au tupe faasao po o le faatalanoa tulaga ma lau Relationship Manager e mafai ai ona e faatauina mai sea i tausaga taitasi.

E faalagolago le aofaiga e tatau ona e totogia i le tau aogā o le fale i le vaitaimi na faatau mai ai. O lona uiga, afai e 10% e siitia ai le tau aogā o le fale mai le uluai tau na e faatauina mai, o le a faaopoopo le 10% i sea o umia e Kāinga Ora ma o le aofaiga fou lena e te faatauina mai ai sea. Tatala le itulau Paaga Muai Fale Faatau(external link) mo le tuuina mai o se talosaga e faatau mai ai sea.

E te umia atoa le fale, i le taimi lava ua e faatauina atoa ai sea o umia e Kāinga Ora.

Faafou po o le faapipii nisi mea i lou fale

E tatau lava ona e talosagaina se faamaoniga a le Kāinga Ora pe a e manao e fai galuega e toe faafou pe toe faamanaia ai le fale pe a faapea o lo o avea pea le faalapotopotoga ma se tasi o pule o le fale. E aofia ai galuega faaleleia ua faailoa mai ona o le sogasogā ma le filigā e tatau ai ma le faatali o galuega faaleleia a o le i faatauina mai. Faamolemole tagai i le faiga e faagasolo ai galuega e toe faafou ai se fale o tusia i le Maliega o Fale Umia Faatasi.

Tatala le itulau Paaga Muai Fale Faatau(external link) e tuuina mai ai se talosaga mo se mea e fia faafou po o le lipotia o se mea ua leaga.

Faaaogaina o lou fale e nofo mautotogi ai nisi

E tatau lava ona e nofo i lou fale a o umia e Kāinga Ora sea o le fale.

Nonogatupe faaopoopo

E iai le manatu maualuga o le a e umia atoa lou fale e tusa ma tulaga tau tupe ua e gafatia i totonu o le 15 tausaga talu ona e umia le fale. E tusa ma lou tulaga o se tasi o umia faatasi se fale, e tāua le iloa e Kāinga Ora o nonogatupe faaopoopo, talu ai e mafai ona afaina lou gafatia ona toe totogi sea umia e Kāinga Ora, pe a tele aitalafu e totogi.

Faamolemole saili se fautuaga tau tupe a o le i faaopoopo se isi faaunegatupe. A avatu se faamaoniga mai lau faufautua tau tupe e te gafatia se nonogatupe faaopoopo, faamolemole tuuina mai se 'talosaga nonogatupe faaopoopo' faatasi ma faamaoniga e lagolagoina lau talosaga. E mafai ona faaoo mai lau talosaga i le itulau Paaga Muai Fale Faatau(external link).

Faatauina atu o le fale

Ua fuafuaina le Paaga Muai Fale Faatau e mafai ai ona e umia atoa le fale, peitai a o umia faatasi ma le faalapotopotoga le fale, ua e manao po o se tulaga foi ua moomia ai ona faatau atu lou fale ona o tulaga nei:

• se suiga i tulaga e patino ia te oe (faataitaiga, sui le galuega)
• se suiga i tulaga tau tupe
• ua lē toe gafatia na faatau mai sea o umia e Kāinga Ora.

E mafai ona faatalanoa ma lau Kāinga Ora Relationship Manager tulaga patino ia te oe. Tatala le itulau Paaga Muai Fale Faatau(external link) e tuuina mai ai lau talosaga mo se fale o fia faatau atu.

Afai e faatauina atu le fale a o umia faatasi ai le fale ma Kāinga Ora, o tupe maua mai le tau na faatauina atu ai o le a vaevae lea e tusa ma le telē o sea o umia e paaga taitasi. Mo se faataitaiga, afai o umia lava e Kāinga Ora le 10% o le fale ma ua faatau atu mo le $800,000, o lona uiga e maua e le faalapotopotoga le $80,000 o le tau na faatau atu ai.

Punaoa faaletulafono ma faamaumauga aloaia

• Faataitaiga Maliega Fale Umia Faatasi [PDF, 1.5 MB]
• Maliega Fale Umia Faatasi [PDF, 55 KB]

E le o maua lava le mea lena e te sailia?

E maua le fesoasoani mai le 9am - 5pm, Aso Gafua i le Aso Faraile.

• telefoni mai i le 0508 935 266
• Tatala le itulau Paaga Muai Fale Faatau(external link)