Faaunegatupe Muai Fale Faatau
O le Faaunegatupe Muai Fale Faatau e faafaigofie ai ona e muai maua se fale e auala atu i le tuuitiitia o le tupe faamau e taofi ai i le 5%.
O se galuega tele le tau faaputu o se tupe faamau mo se muai fale o fia faatau, ma o le tele o faalapotopotoga fai nonogatupe e moomia le 20% o le maualalo faatulagaina o se tupe faamau. Peitai na o le 5% le aofaiga o le tupe faamau e moomia mo se Faaunegatupe Muai Fale Faatau, ma e sili atu ona faigofie ona maua ai se muai fale faatau.
E tuuina atu Faaunegatupe Muai Fale Faatau mai faletupe ma isi faalapotopotoga fai nonogatupe, ma e faamaonia e Kāinga Ora. O se aiaiga lea e mafai ai e le faalapotopotoga fai nonogatupe ona tuuina atu se faaunegatupe e masani ai ona lē faatagaina mai tulaga masani mo nonogatupe.
Afai ua e manatu ai e talosaga se Faaunegatupe Muai Fale Faatau, faatalanoa tulaga moomia ma tulaga e patino ia te oe ma le faalapotopotoga fai nonogatupe faamauina.
E le gata o le maua o le 5% tupe faamau, e tatau lava ona ausia tulaga e agavaa ai mo se Faaunegatupe Muai Fale Faatau. E moomia foi ona e ausia faavasegana tau nonogatupe a le faletupe po o le faalapotopotoga fai nonogatupe faamauina na e filifilia.
O tulaga nei e tatau ona e ausia mo se Faaunegatupe Muai Fale Faatau:
- O se Tagatanuu Niu Sila, tagata nofomau po o le umia o se visa nofomau ma e “masani na nofo i Niu Sila”
- O se sui faatoa muai faatau se fale, po o se tasi sa umia muamua se fale e tai tutusa tulaga tau tupe ma se tagata faatoa muai faatau se fale
- Maua se tupe maua o totogi e lei toesea ai le lafoga mai le 12 masina talu ai e:
- $95,000 pe itiiti ifo mo se tagata faatau toatasi e aunoa ma se tagata e ola faalagolago ia te ia; pe
- $150,000 pe itiiti ifo mo se tagata faatau toatasi e toatasi pe toatele atu tagata e ola faalagolago ia te ia; pe
- $150,000 pe itiiti ifo (tuufaatasi) mo se toalua pe toatele atu tagata faatau, ma e le faitaulia ai le aofaiga o tagata ola faalagolago.
O isi aiaiga
E le gata i lea, e tatau ona:
- Maua sau tupe faamau e 5% le maualalo faatulagaina o le tau atoa e faatau mai ai le fale ua e manao i ai (e aofia uma ai tupe faasao, tupe faameaalofa, saofaga na tala i tua mo le muai fale faatau, ma meaalofa)
- Faatau se fale e te nofo tumau ai
- E te lē umia se meatotino po o se fanua, e aofia ai le umia o se fanua Māori
- O fuafuaina le faatauina mai o se fanua e itiiti ifo ma le 1 heta
- Totogi le 0.5% o le saofaga Inisiua Mokesi Faalapotopotoga Fai Nonogatupe ma totogifuapau o le talosaga mo se faaunegatupe
(pe afai o tulaga nei ua faia e le faalapotopotoga fai nonogatupe)
Aiaiga nonogatupe faletupe
E moomia foi ona e ausia tulaga moomia ua faia e le faletupe po o le faalapotopotoga fai nonogatupe mo le faagaioia o se faaunegatupe mo se fale.
E tofu lava le faletupe ma le faalapotopotoga fai nonogatupe ma tulaga moomia e iloiloina ai lau talosaga e tusa ma faiga e faagaioia ai, ma e mafai ona aofia ai tulaga o lou gafatia ona toe totogi o se faaunegatupe, o au aitalafu e lei uma na totogi, ma talaaga e iloa ai le faamoemoeina e totogi aitalafu.
E iai faletupe ma faalapotopotoga fai nonogatupe e ono talia lou faaaogaina o le Faaunegatupe Muai Fale Faatau e fau ai se fale fou. Fesili pe faamata e talia e le faalapotopotoga fai nonogatupe ua e manao e nono mai ai le tulaga lea.
A fai se talosaga mo se Faaunegatupe Muai Fale Faatau, e moomia ona e filifilia se faalapotopotoga fai nonogatupe faamauina ma faatumu le pepa talosaga mo se faaunegatupe.
Tagai i le lisi o faalapotopotoga fai nonogatupe faamauina o ta‘ua i lalo. E tofu lava le faalapotopotoga fai nonogatupe ma tulaga ua faavasega i ai nonogatupe ma o tulaga nei e tatau ona e ausia faatasi ma tulaga e tatau ona agavaa ai mo se Faaunegatupe Muai Fale Faatau. Tagai i laasaga o ta‘ua i lalo e te iloa ai le faagasologa e faagaioia ai se talosaga.
- Faamalieina aiaiga - Mautinoa ua e ausia faatulagana uma o ta‘ua i luga.
- Filifili se faalapotopotoga fai nonogatupe - Mai le lisi o faalapotopotoga fai nonogatupe o ta‘ua i lalo.
- Maua le 5% tupe faamau - E iai auala e maua ai se fesoasoani pe afai o tau faaatoa se tupe faamau.
- Faatumu talosaga mo se faaunegatupe - E ui lava i faatulagana o tulaga e agavaa ai ua faia e le malo mo se Faaunegatupe Muai Fale Faatau, e i ai lava faatulagana ua faia e le faalapotopotoga fai nonogatupe taitasi e tatau ona ausia.
Faamaoniga
E mafai ona e talosaga mo se muai faamaoniga o se Faaunegatupe Muai Fale Faatau po o se faamaoniga faaiu.
- Muai Faamaoniga - E aogā le faia o se talosaga mo se muai faamaoniga e te mautinoa lelei ai tulaga o lou agavaa ma tulaga o moomia e le faalapotopotoga fai nonogatupe. O le a faailoa atu e le faalapotopotoga fai nonogatupe se aofaiga e mafai ona latou nonō atu. Faasolo au taumafaiga e tau saili se fale talafeagai e gafatia ma le aofaiga e mafai ona nonō atu. A e maua se fale, ona toe faatalanoa lea ma le faalapotopotoga fai nonogatupe o se faamaoniga faaiu o le faaunegatupe ua e agavaa ai.
- Faamaoniga Faaiu - a e maua loa se fale e faaaoga ai le Faaunegatupe Muai Fale Faatau, ona e talosaga lea mo se faamaoniga faaiu. O le vaega tonu lava lea o le a iloilo lelei ai e le faalapotopotoga fai nonogatupe tulaga e patino ia te oe, ma le meatotino e fetaui tonu ma tulaga o se faaunegatupe.
Fesoasoani mo sau tupe faamau
E maua le fesoasoani pe afai o tau faasao se tupe mo se tupe faamau:
- E mafai ona faameaalofa atu se tupe faamau mai se isi o lou aiga
- E lua vaega ua saunia e le KiwiSaver e mafai ona e faaaoga pe afai ua atoa le tolu tausaga o au saofaga, e ono agavaa ai mo se tala i tua o le KiwiSaver mo le muai fale faatau.
- Tala i tua mo le muai fale faatau: e mafai e sui agavaa ona tala i tua saofaga KiwiSaver (e aofia ai lafoga tau tupe). Peitai e tatau ona taatia ai le $1,000 i lau KiwiSaver.
Malamalama atili i le tala i tua o le KiwiSaver mo le muai fale faatau
E le o se sui fai saofaga KiwiSaver? Tagai i le www.ird.govt.nz/kiwisaver(external link) mo le fia faia o se lesitala.
Punaoa
O nisi nei o itulau faaopoopo e ono aogā i au taumafaiga
E ui lava o le matafaioi a Kāinga Ora le faavasega o tulaga e agavaa ai, ae o le faletupe po o le faalapotopotoga fai nonogatupe e iloiloina talosaga mo se Faaunegatupe Muai Fale Faatau, ma faia le faaiuga o se nonogatupe na faatalosagaina.
Faavasegana o tulaga ua faia e faalapotopotoga fai nonogatupe
E le gata i lea, e moomia na e ausia faavasegana tau nonogatupe a se faletupe po o se faalapotopotoga fai nonogatupe a o lei faia se Faaunegatupe Muai Fale Faatau. E mafai ona aofia ai tulaga o lou gafatia na toe totogi o le faaunegatupe, o aitalafu o totogi i le taimi nei, ma le tauleleia o talaaga e iloa ai le faamoemoeina e totogi aitalafu.
www.westpac.co.nz(external link)
Telefoni Vili Fua: 0800 177 277
www.kiwibank.co.nz(external link)
Telefoni Vili Fua: 0800 272 278
Faafesootai mai(external link)
www.co-operativebank.co.nz(external link)
Telefoni Vili Fua: 0800 134 034
www.sbsbank.co.nz(external link)
Telefoni Vili Fua: 0800 727 2265
www.unitymoney.co.nz(external link)
Telefoni Vili Fua: 0800 229 943
Imeli: enquiries@unitymoney.co.nz
www.nbs.co.nz(external link)
Telefoni Vili Fua: 0800 101 700
Imeli: nelson@nbs.co.nz
www.nzhl.co.nz(external link)
Telefoni Vili Fua: 0800 332 837
Afai e le talia sa‘u talosaga mo se faaunegatupe, faamata o le tali lava e tasi mai se isi faalapotopotoga fai nonogatupe?
E eseese faavasegana tau nonogatupe mai le tasi faalapotopotoga i le isi. E tatau ona faatalanoa tulaga e patino ia te oe ma faalapotopotoga fai nonogatupe ua e manatu ai.
O le ā le eseesega o le tupe faamau e faia e le ‘faalapotopotoga o faatauina atu le meatotino’ ma le ‘tupe faamau’?
O lau tupe faamau o le aofaiga lea e moomia mo le faatauina mai o le fale. O le tele o faalapotopotoga fai nonogatupe e tatau lava ona atoa le 20% o le tupe faamau. E moomia le 5% o le tupe faamau mo se Faaunegatupe Muai Fale Faatau. E moomia le faia e le faalapotopotoga o faatauina atu se meatotino se tupe faamau pe afai na talosagaina e le tagata o faatauina atu se vaega tupe e taofi ai le meatotino a o lei faamautinoa se aso e aloaia ai. O tulaga masani ai le taatia atu i le sui lesitala fanua ma fale le tulaga lea seia mautinoa se aso e aloaia ai.
O se inisiua mokesi le Faaunegatupe Muai Fale Faatau?
Leai. O le Faaunegatupe Muai Fale Faatau o se ituaiga o ‘Inisiua Mokesi Faalapotopotoga Fai Nonogatupe’ e avea ma inisiua mo faalapotopotoga fai nonogatupe mai tupe gau pe afai e lei totogia tupe totogi o se faaunegatupe. E ese mai le ‘Inisiua Mokesi’ e puipuia ai le tagata fai nonogatupe pe a suia tulaga e gafatia ai ona totogi, ma ua le totogia tupe totogi o se faaunegatupe.
E fia se tupe ou te totogia mo se Faaunegatupe Muai Fale Faatau?
E tofu lava le faalapotopotoga fai nonogatupe ma le tului totogi ma le totogifuapauina. O le tasi o totogifuapauina e toe faaola ai tupe na totogi e le faalapotopotoga fai nonogatupe mo saofaga o Inisiua Mokesi Faalapotopotoga Fai Nonogatupe na faaee atu e Kāinga Ora e inisiua ai Faaunegatupe Muai Fale Faatau taitasi. O le aofaiga o le totogifuapau e tusa lea ma le 0.5% o le aofaiga o le faaunegatupe. E mafai na faaopoopo le aofaiga lea i luga atu o le faaunegatupe.
E tutusa tulaga uma o moomia e Faalapotopotoga Fai Nonogatupe Muai Fale Faatau mo se Faaunegatupe Muai Fale Faatau?
E le o tulaga uma. E iai tulaga maualalo ua faia e Kāinga Ora e tatau i faalapotopotoga fai nonogatupe ona usitaia, ae iai tulaga e mafai ai e faalapotopotoga fai nonogatupe ona faia se faavasegana ese o se nonogatupe, ma o se tulaga maualalo e tutusa ma tulaga maualalo ua matou fuafuaina.
O le ā se tulaga e oo i ai pe afai ua iai se suiga talu mai na ou maua se faaunegatupe?
Afai ua suia tulaga o fetaiai ma oe i tua atu o se faaunegatupe na e maua, e tatau ona e faatalanoa suiga nei ma le faalapotopotoga fai nonogatupe na e nonō mai ai. E maua ai se tonu o se isi faiga e mafai ai ona toe totogi le faaunegatupe.
Uma na faafou le itulau: 13 February 2024