Faagasologa o auala e saili ai tagata faigaluega

Talosagaina o Avanoa Faigaluega

E faasalalau avanoa faigaluega uma e auala atu i le upegatafailagi: careers.kaingaora.govt.nz(external link)

Tuuina mai se talosaga e faaaoga ai le pepa talosaga e fai i luga o le initaneti(external link) ma e imeli atu se faamaoniga o le maua ai o lau talosaga.

Afai e le o maua se galuega e fetaui tonu i ai se talosaga, e mafai na e lesitala(external link) faamatalaga e tusa ma galuega o fia maua ma o le a faailoa atu galuega e fetaui ma oe ua faasalalauina, po o le faafesootai mai le Vaega Saili Tagata Faigaluega i le kaingaora.recruit@kaingaora.govt.nz

Faagasologa o Auala e Saili ai Tagata Faigaluega

E faaaoga e Kāinga Ora auala faataatia e faagasolo ai le saili o tagata faigaluega ma avanoa e iloa lelei ai le ituaiga tomai ma agavaa o e tauavea, faapena foi na e maua se avanoa e te iloa lelei ai matafaioi a le pulega.

E iai le faamoemoe ia faigofie auala e te saili galuega ai. Faitau faamatalaga i lalo ifo o faamatala ai tulaga e tatau na faamoemoe atu i ai pe a faafaigaluegaina e le Kāinga Ora:

Filifilia - E tele auala tatou te fesootai ai i le vaitaimi atoa o faagasolo ai le tau saili o se isi e faafaigaluega, ma e faalagolago i le ituaiga galuega. E mafai na tatou fesootai i le telefoni, faatalanoa i le video, auai mai i le ofisa, Skype, suesuega tau tomai, feiloai ma fai se ipu kofe po o le faia o se faatalanoaga aloaia.

O le taimi lava e tapunia ai talosaga mo le avanoa faigaluega ona valaau pe imeli atu le Vaega Saili Tagata Faigaluega e faailoa atu pe ua e laasia le avanoa e faatalanoa ai, po o tulaga foi ua lē faamanuiaina ai lau talosaga.

Faatalanoaga - E mafai na faafesootai atu le vaega saili tagata faigaluega i le telefoni, imeli po o feau tusitusia e faatulaga se taimi ma le aso mo se faatalanoaga, ma toe imeli atu se faamaoniga e fua i ai au tapenaga mo lea faamoemoe. E faailoa atu ai foi ma le taimi, aso, nofoaga ma sui o le laulauafono e faia lau faatalanoaga.

E fautuaina, le fua o au tapenaga mo lau faatalanoaga, i faamatalaga o maua i le upegatafailagi, toe tagai i agavaa o faamatalaina i Faamatalaga Avanoa Faigaluega o le a faatalanoaina, ma faamasani i le faiga e ta‘ua o le S.T.A.R. e masani na fua i ai le faatalanoaga - o se metotia e faaaoga e Taitai e faasolo ai fesili.

Sauni ai mo se faatalanoaga

O le toatele lava o sui o le laulauafono e toatolu, ma e tusa ma le itula e fai ai, e aofia ai ma le taimi e tuu avanoa atu ai mo sau fesili.

E fua fesili i le agavaa e tusa ma lau gaioiga na tali atu ai i se mea na tupu. E fesoasoani fesili i le vaega tonu lava lea e iloa ai lou agavaa mo le avanoa faigaluega.

E mafai na faaupu faapea se fesili i le agavaa o lau gaioiga na fai "Faamatala mai se vaitaimi..." po o le "O le ā se faataitaiga o le vaitaimi na e..." ma e tatau na maoti faataitaiga e te faamatalaina ai lou iloa lelei o le galuega. E lelei lou mafaufau po o ā faataitaiga e fetaui tonu ma le avanoa.

E manaia le tali o fesili nei e faaaoga ai le faiga o le S.T.A.R.:

• Faapuupuu le faamatalaina o le Tulaga (Situation) po o le Galuega (Task);
• Faamatala lau Gaioiga (Action) na fai ma le mafuaaga,
• Faamatala le Iuga (Result) po o le taunuuga. E mafai na aofia i ai lesona aogā na e maua mai ai, ma le ese o lau tali i ai pe a toe tomanatu i ai

Tatala le itulau faaopoopo lea e matamata ai i le faiga o se faatalanoaga e fai i le video.

Tulaga e faamoemoe i ai pe a uma se faatalanoaga

E faafesootai atu e faailoa atu isi laasaga e fai, pe a e maua le avanoa faigaluega. E valaau pe imeli atu mo se manatu, pe a e lē maua le avanoa faigaluega.

Isi Suega

E iai avanoa faigaluega, e ono moomia na toe fai se isi faatalanoaga, po o le toe fai o isi suega tau tomai. E ese le pulega e faafoea le suega tau tomai, ma e talosaga muamua lau faatagana e fia faailoa ai faamatalaga e faafesootai atu ai oe e le pulega e faia le suega.

Faamaonia Molimau Faamauina

E moomia foi lau faatagana e faafesootai ai au molimau faamauina (toalua sui). E manaia lau pule o iai nei po o le pule sa iai talu ai e fai ma au molimau faamauina.

Laasaga Sosoo ai

E faafesootai atu e faatalanoa isi laasaga, pe a mae‘a faamaoniga uma.