O se nofoaga sili e faigaluega ai

E tāua i le Kāinga Ora le faatinoga o galuega ma e leai se tuaoi o faamoemoega o fia ausia. E faalagolago sini autu i le galulue faatasi, i le mea e gata mai ai le fai mea silisili, ia tino mai tofa mamao ua autasi i ai.

E iai le talitonuga i le fai mea sili o tagata pe a faatino galuega i se siosiomaga e faatuatuaina, tausiga lelei, fegalegaleai, loto maualalo ma aoaoina. E iai foi le pitolaau e faatino e le pulega e tali atu ai i auala e ausia ai le tofa mamao ua autasi i ai ma tausisia se siosiomaga e fai ma mitamitaga ia i matou uma. E faavae le manuia o le faalapotopotoga i luga o le siosiomaga o faatino ai galuega.

Faamanuiaga mo tagata faigaluega

E saunia e le Kāinga Ora avanoa e mautinoa ai o e maua metotia ma lagolagosua e te moomia e faatino ai galuega e ausia ai sini autu.

E faatulaga totonu o falefaigaluega i faiga e talafeagai ma le faatinoga o galuega auā le faatuputeleina o faiga aogā ma uunaia tagata e tausinio e galulue soosoo tauau ma isi.

O le faanaunautaiga le mafai ona e gafatia galuega ma le soifuaga, ma fesoasoani atu foi i le tau atinaega o tulaga patino ma tulaga tau galuega e auala atu i aoaoga tau tomai e maua atu i le galuega, aoaoga tau tomai, galue faavaitaimi mo se isi matagaluega ma avanoa tau aoaoga.

E tele Faamanuiaga e maua mai i le pulega e aofia ai:

Activity-Based Working (ABW) - e faatulaga totonu o ofisa i faiga e faafaigofie ai le faatinoga o galuega – e faigofie na siitia mai le isi nofoaga i le isi e faatuputeleina ai le aogā o galuega fai ma e faalagolago foi i le galuega. O tulaga masani le faaaoga ai o le ABW i ofisa a le pulega i le motu atoa. Tatala le ​itulau lea e maua ai faamatalaga o le faaaogaina o le ABW i le Kāinga Ora.

Aso Malolo Faaletausaga - e te agavaa mo le 5 vaiaso e malolo ai i le tausaga.

Avanoa Atinaega Tomai Faigaluega - E saunia le tele o aoaoga tau tomai i le galuega/ ma aoaoga i fafo atu, e aofia ai aso malolo e auai ai i aoaoga pe a agavaa i ai. E le gata i lea, matou te fesoasoani atu ia e laasia le isi tulaga maualuga atu i le tau atinaega o tomai faigaluega ma le faatuputeleina o le ola i le Kāinga Ora e auala atu i avanoa e faigaluega faavaitaimi ai mo isi pulega ma isi avanoa e tau atiae ai.

Employee Assistance Programme (EAP) - E maua fua auaunaga EAP ma e lē faalauaiteleina, e maua atu ai taiala/faufautua tutoatasi i auala e taulimaina ai faaletonu patino ma faaletonu e fesootai ma lau galuega.

Siaki Mata ma Matatioata - E maua avanoa faaletausaga e siaki fua ai mata ma se fesoasoani e gafatia ai le tau o matatioata mo aufaigaluega e agavaa ai.

Fetuunai Itula Faigaluega - E malamalama i tulaga e ono moomia ai na e faigaluega i fafo atu o itula masani 8.00 am i le 5.00 pm mo vaiaso taitasi ia fetaui ma oe faapea lou aiga. E lē taofia lo tatou faatulaga faatasi o itula faigaluega ia fetaui ma le galuega/soifuaga, (ma e faalagolago i tulaga e patino ia te oe).

Inisiua Tau Soifua Maloloina - E tele inisiua e ofoina atu, e aofia ai Inisiua Tau Soifua, Tulaga Pagatia ma Inisiua Tau Puipuiga mo Tupe Maua. E le gata i lea, e maua le avanoa mo tagata faigaluega tumau e lesitala ai i le inisiua UniMed Medical ma maua inisiua masani e totogi e le pulega, ma o lau faitalia le faaopoopo o le inisiua ia aofia ai oe ma lou aiga i se tau e gafatia na totogi.

Aso Malolo Faigaluega Umi - E maua e le aufaigaluega tumau ma ē galulue faavaitaimi ua loa tausaga o galulue ai i le pulega aso malolo faigaluega umi e tusa ma tuutuuga tau galuega o faamauina i le taiala faavae mo Aso Malolo Faigaluega Umi.

Aso Malolo Faamātua - E le gata i aso malolo faamātua e totogi e le Malo, matou te totogia se alauni mo aufaigaluega tumau e agavaa ai mo aso malolo faamātua. O se 'faaopoopoga' le alauni i aso malolo faamātua e totogi e le Malo e te maua i lau totogi masani ma e tutusa ma le totogi masani mo le ono vaiaso.

Aso Ma‘i - E amata mai le aso muamua, le maua o aso ma‘i e 15 mo tagata faigaluega e agavaa ai ma le isi 15 aso pe a atoa le sefululua masina talu ona e faigaluega ai.