Auaunaga a le Pulega

E tele aogā o taunuuga lelei o taumafai i ai le Kāinga Ora e faataunuu ma e sili atu ma tulaga o avea ai ma pulega e umia fale po o le vaaia o atinaega o taulaga, ma e avea le pule e faatonutonu ai tulafono e faagaioia ai faiga taualoa e mafai ai e le pulega ona faia suiga lelei i Niu Sila ma le soifua manuia o Tagatanuu. 

O le pule aloaia lea o lo o faamamafa i le Faamatalaga Tofa Mamao:

Fau fale e sili ona lelei, mananaia, faapea le tau atiae o afioaga ma tagata.

E lautele ma eseese matafaioi ua tuuina mai i le pulega, o tagata o faaaogaina a matou auaunaga ma paaga e aiaina galuega matou te galulue faatasi, ma e amata tatupu le manuia o galuega faavae i le malamalama lelei i tagata ma luitau o fetaiai ma i latou i soo se vaipanoa o Niu Sila atoa.

E faaautu le faatumauina o matou galuega i luga o agatausili nei:

Manaakitanga - Faamuamua tagata

Mahi Tahi - Fetausiai

Whanake - Lototele

O le matafaioi autu ua avea ai ma faalapotopotoga le faia o suiga lelei i le soifua ma le ola o tagata.

Igoa na faameaalofa ai

O se igoa tāua tele le faaigoa ai o le pulega Kāinga Ora – Homes and Communities ma e faasino i le tāua o galuega ua tofia ai e faatino, ma galulue faapaaga ai ma tagata Māori.

‘Kāinga’ e faasino i le anofale, ae lē o le tino o le fale.

‘Kāinga Ora’ e faasino i le soifua manuia.

Kāinga Ora e faamatalaina: o le soifua manuia e maua mai le siosiomaga ma tagata.

E te maua se malamalamaaga atoa i le mafuaaga na faaigoa ai le pulega i le igoa lea,  na saunoa ai Te Ariki Pihama – Te Ringa Raupa - Faufautua Sili Māori a le Kāinga Ora ma le Minisita Nanaia Mahuta.

Maimoa i le video(external link) pe fai se kopi o le Kāinga Ora - faaleoga o le igoa [PDF, 64 KB].

O se pulega maoae e vaaia fale o nofoia e tagata lautele

Pe ā ma le 200,000 tagata ma o latou aiga o saunia i ai e le Kāinga Ora auaunaga mautotogi ma e lata i le 69,000 fale o umia ma vaaia a o faapena foi le saunia oloa mo fale umia ma isi auaunaga. E faamuamua e le pulega le soifua manuia o tagata nofo mautotogi, ma saunia fale e tulaga lelei, mafanafana ma matū lelei i le nofo.

Atinaega o le taulaga

E taulai foi galuega fai a le Kāinga Ora i le faataunuuina o atinaega o taulaga e fesootai ai aiga i galuega, auala mo feoaiga lautele, nofoaga faitele ma nofoaga o moomia e tagata. E aofia ai le vave faatino o galuega ina ia maua fanua o avanoa ma fetaui lelei mo le fau ai o fale, ma fau ituaiga fale eseese e aofia ai fale mo tagata lautele, fale e gafatia na totogi, fale mo tagata muai faatau se fale ma fale tumaoti e eseese fausaga, lautele ma aiaiga e nofoia ai.

E lata i le 7,000 fale na matou fauina i le fa ma le ‘afa tausaga ua mavae atu, ma o se vaega tele o fale nei o fale fou ma e lata i le $40 piliona le tau aogā o aseta a le pulega.

E tau auala mai atinaega tetele avanoa e fau ai fale e 40,000 mo tagata lautele, fale e gafatia na totogi ma fale tumaoti ma o le faamoemoe lea o fia faataunuu i le isi 10-15 tausaga o sosoo ai.

Faiga faapaaga

O se taumafaiga e le mafai na faatino toatasia e le Kāinga Ora. O lo o galulue faapaaga le pulega ma isi, e aofia ai pulega faalotoifale, matagaluega a le malo, malo faalotoifale, Māori ma mana whenua, faalapotopotoga saunia atinae tetele, ma faalapotopotoga saunia apitaga. Matou te saunia avanoa e faagaioia ma faamaopoopo ai, nai lo le faatautavā, ma fefaatauaiga tumaoti.

Faiga faapaaga ma Māori

O le tasi o matafaioi autu a le pulega le malamalama, lagolago ma faagaioia faanaunautaiga o tagata Māori mo atinaega o le taulaga. O lona uiga ia faaaoga auala e faatino vave ai talatalaga aogā ma Māori a o faagaioia atinaega o taulaga, malamalama i manatu o tagata Māori ma faagaioia avanoa mo Māori e auai ai i atinaega o taulaga.

Tulaga o le pulega i faiga faavae o saunia ai fale mo tagata lautele

E tai tutusa tiute tauave mo fale ma le atinaega o taulaga a le Kāinga Ora ma le Ministry of Housing and Urban Development. O le matafaioi a le Matagaluega le taitaia o faiga faavae mo le atinaega o fale ma taulaga, taiala faavae, vaavaaia ma fautuaina le Malo i alafua faataatia.

Matou te galulue vavalalata foi ma le Ministry of Social Development, o lo o nafa ma galuega fai faatasi ma tagata o moomia fale, lagolagosua mo tupe maua ma tulaga tau galuega ma fesoasoani ia maua e tagata apitaga e nonofo ai mo se vaitaimi umi, ma fesoasoani i tupe alu mo le nofoia o apitaga mo tulaga faafuaseia mo se vaitaimi le tumau.