Lagolagosua mo tagata o Nofoia fale

O Lagolagosua Mautotogi e saunia ai fale ma le fesoasoani mo tagata e iai manaoga faapitoa, tagata e le atoatoa le malosi o le tino, tagata e ono leai se fale e nofo ai, tagata e faaletonu le mafaufau, tagata o fetaiai ma sauaga faalotoifale, pagota ua magalo ma toe tau faamasani i le soifuaga, ma le tele o isi auaunaga.

O se vaega taua lea o auala o faia i Niu Sila e tali atu ai i le moomia o fale, ma o se taulaiga autu lea mo Kāinga Ora.

Pe a ma le 3,700 fale a le Kāinga Ora i le atunuu atoa o faafoea e le 240 ma ona tupu faalapotopotoga e ta‘ua o Supported Housing Providers, i lalo o le faiga Transitional Housing, po o le Community Group Housing.

O la matou matafaioi i le faafoega o Lagolagosua mo tagata o Nofoia fale

E faalagolago le faataunuu lelei o le Supported Housing, i le galulue vavalalata o Kāinga Ora ma vaega o faatupea le polokalame ma faalapotopotoga o faafoea le Supported Housing Provider.

O le faitalia o faalapotopotoga o faatupea vaega nei le faamaoti o auaunaga latou te faatupea, o le faalapotopotoga latou te faatupea, ma faalapotopotoga e saunia auaunaga. E lagolagoina e Kāinga Ora le saunia o fale e mafai ona nofo mautotogi ai po o le lisi e tuuina sa‘o i se Faalapotopotoga e Faatupea po o se faalapotopotoga e Saunia auaunaga na latou faatupea. O faataitaiga o Faalapotopotoga e maua mai ai Fesoasoani Tupe e aofia ai Ara Poutama Aotearoa - Department of Corrections, Oranga Tamariki - Ministry for Children, Whaikaha - Ministry of Disabled People ma le Te Manatū Whakahiato Ora - Ministry of Social Development.

Supported Housing Strategic Plan

Na saunia e le Kāinga Ora le Supported Housing Strategic Plan, e maua ai e tagata le alafua faataatia e taulai i ai galuega a o faapena ona faatupu ma fetuunai tulaga o se Transitional Housing ma le Community Group Housing mo tagata ma aiga o moomia fale.

Faitau i le aotelega o le Strategic Plan [PDF, 1.3 MB].

Transitional Housing

O le Transitional Housing e maua ai fale mo tagata ma aiga o moomia vave se apitaga e nonofo ai mo se vaitaimi le tumau, ma fesoasoani i tagata ia maua se tali lelei o mea o moomia, e aofia ai auaunaga a le Work and Income, fautuaga tala o le tupe ma auaunaga faalesoifua maloloina.

E maua ai sina mapusaga e pei o apitaga mo tulaga faafuaseia e nonofo ai i faletalimalo laiti po o le api i fale o uo ma aiga, ma apitaga e nofo ai mo se vaitaimi umi.

E lisi e le Kāinga Ora fale i paaga faapitoa o saunia Transitional Housing, ma ua faakonekarateina e le Te Tūāpapa Kura Kāinga - Ministry of Housing and Urban Development (HUD).

Faitau i le tele o fale a Kāinga Ora o avea ma Fale Nofo Faavaitaimi.

E maua isi faamatalaga o Fale Nofo Faavaitaimi i le upegatafailagi HUD(external link).

Lesitala e avea ma auaunaga Transitional Housing

Afai e te fia saunia Fale Nofo Faavaitaimi, tagai i le upegatafailagi HUD(external link) mo le faiga o se talosaga.

Community Group Housing

E saunia e Community Group Housing fesoasoani mo tagata o nofoia fale ma tagata e le o nofoaia fale e patino ma lavelave manaoga. E mafai ona aofia ai tulaga nei:

tagata o fetaiai ma faaletonu o le mafaufau
tagata e le atoatoa le malosi o le tino ma/po o le telegese o le mafaufau
tagata e tagofia fualaau faasaina po o le afaina i tuinanauga
tagata o moomia se nofoaga e sulufai i ai
aiga o moomia apitaga nofo faavaitaimi mo tulaga faafuaseia
tamaiti/tupulaga o feagai ma tulaga e lamatia ai
fesoasoani mo aiga (e pei o le Plunket, Barnardos, Tamariki Ora, faasoasoa tala o le tupe).

E tuuina sa‘o atu e Kāinga Ora fale e mautotogi pe lisi e Community Group Housing Providers. E filifili lelei fale ia fetaui lelei ma tulaga o moomia e se Auaunaga e saunia fale ma tagata o faaaogaina a latou auaunaga, ma e iai tulaga e tatau ai i le Kāinga Ora ona faia suiga e mautinoa ai le ausia o tulaga moomia na malilie uma i ai.

E sili atu ma le ‘afa o fale ua matou saunia e tai 1, 2 ma 3 potumoe, ma le vaega o totoe e maua ai potumoe e 4, 5 ma sili atu. O le fale pito telē na matou saunia e fai ma Community Group Housing e maua ai le 18 potumoe.

Faitau i le tele o fale a Kāinga Ora o avea ma Community Group Housing.

Lesitala e avea ma auaunaga Community Group Housing

E mafai ona tuuina sa‘o talosaga i le Kāinga Ora mo le fia avea ai ma Community Group Housing e faaaoga ai se fale a Kāinga Ora. E faataunuu le saunia o fale i luga o tulaga o faatupeina ma le maua o punaoa. E faalagolago le agavaa ai i luga o tulaga nei:

faatupeina e se isi matagaluega a le malo mo le saunia o auaunaga
faamaonia, sueina faasuetusi ma vaavaaia e se isi matagaluega a le malo mo le saunia o auaunaga
se faalapotopotoga faameaalofa faamauina, se sosaiete tuufaatasi po o se pulega (e pei o se kamupani umia toatasi) ma;
o lo o lava tupe e faatautaia ma gafatia ai mautotogi mo fefaatauaiga faamaketi, ma talafeagai faiga e pulea ai ma faiga e vaavaaia ai e lagolagoina ai le auaunaga.

E le agavaa faalapotopotoga o saunia Transitional Housing o faatupea e le Ministry of Housing and Urban Development po o le Department of Corrections mo le maua o se fale e fai ma Community Group Housing.

A fia lesitala se talosaga po o le fia iloa o tulaga e agavaa ai, valaau mai i le 0800 801 601.

Auaunaga o saunia Community Group Housing

O le vaega lea e maua ai faamatalaga talafeagai pe afai o tou faaaogaina matou fale e mautotogi ai pe lisi atu.

Suia tulaga

O vaega toatele o lisi pe mautotogi i Nofoaga Faatasiga Faitele e faamalosia le faailoa i le Kāinga Ora o tulaga ua suia, ma e lelei pe a faailoa muamua a o le i faagasolo le faatinoga o ni suiga. E mafai ona afaina le agavaa ai o se faalapotopotoga mo se fale e avea ma CGH, pe a suia tulaga, atoa ma tulaga e tausisia, lagolagosua mautotogi ma tuutuuga o se konekarate o faatupeina. E mafai ona aofia ai tulaga nei:

suiga i konekarate faatupeina
suiga o se auaunaga
suiga i se faalapotopotoga
suiga i auala e maua ai tupe maua
suiga i tagata o faaaogaina auaunaga
suiga i tulaga moomia o le fale

Afai e iai ni suiga o mafaufauina mo se faalapotopotoga o saunia Community Group Housing, po o le tupu ai o suiga, faamolemole faafesootai mai i le 0800 801 601 e faatalanoa lau mataupu.

Polokalame Lagolagosua Mautotogi

E ono agavaa auaunaga o saunia fesoasoani mo tagata o moomia tausiga faaopoopo o nonofo i fale ua saunia, aiga, tausiga ma auaunaga tau mapusaga (tagata o moomia tausiga faaopoopo o nofoia le fale ma tagata o moomia tausiga faaopoopo e le o nofoia fale) mo se Lagolagosua Mautotogi. E faalagolago le aofaiga o le saofaga a le malo, ma le faalapotopotoga e mauaina, i le ituaiga auaunaga o saunia.

O le faamoemoe o le polokalame le lagolagoina o faalapotopotoga o saunia fale o mafai ona faamaonia i tupe maua tulaga e le gafatia ai ona ausia le totogi o le fale faatusatusa i le tau o fale mo fefaatauaiga faamaketi mo le fale na matou tuuina atu e faaaoga mo tulaga mautotogi.E aofia ai tupe maua mai alagaoa nei:

isi konekarate a le malo e patino lava mo mautotogi
saofaga mo mautotogi mai tagata o nofoia fale ma/po o isi tagata o faaaogaina auaunaga
foai po o fesoasoani faameaalofa e patino lava mo mautotogi.

E iai le manatu o le a gafatia e se faalapotopotoga ono totogi fale i le tau mo fefaatauaiga faamaketi mo le fale na matou tuuina atu e faaaoga mo tulaga mautotogi, talu ai le lē faatumauina o le Polokalame Lagolagosua Mautotogi.

E le mafai ona faaaoga lagolagosua mautotogi mo tulaga nei:

Auaunaga nofo faavaitaimi o faatupe e le Ministry of Social Development ma le Ministry of Housing and Urban Development (o auaunaga foi nei e le agavaa mo se Community Group House).
Auaunaga o saunia tausiga e lagolagoina tagata ia maua le ola tutoatasi.
Tupe alu mo le faaavanoaina o nofoaga mo galuega faaofisa po o apitaga mo le aufaigaluega.

E lē faatumauina le Polokalame Lagolagosua Mautotogi, ma e iai le faamoemoe o le a taumafai se Faalapotopotoga e totogi le fale i le tau o fale mo fefaatauaiga faamaketi mo le fale na matou tuuina atu e faaaoga mo tulaga mautotogi.

E tatau ona toe iloilo fesoasoani tupe mo mautotogi i taimi uma e i ai se suiga i tulaga o fetaiai ma oe, ona e ono aafia ai tulaga e te agavaa ai. O tulaga nei tatou te toe autilo i ai faaletausaga.

Faafesootai mai le Kāinga Ora service centre i le 0800 801 601 mo nisi faamatalaga o moomia.

E fia talosaga e taliaina mo se Lagolagosua Mautotogi?
E moomia ona tuuina mai se talosaga ua mae‘a lelei ona fai mo se fesoasoani mo tupe e totogi ai fale mautotogi, e aofia ai faamaumauga atoatoa, mo vaitaimi e suia ai tulaga na muai faailoa mai, e pei o fesoasoani tupe po o le saunia o se auaunaga. O tulaga nei tatou te toe autilo i ai faaletausaga. Tuuina mai faamatalaga o konekarate o faatupeina o se vaega o se talosaga ma e tatau ona manino lelei ai vaega tupe ua faakonekarateina.

E agavaa ai i latou o maua le fesoasoani e soifua ma ola tutoatasi ai mo se Lagolagosua Mautotogi?
Leai, talu ai e le o moomia tele se fesoasoani mo tagata o soifua ma ola tutoatasi ma e agavaa mo isi saofaga a le malo e totogi ai apitaga, e pei o le Accommodation Supplement. E mafai e le Ministry of Social Development (MSD) ona faamautinoa pe faamata o mafai e tagata o faaaogaina tou auaunaga ona agavaa e maua isi saofaga a le malo e totogi ai apitaga.

E mafai e faalapotopotoga o saunia fale ona talosaga mo se Lagolagosua Mautotogi mo fale e nofo faavaitaimi ai o faatupe e le Ministry of Social Development po o le Ministry of Housing and Urban Development?
Leai, o auaunaga mo fale e nofo faavaitaimi ai o lo o faatupe e le Ministry of Social Development ma le Ministry of Housing and Urban Development e le agavaa mo se Lagolagosua Mautotogi, po o Apitaga mo Faatasiga Faitele. Faafesootai lau Funding Contracts Manager mo nisi faamatalaga.

O ā tulaga matou te iloiloina pe a faatusatusa i ai se aofaiga o se Lagolagosua Mautotogi?
E faalagolago foi i ituaiga auaunaga o saunia, ma e tele tulaga e tatau ona iloilo pe a faia se faatusatusaga o se Lagolagosua Mautotogi:

Fesoasoani tupe a le malo mo le mautotogi na tou maua;
Saofaga mautotogi na maua atu mai tagata o faaaogaina auaunaga;
Foai ma fesoasoani faameaalofa e patino lava mo mautotogi;
O le aofaiga o potumoe o le fale;
O le aofaiga o tagata e faaaogaina auaunaga; ma le
Aofaiga o potumoe e faaaoga faaofisa pe faaaoga e le aufaigaluega.

E aofia i le Lagolagosua Mautotogi potumoe ua faaofisa pe faaaoga mo le aufaigaluega?
Afai o aofia i tuutuuga na tatou malilie faatasi i ai le saunia o auaunaga mo tagata o moomia tausiga faaopoopo o nofoia le fale, faaaoga potumoe e le aufaigaluega po o le faaofisa o potumoe, o lona uiga e le faitauliaina i le aofaiga atoa o potumoe pe a faia le faatusatusaga o se aofai atoa o le Lagolagosua Mautotogi.

Afai o aofia i tuutuuga na tatou malilie faatasi i ai le saunia o auaunaga mo tagata o moomia tausiga faaopoopo e le o nofoia le fale, o lona uiga e le mafai ona nofo se isi i le fale. E faia se faatusatusaga o le aofai o le Lagolagosua Mautotogi i luga o fesoasoani tupe, foai ma saofaga a le tagata o faaaogaina auaunaga mo se mautotogi. E le faitauliaina ai le aofai o potumoe o se fale.

O le ā tonu faamatalaga matou te faaaogaina e faia ai se aofaiga sa‘o o le mautotogi e totogi?
Faamolemole tagai i le mautotogi na tuuina sa‘o atu mai le auaunaga mo le tala o le tupe faaletausaga talu ai. Na e faaaoga lea o le aofaiga lea e fuafua i ai le mautotogi mo le tausaga fou.

O fea tonu le vaitaimi e moomia mo le suesueina faasuetusi?
O faamatalaga e sueina faasuetusi e te tuuina mai o tala o le tupe faaletausaga mai le tausaga ua tea auā o le tala o le tupe pito lata mai lea.

E faapefea ona ou faia se aofaiga o se mautotogi faalevaiaso e faatupe e le Malo pe afai e eseese aofaiga tupe mo auaunaga taitasi?
Faamolemole faailoa mai se aofaiga faatusatusa masani. E faalagolago le aofaiga lea i le aofaiga o le mautotogi na maua atu mai le konekarate o faatupeina ai.

E le o ta‘ua i la matou konekarate o faatupeina le aofaiga e patino lava mo mautotogi. O le ā le faiga e tatau ona matou faaaogaina?
E iai konekarate e manino lelei ai lava le aofaiga o le mautotogi, ae matou te iloa e le o le tulaga lea mo konekarate uma. E moomia na tou talanoa i le faalapotopotoga o faatupea le tou auaunaga e iloa ai le aofaiga sa‘o o le mautotogi. Afai e le o mafai lava ona tou faavasega se aofaiga e patino lava i le mautotogi, e fautuaina le tagai i le tausaga ua tea e iloa ai le telē o le fesoasoani tupe na faaaoga mo le mautotogi. Na tou maua lea o se faatusatusaga o le aofaiga o le fesoasoani tupe a le Malo e faaaoga mo le mautotogi i le tausaga o iai nei.

E iai le fua faatatau i le aso mo la matou konekarate faalesoifua maloloina ae ese le aofaiga e faaaoga mo manaoga eseese. E faapefea ona matou faia se aofaiga o se fua faatatau mo le fia faatalosagaina o se Lagolagosua Mautotogi?
Fuafua le aofaiga mautotogi mo aso taitasi, mo auaunaga taitasi. O le aofaiga atoa mai le fua faatatau lea tou te tusia i le talosaga mo se Lagolagosua Mautotogi. Afai o tou umia faamatalaga mai le tausaga ua tea i tupe na tou maua mai mautotogi, na faaaoga lea e fuafua i ai le aofaiga mautotogi mo le tausaga fou.

Matou te maua le Residential Support Subsidy a le Ministry of Social Development mo nisi o faaaogaina a matou auaunaga. E faapefea ona matou iloa le aofaiga o le saofaga a le malo e faaaoga i mautotogi?
O le Residential Support Subsidy e faaaoga e totogi ai apitaga ma e faaaoga le penefiti a tagata o lo o faaaogaina tou auaunaga e totogi ai tupe alu laiti. E maua foi e le tagata o lo o faaaogaina tou auaunaga se alauni patino i le tagata mai le Ministry of Social Development. E tatau na e faailoa mai le aofaiga o le Residential Support Subsidy o tou maua mo tagata o faaaogaina tou auaunaga, po o le aofaiga o le mautotogi po o le tau faaee atu i se tasi o faaaogaina se potu. E maua nisi faamatalaga o le Residential Support Subsidy, i le upegatafailagi a le Ministry of Social Development.

O a faamaumauga e tatau ona faailoa mo tulaga e le o ausia ai le mautotogi o fefaatauaiga faamaketi i vaiaso taitasi?
E moomia le tuuina faatasi mai ma faamaumauga mo fesoasoani tupe ma tala o le tupe, o soo se fuafuaga e siitia ai fesoasoani tupe po o tupe maua, e pei o sailiga tupe po o nisi tau faaee faaopoopo e totogi e tagata o faaaogaina tou auaunaga. E tatau foi ona e faailoa mai faatulagana eseese o isi tupe alu.

Afai o iai nisi tulaga o fia malamalama atili i ai faamolemole faafesootai mai le Supported Housing Regional Lead i le 0800 801 601 po o le imeli mai.

Uma na faafou le itulau: 25 January 2024