Te Whare Noho e Tautokona Ana

Ka whakaratoa e te Whare Noho e Tautokona Ana te whare noho me te tautoko tino kairangi mō te hunga e pāngia ana e ngā hauātanga ā-hinengaro, mō te hunga hauā ā-tinana, mō te hunga e mōrearea ana kei kore kāinga ai, mō te hunga e pāngia ana e ngā raru hauora ā-hinengaro, mō te hunga kua pāngia e te riri ā-whare, mō ngā herehere e hoki atu ana ki roto i te pāpori, mō te maha atu anō hoki.

He wāhanga waiwai tērā o te rongoā whakarato whare noho o Aotearoa, hei aronga matua mō Kāinga Ora anō hoki.

Tōna 3,700 ngā whare a Kāinga Ora huri noa i te motu e whakahaerehia ana e te neke atu i te 240 Kaiwhakarato Whare Noho e Tautokona Ana he mātanga rātou, hei Whare Takawaenga, hei Whare Noho Hapori rānei.

Tō mātou tūranga mō te Whare Noho e Tautokona Ana

Kia tuku pai i te Whare Noho e Tautokona Ana, ka mahi tata atu a Kāinga Ora ki ngā kaituku pūtea, ki ngā whakahaere Kaiwhakarato Whare Noho e Tautokona Ana hoki.

Ka whakatau ngā kaituku pūtea he aha ngā ratonga ka utua e rātou, mō wai, ā, mā wai e whakarato i ērā. Ka tautoko atu a Kāinga Ora mā te whakaratonga o te kāinga e rētihia ana, e rīhihia ana rānei e mātou tōtika ki tētahi Kaituku Pūtea, ki tētahi atu whakahaere Kaiwhakarato rānei kua utua e rātou. Ko ngā tauira o te Kaituku Pūtea ko Te Ara Poutama Aotearoa, Oranga Tamariki, Whaikaha me Te Manatū Whakahiato Ora.

Te Mahere Rautaki mō te Whare Noho e Tautokona Ana

Kua whakawhanake a Kāinga Ora i tētahi Rautaki mō te Whare Noho e Tautokona Ana, e tuku ai i te ahunga rautaki ki ā mātou tāngata i a mātou e tipu haere ana, me te whakatipu tonu i tā mātou whakarato i te Whare Takawaenga me te Whare Noho Hapori mō ngā tāngata, mō ngā whānau e matea ana. 

Pānuitia tētahi whakarāpopoto o te Mahere Rautaki [PDF, 1.3 MB].

Te Whare Takawaenga

Ka whakaratoa e te Whare Takawaenga te whare noho taupua mō ngā tāngata, mō ngā whānau whai matea whare noho kōhukihuki, tahi ki ngā ratonga tautoko hei āwhina i a rātou ki te anganui ki ō rātou matea, tae atu ki ngā ratonga a Te Hiranga Tangata, ki te tohutohu penapena pūtea, ki ngā ratonga hauora anō hoki.

Ko te Whare Takawaenga ko te piriti i waenga i te whare noho he iti iho te whita pērā i te wāhi noho kōhukihuki ki ngā mōtera, te noho ki te kāinga o ngā hoa, o te whānau rānei, me te wāhi noho whita wā-roa.

Ka rīhi atu a Kāinga Ora i ngā whare ki ngā kaiwhakarato kiritoru mātanga o ngā Whare Takawaenga, ka kirimanahia e Te Tūāpapa Kura Kāinga (HUD).

Tirohia te nui o ngā kāinga nō Kāinga Ora i tā mātou kōpaki Whare Takawaenga.

Ka rapua ētahi atu mōhiohio mō te Whare Takawaenga ki te paetukutuku a HUD(external link).

Tū mai hei Kaiwhakarato Whare Takawaenga

Ki te hiahia koe ki te whakarato i ngā ratonga Whare Takawaenga, torohia te paetukutuku a HUD(external link) mō ngā mōhiohio mō te tono mai.

Ngā Whare Noho Hapori

Ka whakaratoa e te Whare Noho Hapori ngā whare noho ā-hapori me ngā whare ā-hapori ehara i te whare noho, mā te hunga kua whai matea tauwhaiti, ko te tikanga he matatini anō hoki. I roto pea i tēnei ko:

• ngā tāngata e pāngia ana e te mate hinengaro
• ngā tāngata e pāngia ana e ngā hauātanga ā-tinana, ā-hirikapo hoki/rānei
• ngā tāngata e kai whakapōauau ana, e pāngia ana e ngā waranga rānei
• ngā tāngata e hiahia ana ki te āhuru mōwai
• ngā whānau e hiahia ana ki te whare noho ohotata
• ngā tamariki/rangatahi e mōrearea ana
• te tautoko whānau (pērā i Plunket, i Barnardos, i a Tamariki Ora, i te penapena pūtea rānei).

Ka rēti, ka rīhi rānei a Kāinga Ora i ngā papanoho tōtika atu ki ngā Kaiwhakarato Whare Noho Hapori kiritoru mātanga. Ka āta tīpakohia ngā kāinga hei whakatutuki i ngā hiahia o te Kaiwhakarato me ā rātou kiritaki, ā, ina hiahiatia, ka whakamahi a Kāinga Ora i ngā whakarerekētanga hei whakarite kia whakatutuki te kāinga i ngā here kua whakaaetia.  

Neke atu i te haurua o ngā kāinga e whakaratohia ana e mātou he papanoho e 1-, e 2-, e 3- hoki ngā rūma moe, ā, ko te toenga e 4-, e 5-, neke atu rānei. 18 ngā rūma moe o te papanoho tino rahi ka whakaratohia e mātou mō te Whare Noho Hapori.

Tirohia te nui o ngā kāinga nō Kāinga Ora i tā mātou kōpaki Whare Noho Hapori.

Kia tū hei kaiwhakarato Whare Noho Hapori

Ka taea e ngā whakahaere e māraurau ana te tono tōtika ki a Kāinga Ora kia tū hei Kaiwhakarato Whare Noho Hapori ki tētahi whare a Kāinga Ora. Ka whakarato whare noho ina wātea mai ki a mātou ngā pūtea me ngā rawa. Kia māraurau hei tono ki tētahi kāinga me pēnei ngā rōpū:

• me whai pūtea i tētahi atu tari kāwanatanga hei whakarato ratonga
• me whai whakamanatanga, me tātari, me aroturuki hoki e tētahi atu tari kāwanatanga hei whakarato i ngā ratonga
• he kaupapa aroha rēhita, he manatōpū, he hinonga rānei (hei tauira, he kamupene taunaha tāpui) me te;
• whai pūtea rawaka kia whakahaere, kia taea hoki te rēti mākete, ā, me whai i te tukanga mana whakahaere tika, me te hanganga whakahaere tika hei tautoko i te ratonga.

Ko ngā rōpū e whakarato ana i te Whare Takawaenga e utua ana e Te Tūāpapa Kura Kāinga, e Poutama Aotearoa rānei, kāore i te māraurau mō te papanoho Whare Noho Hapori.

Hei rēhita i tō hiahia ki a mātou, te rapu kōrero atu anō rānei mō ngā paearu māraurau, waea mai ki 0800 801 601.

Ā mātou Kaiwhakarato Whare Noho Hapori

Mēnā e rēti ana, e rīhi ana rānei koe i tētahi whare hapori i a mātou, kei roto i tēnei wāhanga ngā mōhiohio hāngai mōu.

Kia huri ngā āhuatanga

Ko ngā rōpū kei te rēhi, rēti rānei i ngā whare o te Whare Noho Hapori e herea ana rātou ki te whakamōhio atu ki a Kāinga Ora mō ngā huringa ki ō rātou āhuatanga, otirā i mua noa atu o te pānga mai o tētahi huringa.  Ka pā pea te huringa o ngā āhuatanga mō tētahi Rōpū ki tō rātou māraurau ki tētahi papanoho CGH, ki te tautukunga, ki te tautoko rēti, ki ngā kawenga hoki i raro i tō kirimana whiwhi pūtea. I roto i tēnei pea ko:

• he huringa ki ngā kirimana pūtea
• he huringa ki te ratonga
• he huringa ki te rōpū
• he huringa ki ngā puna o te moni whiwhi
• he huringa ki ngā kiritaki
• he huringa ki ngā whakaritenga papanoho

Mēnā he huringa ki tētahi rōpū Whare Noho Hapori e haere ake nei, mēnā rānei kua tū kē he huringa, whakapā mai ki a mātou ki 0800 801 601 kia kōrerorerohia.

Te Kaupapa Tautoko Rēti

He ratonga e whakarato ana i te tautoko mō ngā tāngata i ngā āhuatanga noho e tautokona ana ā-whare, ki te whānau, mō ngā whānau, mō ngā ratonga oranga me te whakatā (ko te mea ā-whare, ko te mea ehara i te whare hoki) ka māraurau pea ki te Tautoko Rēti. E hāngai ana te nuinga o te utu tāpiri, me te tangata ka taea te whiwhi i tērā, ki te momo ratonga e whakaratohia ana.

E takunetia ana te kaupapa kia tautoko i ngā rōpū hapori ka taea te whakaatu tē taea e te moni whiwhi ka riro i a rātou te whakatutuki i te rēti mākete me utu mō te papanoho ka rētihia e rātou i a mātou.  I roto i tēnei ko te moni whiwhi mai i ngā puna e whai ake nei:

• ētahi atu kirimana kāwanatanga e āta tautuhia ana ki te rēti
• ngā takoha ki te rēti mai i ngā kainoho, i ngā kaiwhakamahi ratonga hoki/rānei
• ngā koha me ngā tuku e āta tautuhia ana mō te rēti.

He kawatau kia mahi te rōpū kia anga atu ki te utu i te rēti mākete mō ngā papanoho e rētihia ana e rātou i a mātou, nā te mea ehara te Kaupapa Tautoko Rēti i te otinga wā-roa.

Kāore te tautoko rēti i te wātea mō:

• Ngā ratonga whare takawaenga e utua ana e Te Manatū Whakahiato Ora me Te Tūāpapa Kura Kāinga (kāore hoki ēnei ratonga i te māraurau ki tētahi Whare Noho Hapori rānei).
• Ngā ratonga e whakarato ana i te tautoko mō ngā tāngata i ngā āhuatanga noho motuhake.
• Ngā utu o te whakarato i te wāhi tari, i te wāhi noho kaimahi rānei. 

Ehara te Kaupapa Tautoko Rēti i te otinga wā-roa, ā, he kawatau kia mahi te rōpū kia anga atu ki te utu i te rēti mākete mō ngā papanoho e rētihia ana e rātou i a mātou.

Me mātua arotake ngā tautoko rēti ina rerekē ōu āhuatanga, i te mea ka whai pānga pea tēnei ki tō āheitanga. Ka tirohia tēnei me koe i ia tau.

Kia rapu i ētahi atu mōhiohio, waea mai ki te pokapū ratonga o Kāinga Ora ki 0800 801 601.