Pā Harakeke - Te Anga Whiwhi Ratonga Toitū me te Pāpori

Matakitenga

Ina toro ana ki ngā kaiwhakarato, ka rapu a Kāinga Ora ki te tuku uara pāpori me te arumoni mā te whakauru mai i ngā whāinga whiwhinga pāpori me te toitū, ina tika ana.

Ka whakapau kaha mātou ki te whiri i ēnei whāinga ki ā mātou whāinga arumoni me te hapori, e whakarite ana he ōrite ngā aho katoa kia kaha ai, kia pakari ai ngā putanga ka whiria e Kāinga Ora mō Aotearoa, pērā anō i te harakeke.

Ngā Whāinga

• Te whakarato i ngā hapori tū pakari me te momoho mō ngā tāngata katoa o Aotearoa
• Te takahuri i te āhua o te noho, te tākaro me te mahi a ngā tāngata o Aotearoa
• Te arotahi ki te oranga o ngā kiritaki onāianei, o āpōpō

Tē taea e Kāinga Ora te whakarato ko ia anake. Ka mahi mātou me ētahi atu, tae atu ki ngā kaunihera, ngā tari kāwanatanga, ngā kaunihera ā-rohe, ngā Iwi me ngā Rōpū Māori, ngā kaiwhakarato tūāhanga, ngā kaiwhakarato tūmataiti, ngā hoa mahi ngātahi arumoni, ngā kaiwhakarato me ngā kaiwhakarato whare noho hapori, hei tuku wāriu.

E tautoko ana tā mātou Anga Whiwhi Ratonga Toitū me te Pāpori i ā mātou whāinga ā-whakahaere me tā mātou matakitenga matua kia whaitake ai mātou mā te waihanga i ngā kāinga, hapori me ngā ao pai ake, mārama ake, ā, e hāngai ana ki te whāinga o Aotearoa ki te tuku uara nui ake mā ngā whakapaunga, e mōhiotia ana ko tana 'Anga Putanga Whānui Ake.'

Ko te whāinga o te Anga Whiwhi Ratonga Toitū me te Pāpori ngā tūpuna (ngā rau harakeke pakeke) ka whiria e mātou ki roto i ā mātou whiwhi ratonga. Ka tautoko tahi ēnei tūpuna tētahi ki tētahi, ā, ka piki tō tātou kaha i roto i te wā ki te whakauru mai i ēnei, ka taea e mātou te tuku otinga pānga nui i roto i te wā.

Ō Mātou Paiherenga Hira

I te wā kei te whakaurua mai ngā whāinga pāpori me te toitū ki ā mātou arawātea whiwhi ratonga, mā ēnei paiherenga me ēnei koronga mātou e ārahi.

Me whiriwhiri me whakarite i ngā pānga o te Māori

• Te kōrerorero tahi me ngā Iwi / Rōpū Māori kia mārama ai me te whakamahi i ngā tirohanga o te Ao Māori.
• Te tautuhi, te whakamana me te tiaki i ngā pānga whenua Māori.
• Te mārama ki ngā mahi kirimana onāianei me ngā hinonga Māori me te whakatipu i tō rātou kaha arumoni.
• Te tautoko me te whakamana i ngā wawata o ngā Iwi / Rōpū Māori.
• Te whakauru mai i te Ao Māori me ngā putanga hāngai i roto i ā mātou kirimana matua.

Te Whakamana i Ngā Hapori Momoho

• Te hanga arawātea mō ngā kiritaki a Kāinga Ora kia uru mai ki ngā kaupapa o te rohe.
• Ka hīkina ko te hauora me te haumaru o te ohu mahi me ngā hapori hei kaupapa matua.
• Te whakarite kei te tūhono ngā kaiwhakarato ki ngā hapori e mahi nei rātou.
• Te whakamana i ngā arawātea mō ngā umanga Pasifika, ngā umanga pāpori me ngā pakihi o te rohe.
• Te hanga arawātea mō ngā umanga pāpori hei whakaroto ki roto i ngā kaupapa.

Te whakapiki ake i Ngā Arawātea Whakawhanake Ohu Mahi me te Whai Mahi

• Te haumi ki ngā arawātea whakawhanake pūkenga mō ō mātou rōpū whāiti.
• Te whakatenatena me te tautoko i ā mātou kaiwhakarato kia whai wāhi atu ki ngā kaupapa mahi pia me te whakangungu ōkawa.
• Te tautoko i ngā ara ki te mahi hangatanga mō ngā rōpū whāiti, otirā mō te Māori.
• Te tautuhi arawātea hei rapu rawa me ngā ratonga mai i ngā umanga pāpori me ngā pakihi o te rohe.

Me tū hei Kaiārahi i roto i te Toitūtanga o te Taiao

• Te whakarite ka uru ki ngā mahere hangatanga ko te whakaiti para, te mahi tukurua me ngā whiriwhirihanga putu.
• Te whakarite ka uru ki ngā hangatanga hou katoa ko ngā hua toitū me te whai kē i ngā rawa whakahou i roto i te whakanao hua.
• Te whakatenatena me te tautoko i ngā kaiwhakarato kia whiwhi whāinga whakaiti waro.
• Te whakarite ka whakahaerehia ngā pānga toitūtanga puta noa i ngā ara ratonga, tae atu ki ngā rautaki kia kore ai whakamahi koretake noa iho i ngā papanga, pūngao, rawa hoki, ā, me te hoko noa i ērā mea anake e hiahiatia ana.
• Te whakapau kaha kia kore ai he pānga kino mai i ā mātou hātepe whiwhi ratonga.
• Tīpakohia ngā hua i arahina e ngā utu ora katoa me te tātari i te pānga taiao.