Te rīhi i tōku whare mā Kāinga Ora

Mā tā mātou kaupapa Rīhi Kāinga, ka rīhitia e mātou ngā tūmomo whare noho rerekē puta noa i Aotearoa, mai i ngā kāinga whānau tū motuhake tae noa ki ngā whaitua wharenoho iti paku ake.

Ka honoa ngā whare rīhi ki te hunga he nui te hiahia ka mutu kei te rēhita i runga i te rārangi tatari mō Ngā Whare Noho Tūmatanui e whakahaerehia ana e Te Manatū Whakahiato Ora (MSD). Ka noho ko Kāinga Ora te kairetiwhare, ā, ka whakahaerehia e mātou ngā whakaritenga katoa me te hunga e noho ana i roto i te kāinga.

Ahakoa he rangatira papanoho takitahi koe, he kaiwhakawhanake papanoho nui ake rānei, ka tika pea tā mātou kaupapa Rīhi Kāinga mōu. Ka tuku mātou i ngā moni whiwhi rēti pūmau, wā roa, ukiuki hoki, ka mutu ka whakapūmautia ngā utunga rēti ā-marama, ahakoa kei te noho wātea te whare i waenga retihanga. Ka whakahaerehia hoki e mātou ngā mahi tautiaki papanoho arowhānui mā te rangatira.

Te ū ki ā mātou whakaritenga

Ehara i te mea ka whakaaetia ngā whare katoa ki roto i tā mātou kaupapa Rīhi Kāinga.  Me mātua ū te whare ki ā mātou whakaritenga āheitanga, arā kei roto ko ngā whakarite whāiti hei whakarite ka noho ā mātou kiritaki ki roto i ngā kāinga mahana, maroke, hauora me te haumaru.

Ka whakaaroarohia e mātou he whare mēnā:

• Kei roto i tētahi wāhi he nui ake te hiahia ki ngā whare noho tūmatanui kei a mātou
• He mea hanga i muri i te tau 2000 (te mea pai)
• E ū ana tēnei ki Ngā Paerewa Kāinga Hauora a te Kāwanatanga
• Kāore i te nōhia i tēnei wā, ā kō ake rānei ka wātea mai
• Ka ū ki ētahi atu whakaritenga a Kāinga Ora

Puka rārangi arowhai

Me whakaoti i tā mātou rārangi arowhai tere me te māmā kia kite ai mēnā kei te ū tō whare ki ā mātou whakaritenga āheitanga tuatahi. Mēnā āe, ka whakapā atu mātou ki a koe mō te wāhanga tono.

Kia mōhio: Mēnā he ĀE ki tētahi o ngā pātai i raro e tohu ana kāore e āhei ana tō whare ki tā mātou kaupapa Rīhi Kāinga, ā, kua kore he take o te neke atu ki te wāhanga tono. Ko te aweretanga kotahi, arā mēnā i hangaia tō whare i mua o te tau 2000 – i ētahi wā ka whakaaetia e mātou tēnei. 

Ka whakapā anake mātou ki a koe mēnā ka ū koe ki ā mātou whakaritenga āheitanga tuatahi.

Tē taea ā mātou pātai katoa te karo.